Connect with us

សន្តិសុខសង្គម

ចាប់ខ្លួនលោក ជួន គន្ធា បន្ទាប់ពីប្រកាសចែកដីជូនពលរដ្ឋនៅស្រុកឱរ៉ាល់

បានផុស

នៅ

នៅរសៀលថ្ងៃទី២៣ ខែមេសា ឆ្នាំ២០២៤នេះ កម្លាំងនគរបាលផែនការងារសន្តិសុខ នៃស្នងការដ្ឋាននគរបាលរាជធានីភ្នំពេញ បានសហការជាមួយកម្លាំងនគរបាលខេត្តកំពង់ស្ពឺ បានឃាត់ខ្លួនលោក ជួន គន្ធា ដែលប្រកាសចែកដីជូនប្រជាពលរដ្ឋនៅឃុំតាសាល ស្រុកឱរ៉ាល់ ខេត្តកំពង់ស្ពឺ តាមដីការបស់សាលាបូងខេត្តកំពង់ស្ពឺ។ ការឃាត់ខ្លួននេះបានធ្វើឡើងនៅភោជនីយដ្ឋានម្លប់ជម្ពូត្រជាក់ចិត្ត សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ នេះបើតាមការបញ្ជាក់ពីលោកវរសេនីយ៍ឯក សំ វិច្ឆិកា អ្នកពាក្យស្នងការដ្ឋាននគរបាលរាជធានីភ្នំពេញ ប្រាប់កម្ពុជាថ្មី មុននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សំ វិច្ឆិកា បញ្ជាក់ថា ការចាប់ខ្លួនបុគ្គលឈ្មោះ ជួន គន្ធា នេះបានធ្វើឡើងកាលពីវេលាម៉ោង​២និង២៥នាទីរសៀល ថ្ងៃទី២៣ ខែមេសា ឆ្នាំ២០២៤ នៅចំណុចភោជនីយដ្ឋានម្លប់ជម្ពូត្រជាក់ចិត្ត ផ្លូវ១៩៧២ សង្កាត់ភ្នំពេញថ្មី ខណ្ឌសែនសុខ ដោយអនុវត្តតាមដីកាបញ្ជាឲ្យចូលខ្លួនរបស់តំណាងអយ្យការអមសាលាដំបូងខេត្តកំពង់ស្ពឺ និងបានបញ្ជូនទៅស្នងការដ្ឋាននគរបាលខេត្តកំពង់ស្ពឺដើម្បីអនុវត្តតាមនិតិវិធី។

យោងតាមដីកាបញ្ជាឲ្យចូលខ្លួនរបស់លោក ទិន សុចិត្រា តំណាងអយ្យការអមសាលាដំបូងខេត្តកំពង់ស្ពឺ ចេញនៅថ្ងៃទី២៣ ខែមេសា ឆ្នាំ២០២៤នេះ បានបញ្ជាឲ្យលោក ជួន គន្ធា ទីកន្លែងកំណើតនៅភូមិត្រពាំងឬស្សី ឃុំសំបូរ ស្រុកសំរោងទង ខេត្តកំពង់ស្ពឺ មានទីលំនៅបច្ចុប្បន្នស្នាក់នៅភូមិត្រពាំងឬស្សី ឃុំសំបូរ ស្រុកសំរោងទង ខេត្តកំពង់ស្ពឺ ឱ្យចូលមកបង្ហាញខ្លួននៅ ស្នងការដ្ឋាននគរបាលខេត្តកំពង់ស្ពឺ ឱ្យបានមុនថ្ងៃទី៣០ ខែមេសា ឆ្នាំ២០២៤ នៅរៀងរាល់ម៉ោងធ្វើការដើម្បីសាកសួរពាក់ព័ន្ធនឹងករណី “ប៉ុនប៉ងឆបោក និងញុះញុងឱ្យមានការប្រព្រឹត្តបទ ឧក្រិដ្ឋជាអាទិ៍” កើតឡើងកាលពីថ្ងៃទី២១ ខែមេសា ឆ្នាំ២០២៤ នៅចំណុចភូមិរោងម៉ាស៊ីន ភូមិផ្ទៀ ឃុំតាសាល ស្រុកឱរ៉ាល់ ខេត្តកំពង់ស្ពឺ។

សូមបញ្ជាក់ថា លោក ជួន គន្ធា កាលពីថ្ងៃទី២១ ខែមេសា ឆ្នាំ២០២៤ បានធ្វើការផ្សព្វផ្សាយឡាយផ្ទាល់តាមរយៈទំព័រហ្វេសប៊ុក kh plus News ពីការចែកដីជូនប្រជាពលរដ្ឋដែលរងគ្រោះពីចាញ់បោកក្រុមហ៊ុនផ្សេងៗ និងពលរដ្ឋក្រីក្រ​ក្នុងមួយឡូត៍ក្បាល១០ម៉ែត្រ បណ្ដោយ៣០ម៉ែត្រ នៅភូមិរោងម៉ាស៊ីន ភូមិផ្ទៀ ឃុំតាសាល ស្រុកឱរ៉ាល់ ខេត្តកំពង់ស្ពឺ ខណៈដែលរដ្ឋបាលខេត្តអះអាងថា ដីទាំងនេះស្ថិតនៅក្នុងតំបន់ការពារធម្មជាតិរបស់រដ្ឋ និងជាដីសាធារណៈរបស់រដ្ឋ៕

អត្ថបទ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤១ នាទី មុន

នៅ​ព្រលឹម​ថ្ងៃ​ទី​២៨ ខែមិថុនា កំណាត់​មហាវិថី​ព្រះ​នរោត្តម និង​ទីតាំង​ជុំវិញ​វិមាន​៧​មករា​នឹង​បិទ​ចរាចរណ៍​ជា​បណ្តោះអាសន្ន

សន្តិសុខសង្គម៥១ នាទី មុន

ជន​ដៃដល់ ឧកញ៉ា ស្រី ស៊ីណា និង​បក្សពួក​ពីរ​នាក់​ទៀត ​ត្រូវ​បាន​បញ្ជូន​ខ្លួន​ទៅកាន់​អយ្យការ​អម​សាលាដំបូង​រាជធានី​ភ្នំពេញ

ព័ត៌មានជាតិ២ ម៉ោង មុន

ម្ចាស់កសិដ្ឋានចិញ្ចឹមស្ពែមបង្កាត់ពូជគោប្រាម៉ាន់គ្រោងផលិតស្ពែមឲ្យបាន៧២ម៉ឺនដូស ដើម្បីបំពេញ​តម្រូវការទីផ្សារ

ព័ត៌មានអន្ដរជាតិ២ ម៉ោង មុន

រុស្ស៊ី-កូរ៉េខាងជើង ចុះកិច្ចព្រមព្រៀងភាពជាដៃគូយុទ្ធសាស្ត្រគ្រប់ជ្រុងជ្រោយ

សេដ្ឋកិច្ច២ ម៉ោង មុន

លោក​​ សេដ្ឋា ស្នើ​កញ្ចប់​ថវិកា​​ជាតិ​ជាង​ ១០០ ប៊ីលាន​ដុល្លារ​​ ដើម្បី​ស្ដារ​សេដ្ឋកិច្ច​ថៃ​ឆ្នាំ​ ២០២៥

Sokha Hotels

ព័ត៌មានពេញនិយម