Connect with us

ព័ត៌មានជាតិ

​រយៈពេល​២​ឆ្នាំ​មកនេះ​ រាជរដ្ឋាភិបាល​បាន​ដាក់ចេញ​វិធានការ​ដ៏​មាន​ប្រសិទ្ធភាព​និង​ប្រយ័ត្នប្រយែង​សម្រាប់​ដំណើរការ​វិស័យ​អប់រំ​៧​ចំណុច

បានផុស

នៅ

ប្រមុខ​រាជរដ្ឋាភិបាល​កម្ពុជា​នៅក្នុង​សារ​ថ្លែង​ក្នុង​ពិធី​បើក​បវេសនកាល​ឆ្នាំ​សិក្សា​ថ្មី ២០២១-២០២២ នៅ​ថ្ងៃទី​១០ ខែមករា​២០២២​បាន​រំលឹក​ឡើងវិញ​ថា​ចាប់តាំងពី​មាន ការ រាតត្បាត​នៃ​ជំងឺ​កូ​វីដ​១៩​នៅ​ខែ​មីនា​ ឆ្នាំ​២០២០ ​រហូតមកដល់​ពេលនេះ​រាជរដ្ឋាភិបាល​កម្ពុជា​ក៏ដូចជា​ក្រសួង​អប់រំ​យុវជន​និង​កីឡា​បានដាក់​ចេញ​នូវ​វិធានការ​ដ៏​មាន ប្រសិទ្ធភាព​និង​ប្រយ័ត្នប្រយែង​ព្រមទាំង​អាច​កត់ត្រា​ទុក​និង​រៀនសូត្រ​ជា​មេរៀន​បទពិសោធន៍​សម្រាប់​ការ​អនុវត្ត​គន្លង​ប្រក្រតីភាព​ថ្មី​នៃ​វិស័យ​អប់រំ​ចំនួន​៧​ចំណុច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិធានការ​ដ៏​មាន​ប្រសិទ្ធភាព​និង​ប្រយ័ត្នប្រយែង​ទាំង​៧ ចំណុច​នោះ​រួម​មាន​៖ ទីមួយ​.​ការ​យកចិត្តទុកដាក់​ដល់​អាយុជីវិត​របស់​បុគ្គលិក​អប់រំ​និង​សិស្សានុសិស្ស​ជា​កត្តា​អាទិភាព​។ ​ទី​២.​ការអនុវត្ត​យ៉ាង​ខ្ជាប់ខ្ជួន​នៅ​វិធានការ​សុវត្ថិភាព​សុខភាព​សម្រាប់​បុគ្គលិក​អប់រំ​និង​សិស្សានុសិស្ស​នៅតាម​គ្រឹះស្ថានសិក្សា​ស្របតាម​គោលការណ៍​បី​កុំបី​ការពារ​តាមរយៈ​ការអប់រំ​ផ្សព្វផ្សាយ​និង​ការជួយ​គាំទ្រ​អំពី​វិធានការ​ការពារ​ខ្លួន​ពី​ការឆ្លង​កូ​វីត​១៩។ ​ទី​៣.​ការរៀបចំ​និង​កែលំអ​ហេដ្ឋារចនាសម្ព័ន្ធ​បរិស្ថាន​អនាម័យ បង្គន់​អនាម័យ​និង​ទឹកស្អាត​នៅតាម​គ្រឹះស្ថានសិក្សា​ឲ្យ​បាន​គ្រប់គ្រាន់​។ ទី​៤.​ការរៀបចំ​និង​អភិវឌ្ឍ​ប្រព័ន្ធ​អប់រំ​តាមបែប​អេ​ឡិច​ត្រូ​និ​ច​តើ​ការអប់រំ​បែប​ឌីជីថល​និង​ការអប់រំ​ពី​ចម្ងាយ ដោយ​សម្បូរបែប​និង​ចែក​ផ្សាយ​ឲ្យ​បាន​ទូលំទូលាយ​។ ទី​៥.​ការអនុញ្ញាត​ឲ្យ​ដំណើរការ​គ្រឹះស្ថានសិក្សា​ឡើងវិញ​តាម​បណ្ដុំ​តាម​ដំណាក់កាល​និង​ប្រកបដោយ​ភាព​ប្រុងប្រយ័ត្ន​។

​ទី​៦.​ការអនុវត្ត​វិធាន​នៃ​ការគ្រប់គ្រង​និង​រដ្ឋបាល​តាម​ប្រព័ន្ធ​ឌីជីថល​នៅមាន​ប្រសិទ្ធភាព​។ ​ទី​៧.​ការចាក់​វ៉ាក់សាំង​ការពារ​កូ​វីដ​១៩​ជូន​បុគ្គលិក​អប់រំ​និង​សិស្សានុសិស្ស​ឱ្យបាន​គ្រប់គ្នា។ ដោយសារ​វិធានការ​ខាងលើនេះ​បាន​ធានា​ឲ្យ​បុគ្គលិក​អប់រំ អាច​បន្ត​បំពេញការងារ និង សិស្សានុសិស្ស​នៅ​គ្រប់​ភូមិ​សិក្សា អាច​ទទួល​បាន​សេវា​អប់រំ​តាម​គ្រប់​រូបភាព​។ វិធានការ​ទាំងនេះ​ក៏​នៅ​តែ​មាន​សុពលភាព​បន្តទៀត​ក្នុង​បរិបទ​ដែល​កូ​វីដ​១៩ រួម​ទាំង​មេរោគ​បំប្លែង​ថ្មី មិនទាន់​រលាយ​បាត់។ រាជរដ្ឋាភិបាល​កម្ពុជា​បាន​មើល​ឃើញ​ថា នៅ​ខែកញ្ញា​ឆ្នាំ ២០២១ ក្រសួង​អប់រំ​យុវជន​និង​កីឡា​បាន​ចាប់ផ្ដើម​ដំណើរការ​នឹង​បង្រៀន​ជា​លក្ខណៈ​បណ្ដុំ​នៅតាម​គ្រឹះស្ថានសិក្សា​ចំណេះ​ទូទៅ​និង​ការបើក​ដំណើរ ការឡើង​វិញ​នៃ​គ្រឹះស្ថាន​ឧ​ត្ត​មសិ​ក្សា​ដោយ​រលូន​និង​ពុំ​មាន​ហេតុការណ៍​អ្វី​កើតឡើង​គួរ​ឲ្យ​កត់សម្គាល់​ពាក់ព័ន្ធ​នឹង​កត្តា​សុខភាព​របស់​បុគ្គលិក​អប់រំ​និង​សិស្សានុសិស្ស​រួម​ជាមួយ​នឹង​កំណើន​ភាគរយ​ខ្ពស់​នៃ​ការចាក់​វ៉ាក់សាំង​ការពារ​កូ​វីត​១៩ ជូន​កុមារ​អាយុ ៥ ឆ្នាំ​,​កុមារ​អាយុ​៦​ដល់​១៨ ឆ្នាំ​និង​ប្រជាជន​អាយុ​១៨ ឆ្នាំ​ឡើងជា​ពិសេស​ដំណើរ ការប្រឡង​សញ្ញាបត្រ​មធ្យមសិក្សា​ទុតិយភូមិ​ឆ្នាំ ២០២១ បាន​ប្រព្រឹត្តទៅ​ប្រកបដោយ​សុវត្ថិភាព​និង​ជោគជ័យ ។ ម្យ៉ាងទៀត​ប្រមុខ​រាជរដ្ឋាភិបាល​បានប្រកាស​បិទ បញ្ចប់​ព្រឹត្តិការណ៍​សហគមន៍ ២០ កុម្ភៈ​ឆ្នាំ ២០២១ និង បានសម្រេច​ដាក់​ឲ្យ​ប្រើប្រាស់​នូវ​ក្របខ័ណ្ឌ​យុទ្ធសាស្ត្រ​និង​កម្មវិធី​ស្ដារ​និង​ជំរុញ​កំណើនសេដ្ឋកិច្ច​កម្ពុជា​ក្នុង ការរស់នៅ​ជាមួយនឹង​កូ​វីដ​១៩ តាម​ន្ល​ង​ប្រក្រតីភាព​ថ្មី​ឆ្នាំ ២០២១-២០២៣ ជាមួយនឹង​ទស្សនវិស័យ​ចាក​ចេញពី​វិបត្តិ​នៃ​ជំងឺ​កូ​វីដ​១៩​ក្នុង​ភាពរឹងមាំ​និង​ការវិលត្រឡប់ ទៅរក​មាគ៌ា​នៃ​កំណើន​និង​ការអភិវឌ្ឍ​ប្រកបដោយ​ចីរភាព​ឡើងវិញ។

កត្តា​ទាំងនេះ​អាច​ឲ្យ​កម្ពុជា​អាច​ប្រារព្ធ​បើក​បវេសនកាល​ឆ្នាំ​ថ្មី ២០២១-២០២២ ដ៏​មាន​សារសំខាន់​នៅថ្ងៃនេះ​សម្រាប់​គ្រឹះស្ថានសិក្សា​នៅ​ទូទាំង​ប្រទេស​ក្រោម​ទស្សន ទាន​ថ្មី​គឺ​គន្លង​ប្រក្រតី​ភាព​ថ្មី​ក្នុង​វិស័យ​អប់រំ នៅ​ថ្ងៃទី ១០ ខែមករា​ឆ្នាំ ២០២២ ដែល​ជា​ថ្ងៃ​បើក​ទំព័រ​ថ្មី​នៃ​ការ​ចាប់ផ្ដើម​ជីវិត​សិក្សា​ដំបូង​នៅក្នុង​គន្លង​ប្រក្រតី​ភាព​ថ្មី​នៃ វិស័យ​អប់រំ៕

ដោយ​ ៖​ ណា​រី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

លោក ញឹក ប៊ុនឆៃ៖ អ្នក​សង្កេតការណ៍ជាតិ អន្តរជាតិ មិនបាន​​រៀបចំឱ្យនិយាយ​ល្អ​ពី​កម្ពុជាទេ

សន្តិសុខសង្គម៤៣ នាទី មុន

សមត្ថកិច្ច​ដកហូតកាំភ្លើង​ពិត​ និងកែច្នៃ​ជាង ៤០ ដើម​ក្រោយករណីផ្ទុះអាវុធ​បណ្ដាល​ឱ្យអធិការ​រង​នគរ​បាលក្រុងព្រះសីហនុ​រងរបួស​

ព័ត៌មានជាតិ១ ម៉ោង មុន

មន្ត្រីសុខាភិបាល៖ ស្ត្រីកម្ពុជា ៩៧ ភាគរយសម្រាលកូន នៅតាមមូលដ្ឋានសុខាភិបាល

កីឡា១ ម៉ោង មុន

អត្តពលិកហែលទឹកកម្ពុជា បំបែកកំណត់ត្រាថ្នាក់ជាតិ ក្នុងការប្រកួតជើងឯកពិភពលោក

ព័ត៌មានជាតិ២ ម៉ោង មុន

ជប៉ុនស្នើ​កម្ពុជា ​បញ្ជូនទ័ពមួក​ខៀវ​ ចូលហ្វឹកហ្វឺនជំនាញវិស្វកម្ម​ នៅក្នុងវគ្គហ្វឹកហ្វឺនត្រីភាគី

Sokha Hotels

ព័ត៌មានពេញនិយម