ព័ត៌មានជាតិ
មន្ត្រីជាន់ខ្ពស់ក្រសួងមហាផ្ទៃ ៖ ការប្រើប្រាស់ប្រព័ន្ធព័ត៌មានវិទ្យាមិនបានត្រឹមត្រូវនាំឲ្យប៉ះពាល់ដល់សង្គមជាតិ
ភ្នំពេញ ៖ មន្ត្រីជាន់ខ្ពស់ក្រសួងហមាផ្ទៃបានលើកឡើងថា ការប្រើប្រាស់ប្រព័ន្ធព័ត៌មានវិទ្យាមិនបានត្រឹមត្រូវនាំឲ្យប៉ះពាល់ដល់សន្តិសុខ សណ្ដាប់ធ្នាប់ និងសុវត្ថិភាពសង្គម ជាពិសេសការរស់នៅប្រចាំថ្ងៃរបស់ប្រជាពលរដ្ឋ។
ការលើកឡើងរបស់មន្ត្រីជាន់ខ្ពស់ក្រសួងមហាផ្ទៃនេះបានធ្វើឡើងក្នុងពិធីបើកសិក្ខាសាលាអនឡាញ ស្តីពី “សន្តិសុខបណ្តាញអ៊ីនធើណេត និងព័ត៌មាន”តាមប្រព័ន្ធវីដេអូនៅទីស្តីការក្រសួងមហាផ្ទៃកាលពីថ្ងៃទី២៧វិច្ឆិកាដោយមានការចូលរួមពីសិក្ខាកាមជាមន្ត្រីក្រសួងមហាផ្ទៃប្រមាណជាង២៥០នាក់។
សិក្ខាសាលានេះធ្វើឡើងក្នុងគោលបំណងចែករំលែកវិធីសាស្ត្រក្នុងការទប់ស្កាត់បទល្មើសបច្ចេកវិទ្យា ការយល់ដឹងនានាពាក់ព័ន្ធនឹងបច្ចេកវិទ្យាព័ត៌មាន និងសន្តិសុខព័ត៌មានជាដើម ដើម្បីឆ្លើយតបទៅនឹងកង្វះខាតនៃការយល់ដឹងអំពីហានិភ័យនានា នៃការប្រើប្រាស់បច្ចេកវិទ្យា ក៏ដូចជាកង្វះខាតនៃយន្តការច្បាប់ពាក់ព័ន្ធនឹងការគ្រប់គ្រងបច្ចេកវិទ្យានេះ។
នាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃបានមានប្រសាសន៍ថា ចំនួននៃអ្នកប្រើប្រាស់បណ្ដាញអ៊ីនធើណែតនៅកម្ពុជាមានការកើនឡើងជាបន្តបន្ទាប់ ដែលធ្វើឲ្យមានការវិវត្តន៍ថ្មីទាំងក្នុងការបំពេញការងារ និងការសិក្សាផងដែរ។
នាយឧត្តមសេនីយ៍បានបន្តថា ទន្ទឹមនឹងនេះ ការយល់ដឹងអំពីហានិភ័យ យន្តការច្បាប់ពាក់ព័ន្ធនឹងការគ្រប់គ្រងបច្ចេកវិទ្យានៅមានកម្រិតនៅឡើយ ហើយមានបទល្មើសបច្ចេកវិទ្យាជាច្រើនដែលបានកើតឡើងធ្វើឲ្យប៉ះពាល់ដល់សន្តិសុខ សណ្ដាប់ធ្នាប់ និងសុវត្ថិភាពសង្គម ជាពិសេសការរស់នៅរបស់ប្រជាពលរដ្ឋ។
នាយឧត្តមសេនីយ៍បានបន្ថែមថា «ការប្រើប្រាស់ប្រព័ន្ធព័ត៌មានវិទ្យានេះ បង្កលក្ខណៈងាយស្រួល និងមានផលវិជ្ជមានច្រើន ក៏ប៉ុន្តែក៏ផ្ដល់នូវចំណុចអវិជ្ជមាន និងហានិភ័យដល់អ្នកប្រើប្រាស់ផងដែរ។ហេតុដូចនេះ ការរៀបចំសិក្ខាសាលានេះគឺដើម្បីបណ្ដុះបណ្ដាលអ្នកប្រើប្រាស់ឲ្យចៀសវាងនូវកំហុសឆ្គងនានាក្នុងការប្រើប្រាស់»។
នាយឧត្តមសេនីយ៍បានលើកឡើងទៀតថា កន្លងមក ធ្លាប់មានករណីបទល្មើសបច្ចេកវិទ្យាមួយចំនួនបានកើតឡើងដល់អ្នកប្រើប្រាស់ រួមមានការបោកប្រាស់តាមប្រព័ន្ធអ៊ីនធើណែត និងការគំរាមកំហែងដោយប្រើប្រាស់បច្ចេកវិទ្យាផងដែរ ប៉ុន្តែ ស្ថាប័ន អង្គភាពពាក់ព័ន្ធបានចាត់វិធានការគ្រប់គ្រង ក៏ដូចជាអប់រំដល់អ្នកប្រើប្រាស់ពាក់ព័ន្ធនឹងបញ្ហានេះបានយ៉ាងល្អប្រសើរ។
លោកអគ្គលេខាធិការបានបន្ថែមទៀតថា បច្ចុប្បន្នរបៀបរបបការងារមានការប្រើប្រាស់ប្រព័ន្ធព័ត៌មានវិទ្យាច្រើន ហើយលទ្ធភាពនៃការប្រើប្រាស់បច្ចេកវិទ្យាអាចជំរុញឲ្យមានការអនុវត្តការងារបែបរដ្ឋបាលអេឡិចត្រូនិកក្នុងពេលឆាប់ខាងមុខ ក្នុងក្របខណ្ឌអគ្គលេខាធិការដ្ឋាននៃក្រសួងមហាផ្ទៃ ដែលជាគំរូមួយស្របតាមស្មារតីរបស់រាជរដ្ឋាភិបាលក្នុងការធ្វើសមាហរណកម្មរដ្ឋបាលតាមបែបបច្ចេកវិទ្យាជាមួយប្រទេសអាស៊ានផ្សេងទៀតនាពេលអនាគត។
នាយឧត្តមសេនីយ៍បានគូសបញ្ជាក់ថា ការប្រើប្រាស់បច្ចេកវិទ្យាក្នុងកិច្ចការរដ្ឋបាលនេះ ផ្ដល់នូវភាពងាយស្រួលក្នុងការស្វែងរកទិន្នន័យ ការគ្រប់គ្រង និងអនុវត្តកិច្ចការរដ្ឋបាល ដែលជួយញ៉ាំងឲ្យការអនុវត្តការងារបានរហ័ស និងប្រសើរជាងមុន។
ព្រមជាមួយគ្នានេះ នាយឧត្តមសេនីយ៍ ប៉ោ ភក្តិ សង្ឃឹមថា សិក្ខាកាម នឹងទទួលបានចំណេះដឹងបន្ថែម ដើម្បីរួមគ្នាជំរុញឲ្យការប្រើប្រាស់បច្ចេកវិទ្យាមានដំណើរការល្អ ហើយអាចទាញប្រយោជន៍បានច្រើនសម្រាប់បំពេញភារកិច្ច ការងារប្រចាំថ្ងៃសម្រាប់ពេលបច្ចុប្បន្ន និងអនាគត៕
ដោយ ៖ សំអឿន
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១១ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ