ព័ត៌មានជាតិ

រាជរដ្ឋាភិបាលបានចំណាយទឹកប្រាក់ឧបត្ថម្ភដល់គ្រួសារក្រីក្រនិងងាយរងគ្រោះដោយកូវីដ១៩អស់ជាង១៦៥លានដុល្លារ

Published

4 months ago

December 17, 2020

ភ្នំពេញ ៖ មន្ត្រីជាន់ខ្ពស់នៃនាយកដ្ឋានសុខុមាលភាពសង្គម នៃអគ្គនាយកដ្ឋានបច្ចេកទេសរបស់ក្រសួងសង្គមកិច្ច អតីតយុទ្ធជន និងយុវនីតិសម្បទាបានថ្លែងថា រាជរដ្ឋាភិបាលដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានចំណាយទឹកប្រាក់ឧបត្ថម្ភដល់គ្រួសារក្រីក្រនិងងាយរងគ្រោះដោយជំងឺរាតត្បាតកូវីដ១៩អស់ជាង១៦៥លានដុល្លារអាមេរិច ហើយគិតចាប់តាំងពីថ្ងៃទី២៥ មិថុនា ឆ្នាំ២០២០ជុំទី១ រហូតមកដល់ជុំទី៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ រាជរដ្ឋាភិបាលបានសម្រេចឧបត្ថម្ភរយៈពេល ៣ខែបន្ថែមទៀត សម្រាប់ជុំទី៤នាពេលខាងមុខនេះ។

លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម នៃអគ្គនាយកដ្ឋានបច្ចេកទេសរបស់ក្រសួងសង្គមកិច្ច អតីតយុទ្ធជន និងយុវនីតិសម្បទាបានថ្លែងប្រាប់អ្នកសារព័ត៌មាននាថ្ងៃម្សិលមិញថា ដោយមើលឃើញពីទុក្ខលំបាករបស់ប្រជាពលរដ្ឋពិសេសគ្រួសារក្រីក្រនិងងាយរងគ្រោះដែលរងផលប៉ះពាល់ខ្លាំងដោយជំងឺរាតត្បាតកូវីដ១៩នោះ រាជរដ្ឋាភិបាលដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានចំណាយទឹកប្រាក់ឧបត្ថម្ភដល់គ្រួសារក្រីក្រនិងងាយរងគ្រោះដោយកូវីដ១៩អស់ជាង១៦៥លានដុល្លារសហរដ្ឋអាមេរិក។

លោកបន្តថា ចាប់តាំងពីថ្ងៃទី២៥ មិថុនា ឆ្នាំ២០២០ជុំទី១ រហូតមកមកដល់ជុំទី៣ត្រឹមថ្ងៃទី២៤ ធ្នូឆ្នាំ២០២០អស់ជាង១៦៥លានដុល្លារសហរដ្ឋអាមេរិក។ លើសពីនេះរាជរដ្ឋាភិបាលបានសម្រេចឧបត្ថម្ភរយៈពេល ៣ខែបន្ថែមទៀតសម្រាប់ជុំទី៤នាខែមករា ឆ្នាំ២០២១ ខាងមុខនេះដោយលើកទី
១. ខែមករា (២៥ មករា ដល់ ២៤ កុម្ភ: ២០២១) លើក២. ខែកុម្ភៈ (២៥ កុម្ភ: ដល់ ២៤ មីនា ២០២១)
លើក៣. និងមីនា (២៥ មីនា ដល់ ២៤ មេសា ២០២១) ជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ-១៩។

នេះគឺជាការលើករបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាតែងតែងគិតគូរខ្ពស់ចំពោះសុខទុក្ខរបស់ពលរដ្ឋទូទាំងប្រទេសជាធំដោយមិនទុកឲ្យពលរដ្ឋណាម្នាក់នៅឯកា ឬ ស្លាប់ដោយដាច់បាយទោះនៅទីជនបទដាច់ស្រយាលយ៉ាងណាក៏ដោយ៕
ដោយ ៖ វិមាន