ព័ត៌មានអន្ដរជាតិ
កុមារនិងយុវវ័យសិង្ហបុរីញៀនកម្មវិធីស្មាតហ្វូនកើនឡើងនិងបង្កក្តីបារម្ភលើឥរិយាបថអវិជ្ជមាន
សារព័ត៌មានដ៏ល្បីឈ្មោះនៅប្រទេសសិង្ហបុរី The Straits times បានរាយការណ៍ថា កុមារនិងយុវវ័យកាន់តែច្រើនឡើងញៀនកម្មវិធីទូរស័ព្ទដែលភ្ជាប់អ៊ីនធឺណិត ដោយពួកគេមិនអាចដកភ្នែកចេញពីការតាមដានកម្មវិធីនានានៅអេក្រង់របស់ទូរស័ព្ទទំនើប (ស្មាតហ្វូន) ដែលកំពុងតែជំរុញឱ្យមានបញ្ហាញៀននិងបង្កើនឱ្យមានបញ្ហាផ្នែកអត្តចរិតរបស់ពួកគេ។
តាមរយៈការចេញផ្សាយនេះ សារព័ត៌មានដ៏មានវ័យចំណាស់មួយនេះបានដកស្រង់ការលើកឡើងរបស់អ្នកប្រឹក្សាយោបល់ និងអ្នកធ្វើការងារសង្គមក្នុងប្រទេសសិង្ហបុរី ដែលនិយាយថា ក្មេងៗកាន់តែច្រើនកំពុងតែប្រឈមជាមួយទម្រង់ជាច្រើននៃការញៀនលើកម្មវិធីឌីជីថល រាប់ចាប់តាំងពីការប្រើប្រាស់កម្មវិធីបណ្តាញសង្គមនិងអ៊ីនធឺណិតជាក់លាក់ រហូតដល់ការប្រើប្រាស់មិនមានកំណត់ពេលវេលាដោយសារការលេងហ្គេមនិងទស្សនាមើលវីដេអូអាសអាភាស។
កាសែត The Straits Times បានកត់ត្រានូវការកើនឡើងនេះពីសេវាប្រឹក្សាយោបល់ Touch Community Services ដែលជួយដល់អ្នកញៀនកម្មវិធីបច្ចេកវិទ្យាដោយបង្ហាញថា អ្នកមករកសេវាប្រឹក្សាយោបល់មានរហូតដល់១១១ករណីនៅឆ្នាំ២០២២ ខណៈដែលមានកំណើន៥៨ភាគរយធៀបនឹងឆ្នាំ២០១៩។
ចំណែក សេវាប្រឹក្សាយោបល់ «We Care Community Services» ដែលជាមជ្ឈមណ្ឌលស្តារការញៀន បាននិយាយថា ខ្លួនបានឃើញការបញ្ជូនបន្តច្រើនជាង ២០ភាគរយសម្រាប់ការញៀនហ្គេមក្រោយជំងឺរាតត្បាតកូវីដ១៩ បើធៀបនឹងឆ្នាំមុនកូវីដ១៩ ដូចជាឆ្នាំ២០១៩។
អង្គការនោះបាននិយាយថា សំណួរ និងការហៅទូរស័ព្ទបន្ថែមពីសាលារៀន និងឪពុកម្តាយអំពីបញ្ហាញៀនឌីជីថលក៏បានកើតឡើងក្នុងរយៈពេល៣ឆ្នាំកន្លងមកនេះផងដែរ។
លោក Tham Yuen Han នាយកគ្លីនិករបស់ We Care បាននិយាយថា ការសាកសួរជាច្រើនគឺមកពីឪពុកម្តាយដែលស្វែងរកការណែនាំ និងដំបូន្មានអំពីរបៀបដោះស្រាយជាមួយកុមារដែលបង្ហាញសញ្ញាថាពួកគេអាចជាប់នឹងឧបករណ៍របស់ពួកគេច្រើនពេក។
លោកស្រី Andrea Chan នាយករងក្រុមហ៊ុន Touch Mental Wellness បាននិយាយថា ទីភ្នាក់ងារបានដោះស្រាយករណីយុវជនដែលមិនទៅសាលារៀន ដោយសារទម្លាប់លេងហ្គេម គំរាមសម្លាប់ខ្លួន នៅពេលដែលឪពុកម្តាយរបស់ពួកគេបិទ Wi-Fi នៅផ្ទះ ឬរត់ចេញពីផ្ទះនៅពេលដែលឪពុកម្តាយរបស់ពួកគេបញ្ឈប់ពួកគេពីការលេងហ្គេម។
លោកស្រីបានបន្ថែមថា ករណីនានានឹងលេចចេញកាន់តែច្រើនឡើង នៅពេលដែលឪពុកម្តាយកត់សម្គាល់ពីការធ្លាក់ចុះនៃថ្នាក់របស់កូនៗ កាត់បន្ថយការចូលរួមក្នុងគ្រួសារ ឬចំណាយពេលជាមួយមិត្តភក្តិរបស់ពួកគេ៕
ដោយ រ៉ាន់ រើយ
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ២៤ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៣ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន