ចាប់ខ្លួន​ពលករខ្មែរ ១០៤ នាក់ ពេល​លបឆ្លងដែន​​ទៅដល់​ទឹកដី​ថៃ
Connect with us
Helistar Cambodia - Helicopter Charter Services

ព័ត៌មានជាតិ

ចាប់ខ្លួន​ពលករខ្មែរ ១០៤ នាក់ ពេល​លបឆ្លងដែន​​ទៅដល់​ទឹកដី​ថៃ

បានផុស

នៅ

ខេត្តបាត់ដំបង៖ ពលករខ្មែរចំនួន ១០៤ នាក់ ត្រូវបានក្រុមទាហានឈុតខ្មៅថៃ ក្នុងកងរយលេខ១២៤ កង​រយ​លេខ​១២៥  សហការជាមួយតម្រួតការពារព្រំដែនថៃលេខ៣ចាប់ខ្លួន ខណ:ពួកគេលបឆ្លងដែនដោយខុសច្បាប់ដើម្បីចូលទឹកដីថៃរកការងារធ្វើ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់ខ្លួននេះធ្វើឡើងកាលពីរសៀលថ្ងៃទី ១៨ ខែតុលា ឆ្នាំ២០២១  ត្រង់ចំណុច ក្នុងចម្ការដើមប្រេងខ្យល់  ក្នុងឃុំសុំប៊ូន ស្រុកតាប្រាក់យ៉ា ខេត្តស្រះកែវ ប្រទេសថៃ។

នៅមុនពេលឃាត់ខ្លួនគឺមានពលករខ្មែរចំនួន ១០៤ នាក់ បានលបឆ្លងព្រំដែនចូលទៅក្នុងទឹកដីថៃ ដោយនាំគ្នាដើរកាត់តាមចម្ការប្រេងខ្យល់ស្របពេលដែលកម្លាំងទាហានឈុតខ្មៅថៃ កំពុងល្បាតក៏បានស្ទាក់ចាប់ខ្លួនតែម្តង ។

ក្រោយការចាប់ខ្លួនពលករខ្មែរបានសារភាពថា ពួកគេទាំងអស់មានបំណងឆ្លងចូលទៅរកការងារធ្វើនៅក្នុងប្រទេសថៃ ដោយខំចំណាយអោយមេខ្យល់ក្នុងម្នាក់ៗ ចាប់ពី ៦ ០០០ បាត ដល់ ៩ ០០០ បាត។ ក្រោយពេលឃាត់ខ្លួន ក្រុមយោធាថៃ​ត្រួតពិនិត្យសុខភាព ដើម្បីការពារនៅក្នុងដំណាក់កាល នៃជំងឺកូវីដ-១៩ ដែលកំពុងរាតត្បាត និងត្រៀមបញ្ជូនទៅអោយភាគីកម្ពុជាវិញនៅល្ងាចនេះតាមច្រកអូរបីជាន់ ដើម្បីអនុវត្តតាមនីតិវិធី៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services