ព័ត៌មានជាតិ
ជនជាតិថៃម្នាក់ វេរលុយជាមួយម្ចាស់ហាងបុរី KTH ៦៥១.០០០បាត ហើយរត់គេច ត្រូវសមត្ថកិច្ចឃាត់ខ្លួន
បន្ទាយមានជ័យ ៖ ស្ត្រីជាជនជាតិថៃម្នាក់ធ្លាប់រកស៊ីវេរលុយជាមួយម្ចាស់ហាងបុរី KTH រាប់លានបាតកន្លងមកមិនអី ចុងក្រោយវេលុយទៅឲ្យគេយកទៅឲ្យម្តាយនៅប្រទេសថៃ២លើកបានប្រាក់ចំនួន៦៥១.០០០បាតគេចបាត់ ត្រូវកម្លាំងការិយាល័យព្រហ្មទណ្ឌរាជអាវុធហត្ថក្រុងប៉ោយប៉ែតចុះឃាត់ខ្លួនបាន នៅព្រឹក ថ្ងៃ១៨ ខែកញ្ញា ឆ្នាំ២០២១ ការឃាត់ខ្លួននេះដោយទទួលតាមពាក្យបណ្តឹងពីជនរងគ្រោះឈ្មោះ ងឹម សារី ភេទប្រុស អាយុ៣៤ឆ្នាំ រស់នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ក្នុងករណីពីជនឆបោកមានឈ្មោះ ចាន់ចិ រ៉ា ខុងឌី ភេទស្រី អាយុ៣០ឆ្នាំ ជាជនជាតិថៃ ស្នាក់នៅបណ្ដោះអាសន្ន ស្ថិតក្នុងភូមិសាមគ្គីមានជ័យ សង្កាត់ប៉ោប៉ែតក្រុងប៉ោយប៉ែត ខេត្តបន្ទាយមានជ័យ។
លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានឲ្យដឹងថា យោងតាមការឆ្លើយបំភ្លឺរបស់ជនរងគ្រោះឈ្មោះ ងឹម សារី បានឱ្យដឹងថា នៅវេលាម៉ោង៩ និង២៦នាទី ថ្ងៃទី១៦ ខែកញ្ញា ឆ្នាំ២០២១នេះ ឈ្មោះ ចាន់ចិរ៉ា ខុងឌី បានមកឲ្យខ្លួនវេរលុយនៅហាងរបស់ខ្លួននៅចំណុចបុរី KTH ស្ថិតក្នុងភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
ដោយវេរលុយទៅឱ្យឈ្មោះ ស៊ីធិឆៃ ឈីណាសាន់យកទៅឲ្យម្តាយនៅថៃជា បន្តបន្ទាប់សរុបប្រាក់ថៃចំនួន៤៥១.០០០បាត ក្រោយពីវេរលុយរួច ឈ្មោះ ចាន់ចិរ៉ា ខុងឌី បានសន្យាឱ្យខ្លួនទៅយកប្រាក់សុទ្ធនៅបន្ទប់ជួលរបស់គេនៅម្ដុំដីស ស្ដិតក្នុងក្រុងប៉ោយប៉ែត។ បន្ទាប់មកទៀតនៅវេលាម៉ោង១២ ឈ្មោះ ចាន់ចិរ៉ា ខុងឌី បានឱ្យខ្លួនវេរប្រាក់មុនទៅឈ្មោះ ខាងលើដដែលចំនួន២០០,០០០បាតបន្ថែមទៀត ព្រោះទុកចិត្តឈ្មោះ ចាន់ចិរ៉ា ខុងឌី ជាម៉ូយប្រចាំ ទើបខ្លួនវេរលុយឲ្យសរុបចំនួន៦៥១.០០០បាត ។
ជនរងគ្រោះបានបញ្ជាក់ឲ្យដឹងទៀតថា ក្រោយពីវេរលុយ២លើកខ្លួនបានទៅយកលុយពីឈ្មោះ ចាន់ចិរ៉ា ខុងឌី នៅកន្លែងស្នាក់នៅស្រាប់តែជនសង្ស័យគេចខ្លួនបាត់ដោយឃើញជនសង្ស័យមិននៅខ្លួនបានមកដាក់ពាក្យបណ្ដឹងនៅមូលដ្ឋានកងរាជអាវុធហត្ថក្រុងតែម្តង។
ជនសង្ស័យក្រោយពីកម្លាំងជំនាញសាកសួរចម្លើយរួចមកបានឆ្លើយសារភាពថា រូបគេពិតជាបានឱ្យជនរងគ្រោះវេរប្រាក់ឱ្យចំនួន២លើកសរុបចំនួន៦៥១,០០០បាត ទៅឱ្យឈ្មោះ ស៊ីធិឆៃ ឈីណាសាន់ ពិតប្រាកដមែន ហើយខ្លួនបានឱ្យឈ្មោះ ស៊ីធិឆៃ ឈីណាសាន់ យកទៅឱ្យម្ដាយរបស់ខ្លួននៅប្រទេសថៃផងដែរ ចំណែកខ្លួនមិនមានប្រាក់សុទ្ធឱ្យទៅជនរងគ្រោះទើបគេចខ្លួនតែម្ដង។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត ទទួលការងារស្រាវជ្រាវ និងបង្ក្រាបបទល្មើសបានឱ្យដឹងថា ដោយបានការអនុញ្ញាតពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត ជនសង្ស័យរូបនេះ ត្រូវបានកម្លាំងការិយាល័យព្រហ្មទណ្ឌកងរាជអាវុធហត្ថខេត្ត បញ្ជូនទៅសាលាដំបូងខេត្តដាក់ទោសទៅតាមផ្លូវច្បាប់៕
ដោយ ៖ វ៉ាន់ ណាង
គ្រឹះស្ថានសិក្សារដ្ឋកម្រិតមធ្យម ជាង៤០សាលានៅខេត្តសៀមរាប បានបើកដំណើរការសាកល្បង
ឯកឧត្តមអភិបាលខេត្តកំពង់ឆ្នាំង ណែនាំអាជ្ញាធរក្រុងកំពង់ឆ្នាំងជួយមើលលូតាមផ្លូវជាតិដែលមានសំរាមកកស្ទះ
នាវាចម្បាំងកងទ័ពជើងទឹកអូស្ត្រាលី ចូលចតកំពង់ផែខេត្តព្រះសីហនុ
អាជ្ញាធរខេត្តកណ្តាល ណែនាំឱ្យសមត្ថកិច្ចត្រួតពិនិត្យរកសារធាតុញៀន ដល់អ្នកបើកបរដឹកខ្សាច់ និងដី
ឃាត់ខ្លួនមេខ្យល់ ២នាក់ ដែលកំពុងនាំពលករ បម្រុងហែលឆ្លងទឹកអូរព្រំដែនចូលប្រទេសថៃ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
សុខភាព៥ ថ្ងៃ មុនកំពុងចាក់វ៉ាក់សាំងដូសទី ៣ កុំប្រហែសរឿងអស់នេះ ប្រយ័ត្នមានផលវិបាកក្នុងខ្លួនថ្ងៃមុខ
-
សុខភាព៦ ថ្ងៃ មុនមានវ៉ាក់សាំងគ្រប់ ៣ ដូសហើយ តែបើមើលស្រាលឬប្រហែសខ្លួន អ្នកនៅតែឆ្លង Delta ដដែល
-
សុខភាព១ សប្តាហ៍ មុនវ៉ាក់សាំងដូសទី ៣ នឹងបង្កើតអង់ទីគ័របានពេញលេញ ដើម្បីប្រឆាំង Delta ចេញឆ្ងាយ
-
សុខភាព៦ ថ្ងៃ មុនកាហ្វេនិងបន្លែ កាត់បន្ថយហានិភ័យ ធ្លាក់ខ្លួនឈឺកូវីដ តែសាច់ ២ប្រភេទ បង្កើនឱកាសឈឺធ្ងន់
