ព័ត៌មានជាតិ

មន្ទីរសាធារណការនិងអាជ្ញាធរខណ្ឌចំនួន៣ នាំយកអំណោយទៅផ្តល់ជូនវរៈសេនាតូចនគរបាលការពារព្រំដែនទិសប្រាសាទព្រះវិហារ

បានផុស

៣ សប្តាហ៍ មុន

នៅ

ថ្ងៃព្រហស្បតិ៍ ២៣ កញ្ញា ២០២១

ដោយ

ភ្នំពេញ ៖ តំណាងមន្ទីរសាធារណការ និងដឹកជញ្ជូនរាជធានីភ្នំពេញ និងតំណាងអាជ្ញាធរខណ្ឌចំនួន៣ផ្សេងទៀត មានខណ្ឌពោធិ៍សែនជ័យ,ខណ្ឌព្រែកព្នៅ,និងខណ្ឌកំបូល នាព្រឹកថ្ងៃទី២៣កញ្ញានេះ បានចុះសួរសុខទុក្ខវិរះសេនាតូចនគរបាលការពារព្រំដែនគោកទិស ព្រះវិហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំណាងមន្ទីរនិងអាជ្ញាធរខណ្ឌទាំង៣ បានបង្ហាញក្តីសោមនស្សរីករាយ និងកោតសរសើរដល់វីរះភាពកងនគរបាលការពារព្រំដែនលេខ៧៩៣រួមជាមួយ កម្លាំងកងយោធពលពលខេមរះភូមិន្ទតាមបណ្តាអង្គភាពផ្សេងៗដែលបានធ្វើ ពលីកម្មគ្រប់បែបយ៉ាងដើម្បីបុព្វហេតុការពារបូរណៈភាពទឹកដី ប្រឆាំងដាច់ខាត រាល់ការឈ្លានពានណាមួយពីសត្រូវ។

តំណាងអង្គភាពសម្ពន្ធ័មេត្រីភាពបានថ្លែងថា ដោយសារមានវីរៈកងទ័ព,វីរៈនគរបាលការពារព្រំដែន មានសុខសន្តិភាពក្រោមនយោបាយឈ្នះៗរបស់សម្តេចតេជោនេះហើយ ទើបយើងមានឧិកាសធ្វើ ការអភិវឌ្ឍន៍ប្រទេសបានរីកចម្រើនដូចសព្វថ្ងៃ។

តំណាងអង្គភាពសម្ព័ន្ធភាពក៏បានផ្តាំផ្ញើដល់កងកម្លាំងទាំងអស់កុំឲ្យភ្លេចក្នុងការការពារពីការឆ្លងជំងឺកូវីដ-១៩ និងសុំមានការចូលរួមជាមួយអាជ្ញាធរដែនដីក្នុងការប្រយុទ្ធប្រឆាំងនឹងសត្រូវគ្មានស្រមោលនេះគឺមេរោគកូវីដ-១៩ដោយប្រកាន់ខ្ជាប់នូវវិធានការ ៣ការពារ ៣កុំទើបយើងអាចគេចផុតពីការឆ្លងរាលដាលពីជំងឺកូវីដ-១៩នេះបាន។

អង្គភាពសម្ព័ន្ធភាពទាំង៤ ក៏បាននាំយកអំណោយជាសម្ភារៈ និងថវិកាមួយចំនួនទៅផ្តល់ ជូនវរៈសេនាតូចនគរបាលលេខ៧៩៣ក្នុងនោះមានថវិកាសរុប២៤.៩៤០.០០០រៀលមី៤០កេស,ទឹកក្រូច៨០កេស,ទឹកសុទ្ធ៨០កេស,ទឹកត្រី៥០យួរ,និងទឹកស៊ីវ ៥០យួរផងដែរ៕

ដោយ ៖ ស្រីរ័ត្ន