ព័ត៌មានជាតិ
អាជ្ញាធរខេត្តបន្ទាយមានជ័យ ត្រៀមរួចរាល់ហើយ សម្រាប់ការបើកសាលារៀន ឡើងវិញ
ស្របពេលសាលា ដែលយកធ្វើជាមណ្ឌលចត្តាឡីស័ក និងធ្វើជាកន្លែងព្យាបាលអ្នកជំងឺកូវីដ-១៩ នឹងត្រូវប្រគល់ជូនមន្ទីរអប់រំ យុវជន និងកីឡាខេត្តវិញ នៅបំណាច់ខែកញ្ញា ឆ្នាំ២០២១ខាងមុខនេះ អាជ្ញាធរខេត្តបន្ទាយមានជ័យ បានរៀបចំរួចរាល់ហើយ នូវសាលារៀនដែលត្រៀម បើកឲ្យសិស្សចូលរៀនឡើងវិញនោះ។
លោក អ៊ុំ រាត្រី អភិបាលខេត្តបន្ទាយមានជ័យ នៅថ្ងៃទី៣ ខែកញ្ញា ឆ្នាំ២០២១ បានឲ្យអ្នកព័ត៌មានដឹងថា ខេត្តបន្ទាយមានជ័យ មានសាលារៀន សរុបចំនួន៥១២សាលា។ ក្នុងនោះមត្តេយ្យសិក្សា មានចំនួន២១ នឹងបើកឡើងវិញចំនួន២ សិក្សាតាមបណ្តុំចំនួន១០ និងតាមអនឡាញចំនួន៩។ សាលាបឋមសិក្សា មានចំនួន៤០៧ទីតាំង នឹងបើកឡើងវិញ ចំនួន១៥៦សាលា សិក្សាតាមបណ្តុំ ចំនួន១៧០សាលា និងសិក្សាតាមអនឡាញ ចំនួន៩១សាលា។
លោកបានបន្តថា សម្រាប់សាលាមធ្យមសិក្សា មានចំនួន៨៤សាលា នឹងបើកឡើងវិញ ចំនួន១៩សាលា សិក្សាតាមបណ្តុំ ចំនួន៣៤សាលា និងតាមអនឡាញ ចំនួន៣១សាលា ហើយសាលាដែលរៀនតាមអនឡាញទាំងអស់ ជាទីតាំង នៅមានករណីរកឃើញមានវិជ្ជមានកូវីដ-១៩ នៅឡើយ។
អភិបាលខេត្ត បានឲ្យដឹងបន្ថែមថា ចំពោះសាលា បាននឹងកំពុងប្រើប្រាស់ ជាមណ្ឌលចត្តាឡីស័ក និងកន្លែងសម្រាកព្យាបាលនៃអ្នកជំងឺកូវីដ-១៩ តាមការគ្រោងរបស់ខេត្ត នឹងត្រូវប្រគល់ឲ្យខាងសាលាគ្រប់គ្រងវិញ នៅដំណាច់ខែកញ្ញានេះ ព្រោះដោយមានការជួយគាំទ្រ ពីអនុគណៈកម្មការសាងសង់ របស់ក្រុមការងារលោកនាយឧត្ដមសេនីយ៍ ខេង សាមេធ បានសាង់សង់រួចមណ្ឌលព្យាបាល ២កន្លែង និងកំពុងរៀបចំមណ្ឌលចត្តាឡីស័កមួយទៀត ដែលអាចជំនួសសាលារៀនបាន។
សូមជម្រាបថា នៅខេត្តបន្ទាយមានជ័យ ចំពោះសាលារៀន កំពុងធ្វើជាមណ្ឌលចត្តាឡីស័ក ចំនួន២២កន្លែង និងសាលារៀនមួយចំនួនទៀត ត្រូវបានយកធ្វើជាមណ្ឌលព្យាបាល អ្នកជំងឺកូវីដ-១៩ ខណៈមណ្ឌលព្យាបាលថ្មីធំៗចំនួន២កន្លែង គឺនៅមណ្ឌលព្យាបាល ហ៊ុន សែន ខ្លាកូន ស្ថិតក្នុងក្រុងសិរីសោភ័ណ ចាប់ផ្ដើមដាក់អ្នកជំងឺវីដ-១៩ អាការៈស្រាល ជាអ្នកជំងឺពលករ និងមណ្ឌលព្យាបាលនៅផ្សារ អឹង វណ្ណម៉ៅ ស្ថិតក្នុងស្រុកមណ្ឌលបុរី សម្រាប់ដាក់អ្នកជំងឺឆ្លងក្នុងសហគមន៍ និងកំពុងរៀបចំមណ្ឌលចត្តាឡីស័កនៅសង្កាត់និមិត្ត ក្រុងប៉ោយប៉ែត អាចដាក់ពលករបានជាង ៣០០០នាក់។
ចំពោះខេត្តបន្ទាយមានជ័យនេះ អត្រានៃការរកឃើញអ្នកវិជ្ជមានកូវីដ-១៩ នារយៈពេលចុងក្រោយនេះ ក៏មានការថយចុះជាបន្តបន្ទាប់ផងដែរ។ ដោយកាលពីថ្ងៃទី១ ខែកញ្ញា រកឃើញអ្នកឆ្លងជំងឺកូវីដ១៩ ចំនួន១០២នាក់ និងជាសះស្បើយចំនួន ៨៥នាក់៕
អត្ថបទ៖ ពៅ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង