ធនាគារ អេស៊ីលីដា បង្កើតប្រភេទកម្ចី ឬឥណទានមួយចំនួន ជួយសម្រួលដល់អតិថិជន ដែលគ្មានទ្រព្យធានា

ធនាគារ អេស៊ីលីដាបានបង្កើតនូវ ប្រភេទកម្ចី ឬឥណទាន មួយចំនួនដើម្បីជួយសម្រួលដល់អតិថិជនដែលមិនមានទ្រព្យ ធានាគ្រប់គ្រាន់ ឬគ្មានទ្រព្យ ធានាអាចទទួលបានកញ្ចប់ប្រាក់កម្ចីពីធនា គារ អេស៊ីលីដាយកទៅប្រកបអាជីវកម្មឬពង្រីកមុខជំនួញផ្សេងៗ។

បើតាម លោក សឹង ភន នាយកប្រតិបត្តិ ឥណទាន នៃធនាគារ អេស៊ីលីដា ភីអិលស៊ី បាន ឲ្យដឹងថា សម្រាប់អតិថិជន ដែល មិនមាន ទ្រព្យ ធានាគ្រប់គ្រាន់ ឬគ្មានទ្រព្យ ធានា អាចធ្វើការខ្ចីឥណទានពីធនាគារអេស៊ីលីដាបានដូចជា
១) កម្ចី ដើម្បី ប្រើប្រាស់ ផ្ទាល់ ខ្លួន ដែល មាន ទំហំ រហូត ដល់ ២.៥០០ (ពីរពាន់ប្រាំរយ)ដុល្លារ សម្រាប់អតិថិជនដែលមានគណនីបើកប្រាក់បៀវត្សរ៍នៅធនាគារអេស៊ីលីដា ភីអិលស៊ី ។
២) កម្ចីដើម្បីប្រើប្រាស់ផ្ទាល់ខ្លួន ដែលមានទំហំរហូតដល់ ៥.០០០(ប្រាំពាន់)ដុល្លារ សម្រាប់មន្ត្រីរាជ្យការដែលមានគណនីបើកប្រាក់បៀវត្សរ៍នៅធនាគារអេស៊ីលីដា ភីអិលស៊ី ។
៣) កម្ចីដើម្បីប្រើប្រាស់តាមរយៈប័ណ្ណឥណទាន (Credit Card) ដែលមានទំហំរហូតដល់ ៤០.០០០(បួនម៉ឺន)ដុល្លារ ។
៤) កម្ចីអាជីវកម្ម ដែលមានទំហំរហូតដល់ ៥០០.០០០(ប្រាំរយពាន់)ដុល្លារ សម្រាប់សហគ្រាសខ្នាតតូច និង មធ្យម និង ទំហំរហូតដល់ ១.០០០.០០០(មួយលាន)ដុល្លារ សម្រាប់សហគ្រាសខ្នាតធំ ក្រោមការធានាដោយសាជីវកម្មធានាឥណទានកម្ពុជា (Credit Guarantee Corporation of Cambodia “CGCC”) ។

លោកបានបន្តទៀតថាការបង្កើតប្រភេទកម្ចី ឬឥណទានមួយចំនួនសម្រាប់អតិថិជនដែលគ្មានទ្រព្យធានា គ្រប់គ្រាន់ ឬគ្មានទ្រព្យ ធានានេះគឺដោយសារ ធនាគារ អេស៊ីលីដាដែលជាធនាគារ ពាណិជ្ជដ៏ធំជាងគេ បំផុត មួយនៅកម្ពុជាតែងតែគិតគូរនិងយកចិត្តទុកដាក់ខ្ពស់ដល់អតិថិជន និង សាធារណជន ជាពិសេស ម្ចាស់អាជីវកម្ម តូច និងមធ្យម ក្នុង ការទទួល បាន ឥណទាន (កម្ចី) ពី អេស៊ីលីដា ដើម្បី ប្រើ ប្រាស់ ក្នុង គោល បំណង អាជីវកម្ម ឬតម្រូវការ ក្នុងគ្រួសារ ។
សម្រាប់អតិថិជនដែលមានចម្ងល់ ឬសំណូមពរផ្សេងៗ សូមអញ្ជើញ ទូរសព្ទទៅកាន់លេខ ៖ ០២៣ ៩៩៤ ៤៤៤, ០១៥ ៩៩៩ ២៣៣ មានបម្រើ២៤ម៉ោងឬផ្ញើសារអ៊ីមែល ទៅកាន់ ៖ emailinqu [email protected] abank.com.kh ៕