ព័ត៌មានជាតិ

កម្ពុជានឹងទទួលបានអត្ថប្រយោជន៍៣យ៉ាងសំខាន់ៗក្រោយចុះកិច្ចព្រមព្រៀងជាមួយប្រធានអង្គការសហប្រជាជាតិ

បានផុស

៥ years មុន

នៅ

ថ្ងៃព្រហស្បតិ៍ ២៥ វិច្ឆិកា ២០២១

ដោយ

លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជននិងយុវនីតិសម្បទា បានថ្លែងថា កម្ពុជានឹងទទួលបានអត្ថប្រយោជន៍៣យ៉ាងសំខាន់ៗ ក្រោយចុះកិច្ចព្រមព្រៀងជាមួយប្រធានអង្គការសហប្រជាជាតិប្រចាំប្រទេសកម្ពុជា។

លោករដ្ឋមន្ត្រីថ្លែងបែបនេះក្នុងពេលចុះហត្ថលេខាលើកិច្ចព្រមព្រៀង និងផ្លាស់ប្តូរនៅថ្ងៃពុធ ៥រោច ខែកត្តិក ឆ្នាំឆ្លូវ ត្រីស័ក ពុទ្ធសករាជ២៥៦៥ ត្រូវនឹងថ្ងៃទី២៤ ខែវិច្ឆិកា ឆ្នាំ២០២១ ជាមួយលោកស្រី Pauline Tamesis ប្រធានអង្គការសហប្រជាជាតិប្រចាំប្រទេសកម្ពុជា នៅទីស្តីការក្រសួងសង្គមកិច្ច អតីតយុទ្ធជន និងយុវនីតិសម្បទា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជននិងយុវនីតិសម្បទាបានថ្លែងថា កម្មវិធីនេះមានសារសំខាន់ណាស់ សម្រាប់កសាងថ្នាលបច្ចេកវិទ្យាសម្រាប់ជួយសម្រួលដល់កិច្ចសហការអន្តរវិស័យ ដើម្បីការអភិវឌ្ឍមួយប្រកបដោយចីរភាព (CAMBODIA FUTURES LAB)នឹងផ្តោតលើបង្កើតនូវដំណើរការ និងលំហសុវត្ថិភាព ដើម្បីឲ្យអ្នកដឹកនាំពីរដ្ឋាភិបាលសង្គមស៊ីវិល វិស័យឯកជន និងទីភ្នាក់ងារអង្គការសហប្រជាជាតិ ។ ការជួបជុំគ្នាចាប់ផ្តើមដំណើរផ្លូវឈ្វេងយល់រួមគ្នា អំពីការផ្លាស់ប្តូរប្រព័ន្ធ និងការគិតអំពីអនាគតក្នុងគោលបំណងដឹងពីចក្ខុវិស័យបន្ទាប់នៃបដិវត្តន៍កម្មសង្គម និងការស្តារសេដ្ឋកិច្ចឡើងវិញពីជំងឺកូវីដ១៩ អតីតយុទ្ធជន និងយុវនីតិសម្បទា អង្គការសហប្រជាជាតិ ស្ថាប័នពាក់ព័ន្ធរបស់រាជរដ្ឋាភិបាលកម្ពុជាវិស័យឯកជន វិទ្យាស្ថាន Presencing Institute និងមូលនិធិ United in Diversity Foundation គ្រោងនឹងបន្តរៀបចំកិច្ចសន្ទនាដើម្បីបង្កើតជាឱកាសដើម្បីឱ្យមានការធ្វើសកម្មភាពរួមគ្នាក្រោមប្រធានបទ “Cambodia Futures Lab” ដែលការិយាល័យអង្គការសហប្រជាជាតិប្រចាំប្រទេសកម្ពុជា និងជួយបង្កើនរៀបចំជាកិច្ចប្រជុំ ដើម្បីឱ្យមានការសហការអន្តរវិស័យបែបនេះ។

លោក វង សូត ថ្លែងបន្តថា ចេញពីជ្រុងនៃការផ្លាស់ប្តូរប្រព័ន្ធ Cambodia Futures Lab នឹងកំណត់ពីការផ្លាស់ប្តូរក្នុងកម្រិតដែលបានចុះហត្ថលេខានេះទទួលបានអត្ថប្រយោជន៍៣យ៉ាងសំខាន់ៗដូចជា ទី១.ការផ្លាស់ប្តូរផ្នត់គំនិត ការប្រើប្រាស់វិធីសាស្ត្រ និងការគិតពីអនាគត (futures-thinking) និងការគិតបែបប្រព័ន្ធ(systems thinking) សម្រាប់បញ្ហាស្មុគស្មាញនៃការអភិវឌ្ឍប្រកបដោយចីរភាព ។

ទី២. ការផ្លាស់ប្តូរទំនាក់ទំនង – ការផ្លាស់ប្តូរស្ថាប័នពីការធ្វើការ ‘ដាច់ដោយឡែក’ ទៅ ‘ជាបណ្តាញ’។

ទី៣. ការផ្លាស់ប្តូរផ្តោតលើការធ្វើសកម្មភាពជាសមូហភាពសមត្ថភាពផ្លាស់ចេញពីគំនិតទៅជាសកម្ម ភាព និងការពិសោ ធន៍ពីអភិក្រមដែលធ្វើការផ្តាច់មុខ(exclusive)ទៅជាអភិក្រមបរិយាប័ន្ន ដែល នាំមកនូវការផ្លាស់ប្តូរជាវិជ្ជមានៅក្នុងសង្គមតែម្ដង៕

អត្ថបទ៖ វិមាន

Related Topics:លោក វង សូត

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា