ព័ត៌មានជាតិ
រឿងក្តីអយុត្តិធម៌ដែលរងនូវការឈឺចាប់កើតឡើងចំកណ្តាលទីក្រុង ត្រូវបានអ្នកនិយមហ្វេសប៊ុកហួសចិត្តនិងឈឺឆ្អាលបញ្ចេញប្រតិកម្មជំនួស
ភ្នំពេញ ៖ មានរឿងក្តីដ៏អយុត្តិធម៌ ដែលរងនូវការឈឺចាប់ បានកើតឡើងចំកណ្តាលរាជធានីភ្នំពេញ ត្រូវបានអ្នកនិយមតាមបណ្តាញសង្គមហ្វេសប៊ុក សម្តែងការហួសចិត្តនិងឈឺឆ្អាលបញ្ចេញប្រតិកម្មជំនួស ហើយបានប្រើវោហារសាស្ត្រធ្ងន់ៗ ហើយបានសំណូមពរដល់ថ្នាក់ដឹកនាំ មេត្តាជួយរកយុត្តិធម៌ជូនពួកគាត់ផង អាណិតគាត់ផង ព្រោះអ្នកមានប័ណ្ណ ចាញ់អ្នកគ្មានប័ណ្ណ ហើយថានឹងតាមដានរឿងនេះដល់ទីបញ្ចប់។
លោក ផែង វណ្ណៈ អ្នកនិយមលើកបញ្ហាផ្សេងៗលើបណ្ដាញសង្គមហ្វេសបុក និងជាចាងហ្វាងការផ្សាយ សារព័ត៌មាន Pheng Vanak news នាថ្ងៃទី២២ ខែសីហា ឆ្នាំ២០២១ ដោយអត់ទ្រាំមើលនឹងភ្នែកមិនបាន ក៏បានធ្វើអត្ថាធិប្បាយតាមបណ្ដាញផេករបស់លោក ដោយលើករឿងរ៉ាវដីរបស់លោកស្រី បែន សុធារី និងអ្នកពាក់ព័ន្ធមកបង្ហាញ ដោយចាត់ទុកថា រឿងនេះជារឿងមួយដ៏អយុត្តិធម៌ និងឈឺចាប់បំផុត សម្រាប់លោកស្រី បែន សុធារី និងចាត់ទុកថា នេះជាករណីអយុត្តិធម៌សង្គមនៅចំកណ្តាលរាជធានីភ្នំពេញតែម្តង។
លោក ផែង វណ្ណៈ បានលើកយកឯកសារពាក្យបណ្ដឹងសារទុក្ខរបស់លោកស្រី លាង ញឹបជាភរិយាលោកវេជ្ជបណ្ឌិតគី ប៊ូសួ និងបណ្តឹងសារទុក្ខរបស់លោកស្រីបែន សុធារី ជាភរិយាលោកហួន ណារិន ដែលឯកសារបានធ្វើដោយឡែកពីគ្នា គោរពជូនដល់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាទីគោរពដ៏ខ្ពង់ខ្ពស់បំផុត មេត្តាជួយរកយុត្តិធម៌ជូនពួកគាត់ ហើយបណ្ដឹងនោះត្រូវបានខុទ្ទកាល័យសម្ដេចនាយកទទួលរួចចំណារ ចាត់បញ្ជូនមកក្រសួងយុត្តិធម៌កាលពីថ្ងៃទី១៩សីហាឆ្នាំ២០២១ សូមមានសមត្ថកិច្ចត្រួតពិនិត្យសំណុំរឿងនេះ។
លោកថា ករណីដ៏អយុត្តិធម៌សង្គមនិងឈឺចាប់មួយនេះកំពុងតែក្តៅគគុក ត្រូវបានមហាជនលើកយកមកជជែកស្ទើរគ្រប់វេទិកាតាមតុកាហ្វេទៅដល់ទីណាក៏ឮគេនិយាយដែរ ពិសេសនៅខណ្ឌច្បារអំពៅតែម្តង។ ឯកសារដែលលោកផែង វណ្ណៈរៀបរាប់បង្ហាញបណ្តឹងរបស់លោកស្រី លាង ញឹប ជាភរិយាលោកវេជ្ជបណ្ឌិតគី ប៊ូសួ គឺយោងតាមឯកសារជាង១០ និង បណ្តឹងរបស់លោកស្រីបែន សុធារី ជាភរិយាលោកហួន ណារិន គោរពជូនសម្តេចតេជោហ៊ុន សែន មេត្តាជួយរកយុត្តិធម៌ជូនពួកគាត់។ព្រោះដីអ្នកមានប័ណ្ណបែរជាចាញ់ក្តីអ្នកអត់ប័ណ្ណ។
លោកផែង វណ្ណៈ ក៏បានស្នើសុំដល់អាជ្ញាធរពន្យារពេលការអនុវត្តសាលដីកាសិន ដើម្បីឲ្យម្ចាស់ដីពិតប្រាកដមានឱកាសស្វែងរកយុត្តិធម៌ អាណិតពួកគាត់គាត់ផង សម័យកូវីដស្ងាត់ៗបែរជាកើតរឿងអយុត្តិធម៌បែបនេះ។ ប្រជាជននៅទូទាំងប្រទេសកំពុងតែតាមដានរឿងនេះ។ ប្រសិនរឿងអយុត្តិធម៌សង្គមកើតឡើងបែបនេះ វាបានបង្កការឈឺចាប់ ហើយធ្វើឲ្យអ្នករងនូវការឈឺចាប់ នាំគ្នាកាន់បដាឈរតាមផ្លូវ និង មុខផ្ទះថ្នាក់ដឹកនាំដើម្បីរកយុត្តិធម៌, លោកនឹងតាមដានរឿងនេះបន្តទៀត។
សូមរំលឹកថា ម្ចាស់សិប្បកម្មនំបញ្ចុក លោកស្រី បែន សុធារី ដែលជាម្ចាស់ដីស្របច្បាប់ ស្ថិតនៅភូមិអូរណ្ដូង សង្កាត់ព្រែកប្រា ខណ្ឌច្បារអំពៅ កំពុងរងនូវភាពអយុត្តិធម៌បំផុតមិនដែលធ្លាប់មាន បានលើកដៃសំពះអង្វរករ ដល់ឯកឧត្ដម កើត រិទ្ធ រដ្ឋមន្ត្រីក្រសួងយុត្តិធម៌ និង ឯកឧត្ដមប្រធានតុលាការកំពូល ជាពិសេសសម្ដេចអគ្គមហាសេនាបតីតេជា ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានីហ៊ុនសែន មេត្តាជួយរកយុត្តិធម៌ និងជួយសើរើសំណុំរឿងក្ដី ការសម្រេចរបស់តុលាការកំពូល ដែលបង្កប់ដោយភាពមិនប្រក្រតីនោះឡើងវិញផង។
ជាមួយនោះក៏សុំឱ្យភាគី ឈ្មោះ សាយ សារិន ហៅតុង និង ប្រពន្ធឈ្មោះ វូ សេងគ្រី ហៅស្រី ចេញមុខមកតតាំងបង្ហាញឯកសារគតិយុត្តិនិងភស្តុតាងចំពោះមុខច្បាប់ ជាសាធារណៈ ដោយឆ្លងកាត់នីតិវិធី ធ្វើកោសល្យពិច័យលើឯកសារពីស្ថាប័នជំនាញថ្នាក់ជាតិ រួមជាមួយសាក្សីរស់ជាក់ស្ដែង ដើម្បីឱ្យមានភាពយុត្តិធម៌និងត្រឹមត្រូវចំពោះមុខច្បាប់ទាំងអស់គ្នា ។
អ្នកស្រីនិងសាក្សីសំខាន់ៗ រួមជាមួយកម្មករជាង៥០គ្រួសារបានអះអាងថា ពួកគាត់ហ៊ានទទួលខុសត្រូវចំពោះមុខច្បាប់ ក៏ដូចចំពោះសម្ដេចទាំងទ្វេថា «ពួកយើងខ្ញុំសូមនិយាយតែការពិត…បើស៊ើបទៅឃើញថាមិនពិត ពួកខ្ញុំសុខចិត្តដើរចូលពន្ធនាគារ»៕
ដោយ ៖ នរា
តើការវាយប្រហារភេរវកម្មនៅ រុស្ស៊ី ជាស្នាដៃរបស់លោក Zelensky មែនឬ?
រដ្ឋបាលខេត្តព្រះវិហារ បដិសេធការផ្សាយថា ពលរដ្ឋរត់ទៅពួនក្នុងព្រៃដើម្បីគេចពីការចាប់ខ្លួនពីអាជ្ញាធរខេត្ត
ជួបការរាំងស្ងួតយ៉ាងណា តំបន់អូរជាំនៅតែមានប្រភពទឹកធម្មជាតិទ្រទ្រង់លើភូមិចំនួន ៤ ធ្វើកសិកម្មពេញមួយឆ្នាំ
ផ្ទុះការវែកញែក ក្រោយ ឯម រៀម បង្ហាញ ៣ ចំណុច គួរចៀសវាង ក្នុងពិធីអាពាហ៍ពិពាហ៍
ក្រសួងមហាផ្ទៃ បើកសិក្ខាសាលាពិគ្រោះយោបល់ លើសេចក្តីព្រាងច្បាប់ស្តីពីបទល្មើសបច្ចេកវិទ្យាព័ត៌មាន
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?