Connect with us

ព័ត៌មានជាតិ

រដ្ឋបាលក្រុង ចុះបិទខ្ទប់ភោជនីយដ្ឋាន មួយកន្លែង បន្ទាប់ពីបានរកឃើញ បុគ្គលិក មានវិជ្ជមាន ៤ នាក់

បានផុស

នៅ

រដ្ឋបាលក្រុងបាត់ដំបង នៅព្រឹកថ្ងៃទី២៥ កញ្ញា នេះបានចុះបិទខ្ទប់ទីតាំងភោជនីយដ្ឋានមួយកន្លែង នៅកណ្តាលក្រុងបាត់ដំបង ដែលកន្លងមកតែងតែមានភ្ញៀវចូលពិសារភោជនាហារត្រៀបត្រា ដែលឥឡូវត្រូវបានរកឃើញបុគ្គលិកចំនួន ៤ នាក់ ដែលមានផ្ទុកកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីតាំងដែលត្រូវបានលោកអភិបាលក្រុង ផេង សិទ្ធី ដឹកនាំក្រុមការងារចុះបិទខ្ទប់នេះ គឺភោជនីយដ្ឋាន លីឡេង ស្ថិតនៅចំណុចផ្លូវឡាអេ ក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។

លោកអភិបាលក្រុងបានបញ្ជាក់ថា ទីតាំងតែត្រូវបានបិទខ្ទប់នេះ គឺបន្ទាប់ពីបានរកឃើញបុគ្គលិក ពិសេសគឺចុងភៅ សរុបចំនួន ៤ នាក់ មានផ្ទុកជំងឺកូវីដ-១៩ ដោយបច្ចុប្បន្នត្រូវបានបញ្ជូនទៅព្យាបាលនៅមន្ទីរពេទ្យបង្អែកខេត្ត បាត់ដំបង ហើយ។

លោកអភិបាលក្រុងបានធ្វើការអំពាវនាវ ដល់សាធារណជនដែលធ្លាប់បានចេញ-ចូលទៅពិសារក្នុងភោជនីយដ្ឋានខាងលើ កាលពីថ្ងៃទី ២៣ និង២៤កញ្ញា នេះ បើមានការសង្ស័យមេត្តាអញ្ជើញទៅពិនិត្យសំណាកដោយឥតគិតថ្លៃ នៅអនុវិទ្យាល័យព្រះមុនីវង្ស ឬក៏នៅ វិទ្យាល័យសម្តេចឪ ក៏បាន ដែលមានទីតាំងនៅក្នុងសង្កាត់ស្វាយប៉ោ ក្រុងបាត់ដំបង ដើម្បីទប់ស្កាត់ការរីករាលដាលជំងឺកូវីដ-១៩ ចូលសហគមន៍យើង៕

អត្ថបទៈ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម