វ៉ាក់សាំង ២០ ម៉ឺនដូស ប្រគល់ ជូនរដ្ឋាភិបាលឡាវ ត្រឹមច្រកទ្វារព្រំដែន ត្រពាំងគ្រៀល វ៉ាក់សាំង ២០ ម៉ឺនដូស ប្រគល់ ជូនរដ្ឋាភិបាលឡាវ ត្រឹមច្រកទ្វារព្រំដែនត្រពាំងគ្រៀល
Connect with us
Helistar Cambodia - Helicopter Charter Services

ព័ត៌មានជាតិ

វ៉ាក់សាំង ២០ ម៉ឺនដូស ប្រគល់ ជូនរដ្ឋាភិបាលឡាវ ត្រឹមច្រកទ្វារព្រំដែន ត្រពាំងគ្រៀល

បានផុស

នៅ

វ៉ាក់សាំងស៊ីណូវ៉ាក់ ដែលរាជរដ្ឋាភិបាលកម្ពុជា ផ្ដល់ជូនរដ្ឋាភិបាលឡាវ ចំនួន ២០ ម៉ឺនដូស ដើម្បីចូលរួមទប់ស្កាត់ជំងឺកូវីដ១៩ បានប្រគល់ជូនភាគីឡាវ នៅច្រកទ្វារព្រំដែនអន្តរជាតិត្រពាំងគ្រៀលខេត្តស្ទឹងត្រែង និងខេត្តចំប៉ាសាក់ឡាវ នៅព្រឹកថ្ងៃទី២៨ ខែកញ្ញា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុច បូរិទ្ធ រដ្ឋលេខាធិការ ក្រសួងការបរទេស តំណាងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា មានប្រសាសន៍ថា រាជរដ្ឋាភិបាលបានសម្រេចផ្ដល់វ៉ាក់សាំងជូនរដ្ឋាភិបាលឡាវនេះ គឺបានបង្ហាញនូវការយកចិត្តទុកដាក់ដ៏ខ្ពស់របស់ប្រមុខរាជរដ្ឋាភិបាលចំពោះសុខមាលភាពប្រជាពលរដ្ឋ នៃប្រទេសទាំងពីរកម្ពុជា-ឡាវ។       

លោកថា កម្ពុជា-ឡាវ ជាប្រទេសមានព្រំដែនជាប់គ្នា ដូចនេះគោលនយោបាយរបស់រាជរដ្ឋាភិបាលផ្តល់វ៉ាក់សាំងជូនរដ្ឋាភិបាលឡាវនៅពេលនេះ គឺសំដៅការលើកកម្ពស់ផ្នែកសុខមាលភាព កាន់តែល្អប្រសើរថែមទៀតសម្រាប់ប្រជាជន​ឡាវ និងរួមគ្នាក្នុងយុទ្ធនាការប្រយុទ្ធប្រឆាំងជំងឺកូវីដ-១៩ ឱ្យកាន់តែមានប្រសិទ្ធភាព ក្នុងនាមជាប្រទេសជិតខាងភូមិ ផងរបងជាមួយគ្នា។     

លោកវេជ្ជបណ្ឌិត ប៊ុនហ្វេង ភូមិម៉ាឡៃស៊ិត (Bounfeng Phommalaysith) រដ្ឋមន្ត្រីក្រសួងសុខាភិបាល និងជាអនុប្រធានគណកម្មការ ការពារគ្រប់គ្រងទប់ស្កាត់ការរីករាលដាលនៃជំងឺកូវីដ១៩ នៃប្រទេសឡាវមានប្រសាសន៍ សម្ដែងការដឹងគុណចំពោះរាជរដ្ឋភិបាលកម្ពុជាដែលបានយកចិត្តទុកដាក់ចំផុតចំពោះសុខភាពប្រជាជនឡាវ។         

លោកវេជ្ជបណ្ឌិតបន្តថា ជាក់ស្តែងពេលនេះសម្តេចតេជោ បានផ្តល់វ៉ាក់សាំងស៊ីណូវ៉ាក់ ២០ម៉ឺនដូស បង្ហាញឱ្យឃើញនៅភាពទំនាក់ទំនងល្អ ក្នុងនាមប្រទេសស្ថិតក្នុងសមាជិកអាស៊ាន និងក្នុងពេលដែលប្រទេសកម្ពុជាកំពុងទទួលបានជោគជ័យលើកការប្រយុទ្ធប្រឆាំងជំងឺកូវីដ១៩៕     

អត្ថបទៈ ងិនលីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services