ព័ត៌មានជាតិ
សមាគម គ្រឹះស្ថានឧត្តមសិក្សា គាំទ្រឲ្យមានការបើក សាលារៀនឡើងវិញ នៅតំបន់មិនមានការឆ្លង
លោកបណ្ឌិត ហេង វ៉ាន់ដា ប្រធានក្រុមប្រឹក្សាភិបាល សមាគមគ្រឹះស្ថាន ឧត្តមសិក្សាកម្ពុជា បានគាំទ្រសារ របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ទាំងស្រុងដែលឲ្យមានការ រៀបចំបើកដំណើរការសាលារៀន នៅតាមតំបន់ដែលមិនមានឆ្លង ឬមានឆ្លងជំងឺកូវីដ-១៩ តិចតួចដើម្បីឲ្យសិស្សានុសិស្ស បានចូលរៀនឡើងវិញ។
លោកបណ្ឌិត ហេង វ៉ាន់ដា បានថ្លែងនៅថ្ងៃទី៣១ ខែសីហានេះថា «ទាក់ទង នឹងសាររបស់សម្តេចតេជោ ជាការប្រណៃខ្លាំងណាស់ ព្រោះថា មានតំបន់នៃខេត្តខ្លះ អត់មានឆ្លងកូវីដផង។ កូវីដយើងប្រកាសតាមខេត្ត ជួនកាលសល់ តាមស្រុកឃុំភូមិណាមួយ ហើយខេត្តខ្លះ អត់នឹងមានកូវីដហ្នឹងផង។ ដល់អញ្ចឹងទៅ គួរតែបើកឡើងវិញ ដើម្បីឲ្យសិស្សតាមជនបទ និងតាមទីប្រជុំជនមួយចំនួនដែលមិនមានបញ្ហាកូវីដ-១៩ វាជារឿងដ៏ល្អ ហើយល្អខ្លាំងណាស់»។
លោកបណ្ឌិត ហេង វ៉ាន់ដា បានបន្តទៀតថា បច្ចុប្បន្ននេះយើង បានដឹងចិត្តកូវីដ-១៩ខ្លះៗហើយពោល គឺឲ្យតែយើងបន្តអនុវត្ត វិធានការសុខាភិបាល ៣កុំ ៣ការពារ ឲ្យបានភ្ជាប់ខ្ជួននោះ នឹងអាចបញ្ចៀសការឆ្លង ជំងឺកូវីដ-១៩បាន។ លោកបណ្ឌិត បានបន្ថែមទៀតថា «ម្យ៉ាងទៀត យើងមានការចាក់វ៉ាក់សាំងការពារទៀត ខ្ញុំគិតថា យើងអាចដំណើរការបាន ដោយភាពបត់បែន ដូចសម្តេចតេជោ បានមានប្រសាសន៍អញ្ចឹង»។ លោកបណ្ឌិត បានបន្តថា ចំណែកវិស័យឯកជន ក៏មើលតាមហ្នឹងដែរ គឺយោងទៅលើការបើក តាមរបៀបការបត់បែន យើងនឹងស្នើសុំអញ្ចឹងដែរ។
ចំណែកលោក រស់ សុវាចា អ្នកនាំពាក្យ ក្រសួងអប់រំ យុវជន និងកីឡា បានឲ្យដឹងថា យោងអនុសាសន៍ ណែនាំដ៏ខ្ពង់ខ្ពស់ របស់សម្ដេចតេជោ នាយករដ្ឋមន្ត្រី ដែលបានថ្លែងនាព្រឹក ថ្ងៃទី៣១ ខែសីហា ឆ្នាំ២០២១នេះ ក្រសួងអប់រំ យុវជន និងកីឡា នឹងជម្រាបព័ត៌មានពាក់ព័ន្ធ ជូនមហាជននៅក្នុងពេលខាងមុខ ឆាប់ៗនេះ។
យ៉ាងណាក៏ដោយលោកបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា មានប្រសាសន៍ ក្នុងពិធីចុះហត្ថលេខា លើអនុស្សរណៈ នៃការយោគយល់គ្នា រវាងវិទ្យាស្ថានជាតិអប់រំ និងក្រុមហ៊ុន ផុស្ការ ឌីជីធល ដើម្បីដាក់ឲ្យប្រើប្រាស់សាលារៀនឌីជីថល Wiki School នៅវិទ្យាស្ថានជាតិអប់រំ តាមរយៈប្រព័ន្ធZoom នៅព្រឹកថ្ងៃទី៣១ ខែសីហានេះថា ក្រសួងនឹងពិនិត្យលទ្ធភាព ធ្វើការជជែកគ្នាបន្ថែមទៀត ជាមួយស្ថាប័ន អង្គភាពពាក់ព័ន្ធ និងវិស័យឯកជន ពាក់ព័ន្ធការត្រៀមបើកសាលារៀនឡើងវិញ។
បើតាមលោករដ្ឋមន្ត្រី ការបើកសាលារៀនឡើងវិញបាន លុះត្រាណាកុមារ ត្រូវបានចាក់វ៉ាក់សាំងបង្ការជំងឺកូវីដ-១៩ បានគ្រប់ៗគ្នា ដូចអ្វីដែលប្រមុខរាជរដ្ឋាភិបាលបានលើកឡើង។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី៣១ ខែសីហានេះ បានចេញសារសំឡេងបន្ទាន់មួយ ណែនាំដល់ក្រសួងអប់រំ យុវជន និងកីឡា ឲ្យសហការជាមួយបណ្តារាជធានី-ខេត្តនានា ដើម្បិពិនិត្យមើលលើការ បើកសាលារៀនឡើងវិញនៅតាមភូមិ-ឃុំ ដែលមិនមានការឆ្លងជំងឺកូវីដ-១៩ និងកន្លែងដែលឆ្លងតិច ដោយមិនត្រូវរង់ចាំ ការបើកលាសារៀនព្រមគ្នា នៅទូទាំងប្រទេសនោះឡើយ។ ប៉ុន្តែ ក៏ត្រូវរក្សាគម្លាតសុវត្ថិភាព និងគោរពតាមវិធានការសុខាភិបាល ឲ្យបានខ្ជាប់ខ្ជួនជាប្រចាំផងដែរ។
ការសម្រេច ឲ្យក្រសួងអប់រំ ចាប់ផ្តើមបើកសាលារៀនឡើងវិញ នៅតាមតំបន់ ដែលមិនមានហានិភ័យខ្ពស់នេះ ត្រូវបានសម្តេចតេជោបញ្ជាក់ថា ស្ថិតក្នុងស្ថានភាព ដែលយើងកុំពុងជួបការលំបាកនេះ បើយើងមិនបានញែក កន្លែងដែលឆ្លង និងកន្លែងដែលមិនឆ្លង នឹងអាចនាំទៅដល់ សិស្សអាចបោះបង់ចោលសាលារៀន ឬអាចឈានដល់សិស្សភ្លេចអក្សរ ដែលបង្កផលប៉ះពាល់កាន់តែធ្ងន់ធ្ងរ នាំដល់ការបាត់ឱកាស សម្រាប់ការសិក្សារៀនសូត្ររបស់កុមារ និងយុវវ័យ ខណៈដែលនៅមូលដ្ឋានរបស់ពួកគេ មិនមានការរាតត្បាត។ ប៉ុន្តែបែរជាពួកគេ ក៏ជាអ្នករងគ្រោះ ដូចកន្លែងដែលមានការឆ្លងដែរ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ