ព័ត៌មានជាតិ

យុវជនម្នាក់ម្តាយមីងថា អ្នកតាចូលត្រូវអំពើគេនិងព្រាយចូល ស្រាប់តែធ្វើការអុកឡុក នៅកន្លែងចត្តាឡីស័ក

បានផុស

៥ years មុន

នៅ

ថ្ងៃពុធ ១១ សីហា ២០២១

ដោយ

បន្ទាយមានជ័យ ៖ យុវជនម្នាក់ម្តាយមីងថា អ្នកតាចូលត្រូវអំពើគេនិងព្រាយចូល ស្រាប់តែធ្វើការអុកឡុក នៅកន្លែងចត្តាឡីស័កត្រូវ នគរបាលឃាត់ខ្លួននៅតំបន់ស ព្រំដែនកម្ពុជា-ថៃ ក្នុងភូមិសាស្ត្រ ឃុំគោករមៀង ស្រុកថ្មពួក ខេត្តបន្ទាយមានជ័យ នៅព្រឹក ថ្ងៃទី១១ ខែសីហាឆ្នាំ២០២១។

នគរបាលស្រុកថ្មពួកបានឲ្យដឹងថា យុវជនអុកឡុករំខានដល់កន្លែងចត្តាឡីស័កនោះមានឈ្មោះ ស្រឿយ ប្រីយ៍ ភេទ ប្រុស អាយុ២៨ឆ្នាំ រស់នៅភូមិប្រាសាទ ឃុំស្លក្រាម ស្រុកស្វាយចេក ខេត្តបន្ទាយមានជ័យ។

នគរបាលស្រុកថ្មពួកបានឲ្យដឹងបន្តថា ជនសង្ស័យទើបត្រឡប់មកពីធ្វើការនៅប្រទេសថៃ បានរយៈពេលមួយថ្ងៃស្រាប់តែបានធ្វើសកម្មភាពអុកឡុកបង្កការរំខានដល់អ្នកដទៃ កម្លាំងចម្រុះដែលប្រចាំការនៅច្រកតំបន់បឹងត្រកួនបានធ្វើការឃាត់ខ្លួនប្រគល់ឲ្យកម្លាំងជំនាញនៃអធិការរដ្ឋាននគរបាលស្រុកថ្មពួក ធ្វើការសាកសួរ។

នគរបាលជំនាញបានបញ្ជាក់ថា យុវជននេះតាមការបញ្ជាក់របស់គ្រូពេទ្យយកសំណាកពិនិត្យលទ្ធផលអវិជ្ជមាន និងធ្វើតេស្តរកសារធាតុញៀន លទ្ធផលក៏អវិជ្ជមានដែរ។ បើតាមការអះអាងពីស្ត្រីឈ្មោះស្រឿយ សារួម អាយុ ៥៤ឆ្នាំ ត្រូវជាម្តាយមីង បានប្រាប់សមត្ថកិច្ចថា ក្មួយប្រុសគាត់នេះ ពីដើមមានសតិល្អធម្មតា ហើយពុំមានជំងឺអ្វីដែរ ទើបរយៈពេល១ខែកន្លងមកនេះ ក៏ចាប់ផ្តើមមានសភាពចម្លែក មានសតិមិនល្អខុសពីធម្មតា ដោយឃើញសភាពមិនប្រក្រតី ក៏បានឲ្យគ្រូទាយឃើញថា ក្មួយរបស់គាត់ មានគ្រោះ ហើយ មានអ្នកតាចូល ព្រាយចូលរូប និងមានគេដាក់អំពើ។

ផ្អែកតាមសំណូមពររបស់អាណាព្យាបាល បានស្នើសុំយកយុវជននេះមើលនិងបាលជំងឺតាមជំនឿ ហើយនិងធ្វើចត្តាឡីស័កនៅផ្ទះបន្តផងដែរ៕

ដោយ ៖ វ៉ាន់ ណាង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:អុកឡុក

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា