ខេត្តសៀមរាប រៀបចំ​ជាមណ្ឌលព្យាបាល​ជំងឺកូវីដ-១៩ កម្រិតធ្ងន់
Connect with us
Helistar Cambodia - Helicopter Charter Services

ព័ត៌មានជាតិ

ខេត្តសៀមរាប រៀបចំ​ជាមណ្ឌលព្យាបាល​ជំងឺកូវីដ-១៩ កម្រិតធ្ងន់

បានផុស

នៅ

ខេត្តសៀមរាប៖ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានមានប្រសាសន៍ថា ដើម្បីឆ្លើយតបនឹងការ​ឆ្លងរីករាលដាលនៃជំងឺកូវីដ-១៩ នៅក្នុងប្រទេសកម្ពុជា រាជរដ្ឋាភិបាលបានសម្រេចយកខេត្តសៀមរាប ធ្វើជាមណ្ឌលព្យាបាលជំងឺកូវីដ-១៩ កម្រិតធ្ងន់ថ្នាក់តំបន់ ដែលមានវិសាលភាពលើខេត្តចំនួន៥ភាគខាងជើង​បឹងទន្លេសាប ដែល​រួមមានខេត្តកំពង់ធំ , ខេត្តព្រះវិហារ , ខេត្តឧត្តរមានជ័យ , ខេត្តបន្ទាយមានជ័យ និងសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ម ប៊ុនហេង មានប្រសាសន៍ទៀតថា តាមការពិតទៅនៅតាមបណ្តាខេត្តនានា សុទ្ធសឹងតែមានកន្លែងសម្រាប់ព្យាបាលអ្នកជំងឺកូវីដ-១៩ ដែលធ្ងន់ធ្ងរ  ប៉ុន្តែការយកខេត្តសៀមរាបធ្វើជាមណ្ឌលព្យាលបាលអ្នកជំងឺកូវីដ-១៩ កម្រិតធ្ងន់នោះ វាសមស្របំផុត ដោយសារនៅខេត្តសៀមរាប មានមន្ទីរពិសោធន៍ថ្មី ដែលមានសមត្ថភាពអាចពិនិត្យសំណាកបានក្នុងមួយថ្ងៃជាង៩០០សំណាក និងឆាប់រហ័ស ដែលនេះជាការងាយស្រួលមួយក្នុងការព្យាបាលអ្នកជំងឺ។ 

នៅបរិវេណសាលមហោស្រពអង្គរ-កូអ៊ិច ស្ថិតក្នុងសង្កាត់ស្លក្រាម ក្រុងសៀមរាប បាន​រៀបចំ​មណ្ឌលព្យាបាល​​​កម្រិត​ធ្ងន់ អាចដាក់អ្នកជំងឺបានចំនួន៤០០នាក់ ។

លោករដ្ឋមន្រ្តីមានប្រសាសន៍បន្ថែមថា មកដល់ពេលនេះ ក្រសួងបានកត់សម្គាល់ឃើញថា ស្ថានភាពឆ្លងជំងឺកូវីដ-១៩នៅកម្ពុជា កំពុងស្ថិតក្នុងនិន្នាការនៃការថយចុះ ក្រោយពីទទួលបាននូវលទ្ធផលចាក់វ៉ាក់សាំងនោះ។ តែទោះជាយ៉ាងនេះក្ដី ការរៀបចំឲ្យមានមន្ទីរព្យាបាលកូវីដ-១៩ថ្មីបន្ថែមទៀត គឺជាយុទ្ធសាស្រ្តប្រៀបឈ្នះដើម្បី​ប្រយុុទ្ធ​ជំងឺ​នេះ៕

អត្ថបទ៖ គឿនវេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services