Connect with us

ព័ត៌មានជាតិ

អ្នក​ប៉ះពាល់ផ្ទាល់​ទាំង ០៨ នាក់​​នៅ​ព្រៃឈរ ត្រូវ​ទៅ​ធ្វើ​ចត្តាឡីស័ក​​នៅ​សណ្ឋាគារ​មួយ​ក្នុង​ក្រុងកំពង់ចាម

បានផុស

នៅ

តាម​ការ​ស្រាវជ្រាវ មាន​អ្នក​ប៉ះពាល់ផ្ទាល់​ ០៨ នាក់​នៅ​ស្រុកព្រៃឈរ ដែល​បាន​ប្រាស្រ័យ​ទាក់ទង​ជាមួយ​អ្នក​ឆ្លង​កូវីដ ០៦ នាក់ ក្នុង​​ព្រឹត្តិការណ៍​សហគមន៍ ២៨ វិច្ឆិកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរ​ខេត្ត​កំពង់ចាម​បាន​បញ្ជូន​អ្នក​ប៉ះពាល់​ផ្ទាល់​ទាំង ០៨ នាក់ ដែល​មាន​ហានិភ័យ​ខ្ពស់​ ទៅ​​ធ្វើ​ចត្តាឡីស័ក​នៅ​សណ្ឋាគារ​មេគង្គ​ក្រុង​កំពង់ចាម ដើម្បី​តាម​ដាន​សុខភាព​បន្ត​ទៀត។

គួរ​បញ្ជាក់​ដែរ​ថា ​អ្នក​ឆ្លង​កូវីដ ០៦ នាក់ក្នុង​ព្រឹត្តិការណ៍ ២៨ វិច្ឆិកា បាន​ទៅ​សួរ​សុខទុក្ខ​បង​ប្អូន​នៅ​ស្រុក​ព្រៃឈរ​កាល​ពី​ថ្ងៃ ២៤-២៥ វិច្ឆិកា មុន​ប៉ុន្មាន​ថ្ងៃ​ដែល​សម្តេច​តេជោ​ប្រកាស​ការ​ឆ្លង​ចូល​សហគមន៍ពាក់ព័ន្ធ​មន្រ្តី​ជាន់ខ្ពសនៅអគ្គនាយកដ្ឋានពន្ធនាគារ​​ក្រសួង​មហាផ្ទៃ។​ អាជ្ញាធរ​ខេត្ត​កំពង់ចាម​ក៏​ចាត់​វិធានការ​បន្ទាន់​មួយ​ ដោយ​ឲ្យ​មន្រ្តី​សុខាភិបាល​និង​អាជ្ញាធរ​ស្រុក​ព្រៃឈរ ចុះ​ស្រាវជ្រាវ​រក​អ្នក​ដែល​ប៉ះពាល់​ដើម្បី​ធ្វើ​ចត្តាឡឺស័ក​ និង​យកសំណាក​ទៅ​ត្រួត​ពិនិត្យ។

គិត​ពី​ថ្ងៃ​ទី ២៩ វិច្ឆិកា​ដល់ ០១ ធ្នូ ២០២០ ក្រសួង​សុខាភិបាល​បាន​ធ្វើ​តេស្ត​អ្នក​ប៉ះពាល់​សរុប​ទាំង​អស់​បាន​ចំនួន ៨ ២១២ នាក់។ ក្នុង​នោះ​សំណាក​ចំនួន ៧ ១៣១ ត្រូវ​បាន​ធ្វើ​វិភាគ​ ហើយ​លទ្ធផល​ វិជ្ជមាន ១៧ នាក់ និង​សំណាក​នៅ​សល់​ចំនួន ១ ០៨១ នឹង​ត្រូវ​ធ្វើ​វិភាគ​បន្ត​នៅ​ថ្ងៃ ០២ ធ្នូ​នេះ​ដោយ​​វិទ្យាស្ថាន​ប៉ាស្ទ័រ​កម្ពុជា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម