ព័ត៌មានជាតិ

ប្រតិបត្តិការទ្រង់ទ្រាយធំនៅប៉ោយប៉ែត ឃាត់មនុស្ស ៣នាក់ ដកហូតគ្រឿងញៀនជិត១០គីឡូក្រាម

បានផុស

៥ years មុន

នៅ

ថ្ងៃពុធ ១៦ ធ្នូ ២០២០

ដោយ

មន្ទីរប្រឆាំងគ្រឿងញៀន សហករណ៍ជាមួយ កម្លាំងនគរបាលជំនាញខេត្តបន្ទាយមានជ័យ បានបើកប្រតិបត្តិការទ្រង់ទ្រាយធំ ឃាត់ខ្លួនមនុស្សបានចំនួន ៣នាក់ និងដកហូតគ្រឿងញៀនចម្រុះចំនួន២វ៉ាលីនិង១ធុង ស្មើរជិត១០គីឡូក្រាម កាលពីវេលាម៉ោង២០និង៣០នាទី ថ្ងៃទី១៥ ខែធ្នូ ឆ្នាំ២០២០ នៅក្នុងក្រុងប៉ោយប៉ែត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្ដមសេនីយ៍ទោ សិទ្ធិ ឡោះ ស្នងការនគរបាលបាល ខេត្តបន្ទាយមានជ័យ បានប្រាប់អ្នកយកព័ត៌មានឲ្យដឹងថា ការបង្ក្រាបគ្រឿងញៀនទ្រង់ទ្រាយធំនេះ បានឃាត់ខ្លួនជនសង្ស័យប្រុស ស្រី ចំនួន៣នាក់ រួមមាន៖ ១ ឈ្មោះ ទី យៀង ភេទស្រី អាយុ៤៣ឆ្នាំ ២ឈ្មោះ ហុង ម៉េង ភេទប្រុស អាយុ១៦ឆ្នាំ ៣ឈ្មោះ សេង ដាលីសិទ្ធ ភេទប្រុស អាយុ៤០ឆ្នាំ។

លោកឧត្ដមសេនីយ៍បញ្ជាក់ឲ្យដឹងបន្តទៀតថា សមត្ថកិច្ចបានត្រួតពិនិត្យ និងឆែកឆេរផ្ទះស្វែងរកវត្ថុតាង មាន២ទីតាំង ដោយទីតាំងទី១ ចំណុចផ្ទះជួលរបស់ឈ្មោះ ទី យៀង ភេទស្រី ភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ដកហូតវត្ថុតាង មានចំនួន២វ៉ាលី និងទីតាំងទី២ ចំណុចបន្ទប់ជួលរបស់ឈ្មោះ សេង ដាលីសិទ្ធ ភេទប្រុស ស្ថិតក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ដកហូតវត្ថុតាង ១ធុង។

លោកស្នងការ ឲ្យដឹងបន្តទៀតថា សមត្ថកិច្ចចម្រុះបានត្រួតពិនិត្យ និងរកឃើញមានសម្ភារៈវត្ថុតាងរួមមាន ថ្នាំគ្រាប់ពណ៌ចម្រុះតាហ្សី ចំនួន៤៨ថង់ ,ម្សៅក្រាមពណ៌ ស ១៤ថង់ ,ម្សៅសដុំ ចំនួន២កញ្ចប់ ម្សៅគ្រាប់ពណ៌ត្នោត ចំនួន២កញ្ចប់ , ថ្នាំគ្រាប់ពណ៌ ក្រហម ចំនួន១៧កញ្ចប់ ,ថ្នាំ គ្រាប់Fi Fi ចំនួន១៧បន្ទះ ,ម្សៅគ្រាប់ពណ៌ ខ្មៅ ចំនួន៣ថង់ ,ថ្នាំកញ្ចប់ចម្រុះចំនួន២៥កញ្ចប់ស្មើរជិត១០គីឡូក្រាម ,កាំភ្លើងខ្លី១ដើម និងប្លង់ដី ចំនួន២ច្បាប់៕

អត្ថបទ ៖ វ៉ាន់ ណាង

Related Topics:

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា