Connect with us

ព័ត៌មានជាតិ

ខេត្តកោះកុង នឹងមានកំពង់ផែទឹកជ្រៅ នាពេលខាងមុខ

បានផុស

នៅ

អភិបាលរងខេត្តកោះកុង កាលពីថ្ងៃទី ១៥ ខែធ្នូ បានបើកកិច្ចប្រជុំមួយ ដោយសិក្សាអំពីផលប៉ះពាល់បរិ​ស្ថាន​ និងសង្គម ពាក់ព័ន្ធនឹងគម្រោងសាងសង់ ជាកំពង់ផែទឹកជ្រៅមួយ នៅស្រុកគិរីសាគរ។ គម្រោងនេះ គឺអ្នកឧកញ៉ា លី យ៉ុងផាត់ ជាអ្នកដាក់ទុនវិនិយោគ។

ផ្ទៃដីសរុបប្រមាណ ៤៩២,៦៤ហិកតា ស្ថិតក្នុងភូមិព្រែកខ្សាច់ និងភូមិយាយសែន ឃុំព្រែកខ្សាច់ ស្រុកគិរីសាគរ អាចនឹងក្លាយជាតំបន់សេដ្ឋកិច្ច ពាណិជ្ជកម្មសំបូរបែបមួយ ក្នុងខេត្តកោះកុង តាមរយៈគម្រោង​ការស្ថាបនា ជាកំពង់ផែទឹកជ្រៅខ្នាតធំមួយ បម្រើដល់វិស័យសេដ្ឋកិច្ចពាណិជ្ជកម្ម លើការដឹកជញ្ចូនទំនិញតាមផ្លូវទឹក។

ក្រោយកិច្ចប្រជុំពិគ្រោះយោបល់ អំពីការសិក្សាវាយតម្លៃហេតុប៉ះពាល់បរិស្ថាន និងសង្គមពេញលេញ (តាមប្រព័ន្ធអន ឡាញ) តំណាងលោកស្រី មិថុនា ភូថង អភិបាលខេត្ត គឺលោក អ៊ុក ភ័ក្ត្រា អភិបាលរងខេត្តកោះកុង បង្ហាញកិច្ចគាំទ្រពេញទំហឹងនៅថ្ងៃទី ១៥ខែធ្នូថា វានឹងជួយជំរុញវិស័យដឹកជញ្ជូន តាមផ្លូវទឹករបស់ខេត្ត និងជាឆ្អឹងខ្នង នៃសេដ្ឋកិច្ចប្រទេសជាតិ។

បើតាមលោកអភិបាលរងខេត្តកោះកុង គម្រោងអភិវឌ្ឍន៍កំពង់ផែសមុទ្រទឹកជ្រៅនេះ ធ្វើឡើងក្រោមការវិនិយោគទុនដ៏ធំមួយ របស់ក្រុមហ៊ុនកោះកុង អេស អ៊ី ហ្សិត ខូ អិលធី (អ្នកឧកញ៉ា លី យ៉ុងផាត់)។ មិនចំពោះតែកំពង់ផែទឹកជ្រៅ ក៏មានដែលអគាររដ្ឋបាល អគារឃ្លាំង អគារនិងរោងជាង ជាដើម។ តែបែបនេះក្តី កំពង់ផែទឹកជ្រៅនេះ ផ្តើមដំណើរការជាផ្លូវការនៅពេល ណានោះទេ ពោលគឺនេះគ្រាន់តែជាការសិក្សាបឋមប៉ុណ្ណោះ។ ពេលមានព័ត៌មានលម្អិតថ្មី គឺលោកអភិបាលរងខេត្តកោះកុង នឹងផ្តល់ជូននៅពេលក្រោយ។

គួរជម្រាបថា ខេត្តកោះកុង មានតែកំពង់ផែខ្នាតតូចប៉ុណ្ណោះ បម្រើការងារដឹកជញ្ចូនទំនិញនានា ភាគច្រើនជាកំពង់ផែទិន្នន័យគ្រឿងសមុទ្រស្រស់ៗ ដែលទិន្នន័យត្រូវបានដឹកជញ្ចូន ទៅកាន់ទីផ្សារនៃគោលដៅក្នុងស្រុក និងក្រៅស្រុក។

មុននឹងត្រៀមទទួលសមិទ្ធិផល ផ្នែកសេដ្ឋកិច្ចពាណិជ្ជកម្មនេះ លោក អ៊ុក ភ័ក្រ្តា បានស្នើសុំដល់ក្រុមហ៊ុន បន្តពិនិត្យ លើផលប៉ះពាល់ដល់ធនធានជីវចម្រុះ និងបរិស្ថាននៅក្នុងតំបន់អនុវត្តន៍គម្រោង តាមរយៈវិធានការចាំបាច់ដែលមានស្រាប់ និងស្នើសុំឲ្យបង្កើតគម្រោងអភិវឌ្ឍន៍ មូលដ្ឋានគាំទ្រសំដៅធានាដល់ធនធានជីវចម្រុះ និងបរិស្ថានមានស្ថិរភាព ជាពិសេសផ្កាថ្ម។

ចំពោះការគ្រប់គ្រងសំណល់ចេញពីកប៉ាល់នានា ដូចជាប្រេងម៉ាស៊ីនជាដើម ចាំបាច់ត្រូវបង្កើនការយកចិត្តទុកដាក់ខ្ពស់អំពីសំណល់រឹង-រាវ នៅក្នុងតំបន់អនុវត្តន៍គម្រោង រីឯសំណង់អគារ និងសំណង់កំពង់ផែត្រូវគោរពតាមស្តង់ដាបច្ចេកទេស និងបទដ្ឋាននានារបស់រាជរដ្ឋាភិបាល។

ដោយឡែកកម្លាំងពលកម្ម មូលដ្ឋានជាអាទិភាព និងបង្កឲ្យមានលក្ខណៈអភិវឌ្ឍន៍សមត្ថភាព និងបណ្តុះបណ្តាលវិជ្ជាជីវៈ ជូនប្រជាពលរដ្ឋមូលដ្ឋាន ដើម្បីបង្កើនជីវភាព និងប្រាក់ចំណូលឲ្យកាន់តែល្អប្រសើរ។ ជួយរក្សាការពារច្រាំង និងឆ្នេរខ្សាច់ តាមរយៈការដាំដើមកោងកាង រក្សាទុកស្មៅសមុទ្រ និងរុក្ខជាតិ ដែលមានដុះស្រាប់នៅតាមតំបន់ឆ្នេរ ឬវិធីសាស្ត្រផ្សេងៗទៀត៕

អត្តបទ៖ សិរី វឌ្ឍនៈ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ម៉ោង មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ៦ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ៧ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៧ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៧ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម