ព័ត៌មានជាតិ

យកសំណាកអាជីវករផ្សារស្វាយលើ និងពលរដ្ឋ១៧៤នាក់ រកឃើញវិជ្ជមានកូវីដចំនួន១៩នាក់

បានផុស

៣ years មុន

នៅ

ថ្ងៃចន្ទ ១៣ កញ្ញា ២០២១

ដោយ

លោក អៀង ពិសិទ្ធ អភិបាលស្រុកស្វាយលើ បានប្រាប់ កម្ពុជាថ្មី យើងឲ្យដឹងថា នៅថ្ងៃទី១៣ ខែកញ្ញា ឆ្នាំ២០២១ ក្រុមគ្រូពេទ្យរដ្ឋបាលស្រុកស្វាយលើបានធ្វើតេស្តយកសំណាកលើអាជីវករ និងប្រជាពលរដ្ឋដែលពាក់ព័ន្ធចំនួន១៧៤នាក់ ក្នុងនោះក្រុមគ្រូពេទ្យបានធ្វើតេស្តរកឃើញវិជ្ជមានកូវីដចំនួន១៩នាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលស្រុកបានបន្តទៀតថា អ្នកដែលវិជ្ជមានកូវីដ-១៩ថ្មី ចំនួន១៩ ត្រូវបានបញ្ជូនមកព្យាបាលនៅ វិទ្យាល័យដំដែក ចំពោះអាជីវករនិងប្រជាពលរដ្ឋដែលពាក់ព័ន្ធ ហើយអវិជ្ជមានត្រូវឲ្យធ្វើចត្តាឡីស័ក នៅតាមផ្ទះរយៈពេល១៤ថ្ងៃ ។

លោកអភិបាលស្រុកក៏បានអំពាវនាវដល់ប្រជាពលរដ្ឋនៅទូទាំងស្រុកស្វាយលើទាំងមូល សូមចូលរួមស្តាប់តាមការណែនាំរបស់អាជ្ញាធរស្រុកដែលបានចុះផ្សព្វផ្សាយ ពីការទប់ស្កាត់ការរីករាដាល នៃជំងឺឆ្លងកូវីដ១៩ថ្មី ដែលកំពុងចរាចរណ៍ពាសពេញសកលលោក រួមទាំងប្រទេសកម្ពុជាយើងផងដែរ ដូច្នេះហើយបងប្អូនប្រជាពលរដ្ឋស្តាប់តាមការណែនាំរបស់ក្រសួងសុខាភិបាល ៣ការពារនិង៣កុំឲ្យជាប់ជានិច្ច ៕

អត្ថបទ៖ គឿនវេត