ព័ត៌មានជាតិ
អាជ្ញាធរខណ្ឌ ចាប់ផ្ដើមធ្វើតេស្តគ្រូបង្រៀនរដ្ឋ និងឯកជនសម្រាប់ត្រៀមបើកសាលាឡើងវិញនាថ្ងៃទី ១៥ កញ្ញា
ប្រធានមន្ទីរអប់រំ យុវជន និងកីឡារាជធានីភ្នំពេញ បានឲ្យដឹងថា អាជ្ញាធរខណ្ឌចាប់ផ្ដើមធ្វើតេស្តរកជំងឺកូវីដ-១៩ ដល់លោកគ្រូ អ្នកគ្រូរដ្ឋ និងឯកជនកម្រិតអនុវិទ្យាល័យដល់វិទ្យាល័យ ដែលត្រូវចូលបង្រៀន នៅថ្ងៃទី ១៥ ខែកញ្ញា ឆ្នាំ ២០២១ ខាងមុខនេះ។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡារាជធានីភ្នំពេញ បានមានប្រសាសន៍នៅរសៀលថ្ងៃទី ១១ កញ្ញានេះថា បច្ចុប្បន្ននេះ អាជ្ញាធរតាមខណ្ឌនីមួយៗ កំពុងមមាញឹកក្នុងការរៀបចំទីតាំងសម្រាប់ធ្វើតេស្តរកជំងឺកូវីដ-១៩ ដល់លោកគ្រូ អ្នកគ្រូ ទាំងរដ្ឋ និងឯកជនកម្រិតអនុវិទ្យាល័យនិងវិទ្យាល័យប្រមាណជាង ១ ម៉ឺននាក់ ក្នុងនោះគ្រូសាលារដ្ឋមានប្រមាណ ៦០០០ មកពីសាលាចំនួន ៦៨ សាលា និងគ្រូឯកជនជាង ៥០០០ នាក់មកពីសាលាចំនួន ២៥៨ សាលា។
លោកប្រធានមន្ទីរ បានបន្តថា ការធ្វើតេស្តនេះ ខណ្ឌនីមួយៗ ត្រូវធ្វើយ៉ាងណាឲ្យរួចរាល់មុនថ្ងៃបើកសាលារៀនឡើងវិញ ដែលនឹងប្រព្រឹត្តិទៅនៅថ្ងៃទី ១៥ កញ្ញាខាងមុខនេះ។ ប្រសិនបើមានលោកគ្រូ អ្នកគ្រូណាម្នាក់វិជ្ជមានកូវីដ-១៩ ត្រូវបញ្ជូនទៅមណ្ឌលព្យាបាល ឬធ្វើការព្យាបាលតាមផ្ទះ ប្រសិនបើផ្ទះគាត់ស្របតាមលក្ខខណ្ឌរបស់ក្រសួងសុខាភិបាល។
រដ្ឋបាលសាលារាជធានីភ្នំពេញ បានអនុញ្ញាតឲ្យសាលារៀនកម្រិតអនុវិទ្យាល័យ និងវិទ្យាល័យចាប់ពីថ្នាក់ទី ៧ ដល់ថ្នាក់ទី ១២ ចូលរៀននៅថ្ងៃទី ១៥ ខែកញ្ញា ឆ្នាំ ២០២១ ខាងមុខនេះ ដោយអនុវត្តទៅតាមគោលការណ៍ណែនាំរបស់ក្រសួងអប់រំ យុវជន និងកីឡា និងក្រសួងសុខាភិបាល។
ដើម្បីការពារការចម្លងជំងឺកូវីដ-១៩ ពេលបើកដំណើរការសាលាឡើងវិញ តម្រូវឲ្យដាក់សិស្សក្នុង ១ ថ្នាក់ក្រោម ១៥ នាក់ប៉ុណ្ណោះ និងរៀនឆ្លាស់គ្នា ឬការរៀនតាមបែបចម្រុះ។
ក្នុងការបើកដំណើរការសាលារៀនឡើងវិញនេះ ក្រសួងអប់រំ យុវជន និងកីឡា បានតម្រូវឲ្យរាជធានីខេត្តនៅទូទាំងប្រទេស ចុះវាយតម្លៃស្ថានភាពជាក់ស្ដែង និងកំណត់ទីតាំងសាលារៀនណាខ្លះនៅតំបន់មានហានិភ័យទាប និងតំបន់ណាខ្លះមានហានិភ័យខ្ពស់ នៃការឆ្លងជំងឺកូវីដ-១៩ ហើយធ្វើរបាយការណ៍មកក្រសួងអប់រំ ដើម្បីក្រសួងរាយការណ៍បន្តជូន សម្ដេចនាយករដ្ឋមន្ត្រី។
គួរបញ្ជាក់ថា កាលពីថ្ងៃទី ៣១ ខែសីហា ឆ្នាំ ២០២១ កន្លងទៅនេះ សម្ដេចតេជោ ហ៊ុន សែន បានចេញសារសំឡេងបន្ទាន់មួយ ដោយណែនាំឲ្យ ក្រសួងអប់រំ យុវជន និងកីឡា សហការជាមួយអាជ្ញាធររាជធានី-ខេត្ត ដើម្បីពិនិត្យមើលលើការបើកសាលារៀនឡើងវិញ នៅតាមភូមិ-ឃុំដែលមិនមានការឆ្លងជំងឺកូវីដ-១៩ និងកន្លែងដែលឆ្លងតិច ដោយមិនត្រូវរង់ចាំការបើកសាលារៀនព្រមគ្នានៅទូទាំងប្រទេសនោះឡើយ ប៉ុន្តែត្រូវរក្សាគម្លាតសុវត្ថិភាព និងគោរពតាមវិធានការសុខាភិបាលឲ្យបានខ្ជាប់ខ្ជួន៕
អត្ថបទ ៖ សំអឿន
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ២៣ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ agoមួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល