ទឹក​ប្រាក់​ទិញ​វ៉ាក់សាំង​កើន​ដល់ ៤៨ លាន​ដុល្លារ

សម្តេច​តេជោ​ ហ៊ុន សែន​បាន​ប្រកាស​ទឹកប្រាក់​ដែល​សប្បុរសជន​ បាន​ចូលរួម​ថវិកា​ដល់​រដ្ឋាភិបាល​ ទិញ​វ៉ាក់សាំង​គិត​មក​ដល់​ម្សិលមិញ​ មាន​ចំនួនជាង ៤៨ លាន​ដុល្លារ និង​ប្រាក់​រៀល​ចំនួន ៣៩០០ លាន​រៀល។

សម្តេច​បាន​វាយ​តម្លៃ​ ការ​ចូលរួម​នេះជា​​ស្មារតីសាមគ្គីភាពយ៉ាង​ធំធេងមហាសាល ដែលបានក្លាយជាខឿនការពារសុខភាពរបស់ប្រជាជន។

ប្រមុខ​រដ្ឋាភិបាល​មានបំណងចាក់ជូនវ៉ាក់សាំង​ជូន​ប្រជាជនឱ្យបាន១០លាននាក់ ដែលត្រូវការវ៉ាក់សាំងរហូត២០លាន​ដូស​ និងតម្រូវការចំពោះមុខនាដំណាក់កាលទីមួយ ចំនួន១លានដូស សម្រាប់ចាក់ជូន៥០មុឺននាក់ ដែលកំពុងបំពេញការងារនៅកន្លែងដែលមានហានិភ័យ និងកំពុងមានហានិភ័យ ដែលអាទិភាពផ្តល់ជូនគ្រូពេទ្យ គ្រូបង្រៀន កម្លាំងប្រដាប់អាវុធគ្រប់ប្រភេទ នគរបាលយុត្តិធម៍គ្រប់ប្រភេទរហូតដល់កម្មករបោសសំរាមសំអាតទីក្រុងទីប្រជុំជន ដែលត្រូវទទួលបាននៅដំណាក់កាលទីមួយនេះ។