ព័ត៌មានជាតិ
សម្ដេចតេជោ ហ៊ុន សែន ៖ ពលរដ្ឋនៅឃុំចំនួន៤ នៅសៀមរាប មិនបាច់ធ្វើតេស្ដលើពួកគាត់ទេ តែផ្ដល់ថ្នាំព្យាបាលឲ្យតែម្ដង
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានឲ្យដឹងថា សម្ដេចបានពិភាក្សា ជាមួយអភិបាលខេត្តសៀមរាបថា ប្រជាពលរដ្ឋនៅក្នុងឃុំចំនួន៤ នៅខេត្តសៀមរាប មិនបាច់ធ្វើតេស្ដរកមេរោគកូវីដ-១៩នោះទេ តែត្រូវផ្ដល់ថ្នាំព្យាបាល ជូនពួកគាត់តែម្ដង។ ការឲ្យដឹងនេះ គ្រាដែលសម្ដេចតេជោ ហ៊ុន សែន បានអញ្ជើញប្រកាសបើកយុទ្ធនាការ ចាក់វ៉ាក់សាំងបង្ការជំងឺកូវីដ-១៩ ជូនដល់កុមារអាយុចាប់ពី៦ឆ្នាំ ដល់ក្រោម១២ឆ្នាំ ដែលធ្វើឡើងនៅវិមានសន្តិភាព នាព្រឹកថ្ងៃទី១៧ ខែកញ្ញានេះ។
សម្ដេចតេជោ ហ៊ុន សែន បានថ្លែងថា សម្ដេចបានទំនាក់ទំនង តាមទូរស័ព្ទជាមួយឯកឧត្ដម ទៀ សីហា អភិបាលខេត្តសៀមរាបថា ប្រជាពលរដ្ឋនៅឃុំចំនួន៤ ក្នុងខេត្តសៀមរាប មិនបាច់ធ្វើតេស្ដរកមេរោគកូវីដ-១៩នោះទេ តែត្រូវផ្ដល់ថ្នាំព្យាបាល ជូនពួកគាត់តែម្ដង។ សម្ដេចតេជោនាយករដ្ឋមន្ត្រី បានថ្លែងបន្តថា «ម្សិលមិញខ្ញុំប្រាប់ទៅ ខ្ញុំពិភាក្សាជាមួយលោកជំទាវ យក់ សម្បត្តិ ថា ពិភាក្សាជាមួយបងម៉ម ប៊ុនហេង គាត់នៅហ្នឹង ខ្ញុំចាប់ទូរស័ព្ទនិយាយនិងអភិបាល ទៀ សីហា ៤ឃុំមិនបាច់ធ្វើតេស្ដទេ ដាក់ថ្នាំព្យាបាលបណ្ដោយ មិនបាច់ធ្វើតេស្ដទេ ចាត់ទុកថា គាត់សង្ស័យលើអាមានជំងឺហ្នឹង ដាក់ថ្នាំទៅតែម្ដង»។
សម្ដេចតេជោ ហ៊ុន សែន បានថ្លែងបន្តទៀតថា ចាំមួយសប្ដាហ៍ក្រោយ ចាំធ្វើតេស្ដលើពួកគាត់ ហើយប្រសិនបើពួកគាត់ មានរោគសញ្ញាណាមួយ ទើបយកពួកគាត់មកព្យាបាលនៅមន្ទីរពេទ្យ។ តែបើមិនមានរោគសញ្ញាអ្វីទេ ឲ្យពួកគាត់ព្យាបាលនៅផ្ទះ ហើយផ្ដល់ថ្នាំព្យាបាលជូនពួកគាត់ម្ដង។ យ៉ាងណាក៏ដោយសម្ដេចតេជោ ហ៊ុន សែន មិនបានបញ្ជាក់ឈ្មោះឃុំទាំង៤នោះទេ។
សូមជម្រាបថា រដ្ឋបាលខេត្តសៀមរាប នៅថ្ងៃទី១៧ ខែកញ្ញា ឆ្នាំ២០២១នេះ បានចេញសេចក្តីសម្រេចដាក់សង្កាត់មួយចំនួន នៅក្រុងសៀមរាបជាតំបន់ ក្រហម និងលឿងទុំ រយៈពេល ១(មួយ)សប្តាហ៍ គិតចាប់ពីវេលាម៉ោង១៣៖០០ នាទីរសៀល នាថ្ងៃទី១៧ ខែកញ្ញា រហូតដល់ថ្ងៃទី២៣ ខែកញ្ញា ឆ្នាំ២០២១។
ផែនទីបង្ហាញទីតាំងកំណត់តំបន់ក្រហម និង តំបន់លឿងទុំ ក្នុងភូមិសាស្ត្រក្នុងសៀមរាប រួមមាន៖
” តំបន់ក្រហម” នៅក្នុងភូមិសាស្ត្រ សង្កាត់ស្លក្រាម,សង្កាត់ស្វាយដង្គំ,សង្កាត់គោកចក,សង្កាត់ជ្រាវ,ភូមិតាវៀន សង្កាត់សាលាកំរើក, និង ភូមិព្រៃធំ ភូមិស្រង៉ែ សង្កាត់ស្រម៉ែ
“តំបន់លឿងទុំ” នៅក្នុងភូមិសាស្ត្រ សង្កាត់នគរធំ, សង្កាត់ទឹកវិល, សង្កាត់សាលាកំរើក, សង្កាត់ក្របីរៀល,សង្កាត់ស្រង៉ែ,សង្កាត់សំបួរ,សង្កាត់សៀមរាប និង សង្កាត់ចុងឃ្នាស៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ