សិស្សជាង ២៥០០នាក់ នៅខេត្តកោះកុង ត្រៀមចូលរួមប្រឡងឌីប្លូម និងបាក់ឌុប នាឆ្នាំនេះ
Connect with us
Helistar Cambodia - Helicopter Charter Services

ព័ត៌មានជាតិ

សិស្សជាង ២៥០០នាក់ នៅខេត្តកោះកុង ត្រៀមចូលរួមប្រឡងឌីប្លូម និងបាក់ឌុប នាឆ្នាំនេះ

បានផុស

នៅ

សិស្សានុ-សិស្សនៅខេត្តកោះកុង ប្រមាណជាង ២៥០០នាក់ នឹងត្រៀមចូលរួមប្រឡងសញ្ញាបត្រមធ្យមសិក្សាបឋមភូមិ (ឌីប្លូម) និងប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នាពេលខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ង៉ែត ឡឹង ប្រធានមន្ទីរអប់រំ យុវជន និងកីឡាខេត្តកោះកុង បានមានប្រសាសន៍ថា សម្រាប់ខេត្តកោះកុងនៅឆ្នាំនេះមាន បេក្ខជនប្រឡងឌីប្លូម និងបាក់ឌុបចំនួន ២៥១៧នាក់។ ក្នុងនោះបេក្ខជនប្រឡងឌីប្លូម ១៥ ២០នាក់ និងមានមណ្ឌលប្រឡងសរុប ៧០មណ្ឌល។

លោកប្រធានមន្ទីរ បានបន្តថា ចំណែកការប្រឡងសញ្ញាបត្រមធ្យមសិក្សាទុតិយភូមិវិញ មានបេក្ខជនចូលរួមប្រឡងចំនួន ៩៩៧នាក់។ ក្នុងនោះមានថ្នាក់វិទ្យាសាស្រ្តសរុប ៥០០នាក់ និងថ្នាក់វិទ្យាសាស្រ្តសង្គមសរុប៤៩៧នាក់ និមានមណ្ឌលប្រឡងចំនួនពីរ គឺវិទ្យាល័យចំណេះទូទៅ និងបច្ចេកទេសតេជោសែនកោះកុង មានចំនួន ២០បន្ទប់ ជាបេក្ខជនថ្នាក់វិទ្យាសាស្ត្រ និងអនុវិទ្យាល័យ ជា ស៊ីម ស្មាច់មានជ័យ មានចំនួន ២០បន្ទប់ ជាបេក្ខជនថ្នាក់វិទ្យាសាស្ត្រសង្គម។

ឆ្នាំនេះការប្រឡងសញ្ញាបត្រមធ្យមសិក្សាបឋមភូមិនៅឆ្នាំនេះ នឹងប្រព្រឹត្តិទៅនៅថ្ងៃទី ១៥ ខែវិច្ឆិកា ឆ្នាំ ២០២១និងប្រកាសលទ្ធផលប្រឡង នៅថ្ងៃទី ២២ ខែវិច្ឆិកា ឆ្នាំ ២០២១និងប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) នៅថ្ងៃទី ២៧ ខែធ្នូ ឆ្នាំ ២០២១។

លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅព្រឹកថ្ងៃទី ៧ វិច្ឆិកានេះថាការប្រឡងសញ្ញាបត្រមធ្យមសិក្សាបឋមភូមិ ឬឌីប្លូមនៅឆ្នាំនេះ មានបេក្ខជនចូលរួមប្រឡងចំនួន ១៦២ ៥៨៩ នាក់ ចែកជា ១៧២២មណ្ឌល និង ៧៣២៧បន្ទប់។

លោកបានបន្តថា ចំណែកប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) គិតត្រឹមពេលនេះមានបេក្ខជនប្រឡងបាក់ឌុបបានដាក់ពាក្យប្រឡងសរុប ១១៥,១៣៩នាក់ ចែកជា ២០៤មណ្ឌលនិង ៤៦៥១បន្ទប់។

លោក ង៉ែត ឡឹង បានបញ្ជាក់ថា ការប្រឡងនេះ ក្រសួងបានណែនាំឲ្យបង្កើតអនុគណៈកម្មការ សុខភាពសិក្សាក្នុងយន្តការ នៃកិច្ចដំណើរការប្រឡងសញ្ញាបត្រមធ្យមសិក្សាទុតិយភូមិ ត្រូវត្រៀមបន្ទប់សង្គ្រោះបឋម តាមមណ្ឌលប្រឡង។

លោកបានបន្ថែមថា ចំណែកគណៈកម្មការកំណែ សូមឲ្យមានជ្រើសរើសដោយប្រុងប្រយ័ត្ន ពិនិត្យលក្ខខណ្ឌអាយុ ៥០ឆ្នាំចុះ សុខភាពសាមីខ្លួន ត្រូវធ្វើស្វ័យប្រកាសចំពោះសុខភាពខ្លួន ប្រាកដថា គ្មានជំងឺ ជាពិសេសកូវីដ គ្មានគ៌ភជិតគ្រប់ខែសម្រាល ឆ្លងកាត់ការធ្វើ Rapid Test ជាដើម ទើបត្រូវបានជ្រើសរើសជាគណៈកម្មការកំណែ ហើយត្រូវរៀបចំជាក្រុមកំណែតូចៗ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១ នាទី មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ១១ នាទី មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍១៧ នាទី មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍២៧ នាទី មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

ជីវិតកម្សាន្ដ៥៦ នាទី មុន

សាយ រម្លឹក​រឿង​កាលពី​៩​ឆ្នាំមុន​ប៊ិះ​អស់​ជីវិត​នៅក្នុង​ភ្នក់ភ្លើង

Sokha Hotels

ព័ត៌មានពេញនិយម

Helistar Cambodia - Helicopter Charter Services