ប្រមុខ​រាជ​រដ្ឋាភិបាល​អំពាវ​នាវ​៨​ចំណុច​ដើម្បី​បន្ត​ចូល​រួម​លើក​កម្ពស់​ការងារ​អក្ខរកម្ម​ឱ្យ​កាន់​តែ​មាន​ប្រសិទ្ធភាព​ Government calls for 8 points to continue to contribute to the promotion of literacy more effectively
Connect with us
Helistar Cambodia - Helicopter Charter Services

ព័ត៌មានជាតិ

ប្រមុខ​រាជ​រដ្ឋាភិបាល​អំពាវ​នាវ​៨​ចំណុច​ដើម្បី​បន្ត​ចូល​រួម​លើក​កម្ពស់​ការងារ​អក្ខរកម្ម​ឱ្យ​កាន់​តែ​មាន​ប្រសិទ្ធភាព​

បានផុស

នៅ

​សម្តេចអគ្គមាហសេនាបតីតេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អំពាវ​នាវ​៨ ​ចំណុច​ដើម្បី​បន្ត​ចូល​រួម​លើក​កម្ពស់​ការងារ​អក្ខរកម្ម​នៅ​ ​កម្ពុជា​ឱ្យ​កាន់​តែ​មាន​ប្រសិទ្ធភាព​។​នេះ​បើ​តាម​សារលិខិត​សម្តេចតេជោ ហ៊ុន សែន ​ក្នុង​ឱកាស​ប្រារព្ធទិវាអក្ខរកម្មជាតិ៨កញ្ញា ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​សម្តេចតេជោ ហ៊ុន សែន​ នាយក​រដ្ឋមន្រ្តី​បាន​ថ្លែង​បញ្ជាក់​ថា​ដើម្បី​បន្ត​ចូល​រួម​លើក​កម្ពស់​ការងារ​អក្ខរកម្ម​នៅ​កម្ពុជា​ឱ្យកាន់តែមានប្រសិទ្ធភាពថែមទៀត​ សម្តេច​សូមអំពាវ​នាវ​ដូចតទៅ៖

ទី១.ក្រសួង ស្ថាប័នពាក់ព័ន្ធត្រូវរៀបចំគោលនយោបាយ ក្របខណ្ឌច្បាប់ លិខិតបទដ្ឋាន និង​យន្តការ​ចាំ​បាច់​ដើម្បីដឹកនាំគ្រប់គ្រង និងអនុវត្តឱ្យមានប្រសិទ្ធភាពនិងគុណ​ភាព​ ធានា​បាន​នូវ​ការ​សិក្សា​ពេញ​មួយ​ជីវិត សម្រាប់​ប្រជាពលរដ្ឋគ្រប់រូប និង​ស្រប​ទៅ​នឹង​បរិការណ៍ថ្មីនៃគោលដៅអភិវឌ្ឍន៍ ប្រកប​ដោយ​ចីរភាពក៏ដូចជាការស្តារឡើង​វិញសង្គម-សេដ្ឋកិច្ច ​បន្ទាប់​ពី​វិបត្តិកូវីដ១៩។

ទី២.ក្រសួង ស្ថាប័ន គ្រឹះស្ថានសិក្សា មណ្ឌលសិក្សា ទី​វត្ត​អារាម​ទាំង​អស់​ត្រូវ​បន្ត​បង្កើត​កម្មវិធីអប់រំ​កម្មវិធី​សិក្សាពេញមួយជីវិត ទាំងផ្នែកអក្ខរកម្មទាំងផ្នែកវិជ្ជាជីវៈ ទាំងផ្នែក​បច្ចេកវិទ្យាព័ត៌មាន ឱ្យ​កាន់​តែ​សម្បូរបែប ឆ្លើយ​តប​នឹង​តម្រូវការអ្នកសិក្សា។

ទី៣.អាជ្ញាធរដែនដីគ្រប់លំដាប់ថ្នាក់ ត្រូវយកចិត្តទុកដាក់ចូលរួមគាំទ្រឱ្យបានខ្លាំងក្លាថែមទៀត ក្នុង​ការ​អភិវឌ្ឍហេដ្ឋារចនាសម្ព័ន្ធ មជ្ឈមណ្ឌលសិក្សា​ និង​ជំរុញលើកទឹកចិត្ត ដល់ប្រជាពលរដ្ឋ ដែល​មិន​បាន​រៀនសូត្រ ឬ​បោះ​បង់ការសិក្សា ឱ្យមានឱកាសទទួលបានការរៀនសូត្រជាថ្មី ជា​ពិសេស​ត្រូវ​ខិត​ខំ​បង្កលក្ខណៈងាយស្រួលដល់ប្រជាពល រដ្ឋមានពិការភាព ឱ្យ​ទទួល​បាន​លទ្ធភាព​ក្នុង​ការ​សិក្សា​រៀន​សូត្រ ប្រកបដោយសមធម៌ និងបរិយាប័ន្ន។

ទី៤.ប្រព័ន្ធផ្សព្វផ្សាយទាំងអស់ទាំងស្ថាប័នរដ្ឋ និង​ឯកជន​សូម​ជួយ​ផ្សព្វផ្សាយ​ឱ្យ​បាន​ទូលំ​ទូលាយ​នូវរាល់​កម្មវិធីអក្ខរកម្មដើម្បីឱ្យប្រជាពលរដ្ឋយើងមានការយល់ដឹងកាន់ តែ​ទូលំទូលាយ​ក្រោម​ប្រធាន​បទ «អក្ខរកម្មជាមូលដ្ឋានគ្រឹះ នៃការសិក្សាពេញមួយជីវិត»។

ទី៥.ក្មួយៗជាសិស្សនិស្សិតតាមគ្រឹះស្ថានសិក្សាសាធារណៈ និង​ឯកជនយុវជនសហភាព​សហព័ន្ធ​យុវ​ជនកម្ពុជាយុវជនកាយរឹទ្ធិ និងយុវជនកាកបាទក្រហមកម្ពុជាត្រូវ សកម្មចូលរួមជួយ​បង្រៀន​ដោយ​ស្ម័គ្រចិត្តដល់អ្នកមិនចេះអក្សរ ដែល​ស្ថិត​ក្នុង​មូលដ្ឋានរបស់ក្មួយៗរស់នៅ។ បងប្អូន​ជន​រួមជាតិ​ដែល​ជា​មាតាបិតា ឬ​អ្នកអាណាព្យាបាល ក៏សូមជួយជំរុញកូនចៅឱ្យរៀនសូត្របានជាប់លាប់ និងទទួលបានលទ្ធផលល្អគ្រប់ៗគ្នា។

ទី៦.វត្តអារាម និងវិហារសាសនា នានា ត្រូវចលនាព្រះសង្ឃ បព្វជិតសាសនា តាជី ដូនជី ចូលរួម​ជំរុញ​កម្មវិធីអក្ខរកម្មវិជ្ជាជីវៈឱ្យកាន់តែខ្លាំងក្លាថែមទៀតតាមរយៈការទេស នាអប់រំ​អំពីសារៈ​ប្រយោជន៍​នៃ​ការរៀនសូត្រ អំពីសីលធម៌ និងលើកកម្ពស់វប្បធម៌រស់នៅ ក្នុងភាពជាពលរដ្ឋសកល។

ទី៧.ដៃគូអភិវឌ្ឍ និងអង្គការមិនមែនរដ្ឋាភិបាល ត្រូវបង្កើនកិច្ចសហការ និងពង្រឹងភាពជាដៃគូ​ជាមួយ​គ្រឹះស្ថានរដ្ឋ ដើម្បីជួយឧបត្ថម្ភគាំទ្រទាំងធនធាន ទាំងបច្ចេកទេស ដល់គ្រប់កម្មវិធីអប់រំ ជាពិសេសកម្មវិធីអក្ខរកម្មផ្សារភ្ជាប់នឹងការអប់រវិជ្ជាជីវៈ ឱ្យមានដំណើរការល្អជាប់ជាប្រចាំ។

ទី៨.ប្រធានរោងចក្រ សហគ្រាស និងក្រុមហ៊ុនឯកជន សូមជួយជំរុញបើកថ្នាក់អក្ខរកម្ម គួបផ្សំ​ជាមួយ​ថ្នាក់​បំប៉នមុខជំនាញវិជ្ជាជីវៈផ្សេងៗដល់បងប្អូនកម្មករ កម្មការិនី ដើម្បី​ជាប្រយោជន៍​របស់​ពួក​គេ​ផង​ និង​ជាប្រយោជន៍ដល់ម្ចាស់រោងចក្រ សហគ្រាសផងដោយយើងទាំងអស់គ្នាត្រូវចងចាំថា «មានអក្ខរកម្ម មានការគិតគូរនិងការសម្រេច ចិត្តបានត្រឹមត្រូវ», «មានអក្ខរកម្មនាំឱ្យការអភិវឌ្ឍ សហគមន៍កាន់តែរីកចម្រើន», «មានអក្ខរកម្មមានសុខដុមជីវិតបុគ្គល គ្រួសារ និងសង្គម»៕

អត្ថបទ៖ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៨ ម៉ោង មុន

សហព័ន្ធ​កីឡា​ទ្រី​យ៉ា​ត្លុង​បោះជំរំ និង​បើក​វគ្គ​បណ្តុះបណ្តាល​បច្ចេកទេស​ដល់​មន្ត្រី គ្រូបង្វឹក និង​អត្ត​ពលិ​ក​ត្រៀម​ការប្រកួត​ជើងឯក​ជាតិ​និង​អន្តរជាតិ

សន្តិសុខសង្គម៨ ម៉ោង មុន

លោកតា​ម្នាក់​ជិះ​ម៉ូតូ​សុខៗ​ ស្រាប់តែ​ឈប់​ម៉ូតូ​ដួល​ស្លាប់

សន្តិសុខសង្គម៨ ម៉ោង មុន

តុលាការ​បើក​ការ​ស៊ើប​សួរ​គ្រឿងញៀន​ស្ត្រី​ថៃ​ម្នាក់​ ដឹកជញ្ជូន​គ្រឿងញៀន​ជិត​២​គីឡូ ឆ្លងកាត់​៣​ប្រទេស​ចូល​មក​កម្ពុជា

ចរាចរណ៍៩ ម៉ោង មុន

បុរស៣នាក់ បើកម៉ូតូបុកគោ​ដើរ​ឆ្លងផ្លូវ បណ្ដាលឲ្យ​ស្លាប់​ម្នាក់​ របួសធ្ងន់​២​នាក់

ព័ត៌មានជាតិ៩ ម៉ោង មុន

ក្រុមការងារ​ចម្រុះ​ចុះ​ពិនិត្យ​​តំបន់​​ព្រៃ​លិច​ទឹក​ក្នុងភូមិ​សាស្ត្រ​ខេត្តសៀមរាប​បាន​មួយចំនួន​ហើយ​

Sokha Hotels

ព័ត៌មានពេញនិយម

Helistar Cambodia - Helicopter Charter Services