ព័ត៌មានជាតិ

លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ផ្ដល់អំណោយជាគ្រឿង ឧបភោគ-បរិភោគ និងថវិកា ជូនជនរងគ្រោះដោយអគ្គិភ័យ

បានផុស

១ year មុន

នៅ

ថ្ងៃសុក្រ ២៨ កុម្ភៈ ២០២៥

ដោយ

អំណោយជាគ្រឿងឧបភោគ-បរិភោគ និងថវិកាមួយចំនួនរបស់ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អគ្គស្នងការសមាគមកាយឫទ្ធិនារីកម្ពុជា ត្រូវបាន លោកស្រី ដោ សម្ផស្ស អនុប្រធានប្រឹក្សា និងជាតំណាងដ៏ខ្ពង់ខ្ពស់របស់ លោកស្រី ជា ស៊ីណា ឃួង ស្រេង ប្រធានក្រុមប្រឹក្សា នៃសមាគមកាយឫទ្ធិនារីកម្ពុជាសាខារាជធានីភ្នំពេញ នាំយកទៅប្រគល់ជូនក្មួយៗ ចំនួន ០៦ នាក់ ដែលជាសមាជិកាសកម្មរបស់សាខារាជធានីភ្នំពេញដែលទទួលរងគ្រោះដោយអគ្គិភ័យនាពេលកន្លងមក នៅភូមិព្រែកទាល់ ១ សង្កាត់ស្ទឹងមានជ័យទី ២ ខណ្ឌមានជ័យ កាលពីព្រឹកថ្ងៃទី ២៨ ខែកុម្ភៈ ឆ្នាំ ២០២៥ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាឱកាសនោះ លោកស្រី ដោ សម្ផស្ស មានប្រសាសន៍ថា លោកជំទាវបណ្ឌិតពេជ ចន្ទមុន្នី ហ៊ុន ម៉ាណែត និងលោកស្រី ជា ស៊ីណា ឃួង ស្រេង ជានិច្ចកាល លោកទាំងពីរ តែងយកចិត្តទុកដាក់ និងបារម្ភពីសុខទុក្ខរបស់សមាជិកាសកម្ម។

ជាក់ស្ដែងនៅពេលនេះ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានផ្តល់អំណោយជាគ្រឿងឧបភោគ-បរិភោគ និងថវិកាមួយចំនួន ជូនក្មួយៗ ទាំង ០៦ នាក់ ជាសមាជិកាសកម្មរបស់សាខារាជធានីភ្នំពេញ ដោយក្នុងម្នាក់ៗ ទទួលបាន អង្ករចំនួន ២៥ គ.ក្រ ត្រីខ ០១ យួរ មី ០១ កេសតូច តង់ ០១ ផ្ទាំង ទឹកត្រី ០១ យួរ ទឹកស៊ីអ៊ីវ ០១ យួរ និងថវិកាចំនួន ២០ ម៉ឺនរៀល ព្រមទាំងសម្លៀកបំពាក់មួយចំនួនដែលបានមកពីកម្មវិធី “ចាស់អ្នក ថ្មីខ្ញុំ” ផងដែរ៕

អត្ថបទ ៖ ស្រីរ័ត្ន