ចក្រភព​អង់គ្លេស និងអៀឡង់ខាងជើង សម្រេច​ផ្ដល់​ការអនុគ្រោះពន្ធ (EBA) ដល់កម្ពុជាឡើងវិញ
Connect with us
Helistar Cambodia - Helicopter Charter Services

ព័ត៌មានជាតិ

ចក្រភព​អង់គ្លេស និងអៀឡង់ខាងជើង សម្រេច​ផ្ដល់​ការអនុគ្រោះពន្ធ (EBA) ដល់កម្ពុជាឡើងវិញ

Published

on

ចក្រភពអង់គ្លេស និងប្រទេសអៀឡង់ខាងជើង សម្រេចផ្ដល់ការអនុគ្រោះពន្ធ (EBA) ដល់កម្ពុជាវិញ បន្ទាប់​ពីសហភាពអឺរ៉ុប សម្រេចកាត់ផ្ដាច់២០ ភាគរយ កាលពីខែមុន ហើយការសម្រេចនេះ ដោយចក្រភព​អង់គ្លេស បានមើលឃើញពី​ផលប៉ះពាល់ នៃជំងឺកូវីដ-១៩ មកលើក្រុមមនុស្សងាយរងគ្រោះជាច្រើន នៃ​សង្គម​កម្ពុជា ដែលក្នុងនោះរួមមាន ទាំងកម្មករ​រោងចក្រផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្ដីប្រកាស​ព័ត៌មាន​ ស្តីពីការផ្តល់ប្រព័ន្ធអនុគ្រោះពន្ធលើគ្រប់មុខទំនិញទាំងអស់ របស់ចក្រភព​អង់គ្លេស និង​អៀឡង់ខាងជើង ដល់ព្រះរាជាណាចក្រកម្ពុជា ដែលផ្សព្វផ្សាយដោយក្រសួង​ការបរទេស​កម្ពុជា នាព្រឹកថ្ងៃទី១៨ ខែធ្នូ នេះ បានបញ្ជាក់ថា នៅក្នុងជំនួបពិភាក្សាការងារជាមួយលោក​ឧបនាយក​រដ្ឋមន្ត្រី ប្រាក់ សុខុន រដ្ឋមន្ត្រីការបរទេស និង​សហប្រតិបត្តិការអន្តរជាតិ កាលពីថ្ងៃទី១៦ ខែធ្នូ ឆ្នាំ២០២០ លោកស្រី Tina Redshaw ឯកអគ្គរាជទូត វិសាមញ្ញ និងពេញសមត្ថភាព នៃចក្រភពអង់គ្លេស និង​អៀឡង់​ខាងជើង បានថ្លែងថា ចាប់ពីថ្ងៃទី០១ ខែមករា ឆ្នាំ២០២១ តទៅ ចក្រ​ភពអង់គ្លេស នឹងអនុវត្តនូវ​គោល​នយោបាយពាណិជ្ជកម្មឯករាជ្យ។

ក្រសួងការបរទេសបញ្ជាក់ថា រដ្ឋមន្ត្រី​ទាំងអស់របស់អង់គ្លេស បានសសម្រេចថា នឹងមិនបន្តអនុវត្តការ​ព្យួរ​មួយផ្នែក នៃប្រព័ន្ធអនុគ្រោះពន្ធរបស់សហភាពអឺរ៉ុប ក្នុង​ក្របខ័ណ្ឌ​ប្រព័ន្ធ​អនុគ្រោះពន្ធលើគ្រប់មុខទំនិញ​ទាំងអស់លើកលែងតែសព្វាវុធ មកលើកម្ពុជាទៀតទេ ដោយហេតុថា ចក្រភពអង់គ្លេស បានមើលឃើញ​ពីផលប៉ះពាល់ នៃជំងឺកូវីដ-១៩ មកលើក្រុមមនុស្សងាយរងគ្រោះជាច្រើន នៃសង្គមកម្ពុជា ដែលក្នុងនោះ​រួមមានទាំងកម្មកររោងចក្រផងដែរ។ 

លោកស្រីឯកអគ្គរាជទូត បានបញ្ជាក់ដែរថា ចក្រភពអង់គ្លេស កំពុង​រិះរក​វិធី ដើម្បី​បង្កើត​កិច្ចសន្ទនា​ទៀង​ទាត់​ជាមួយអាជ្ញាធរមានសមត្ថកិច្ចកម្ពុជា លើបញ្ហាផ្សេងៗពាក់ព័ន្ធ នឹងវិស័យសិទ្ធិមនុស្ស និងសេរីភាព​ផ្សេង​ៗទៀត។ 

ចំណែកលោកឧបនាយករដ្ឋមន្រ្តី ប្រាក់ សុខុន បានសម្តែងការកោតសរសើរយ៉ាងខ្លាំង ចំពោះការសំរេច​ចិត្ត​របស់​ចក្រភពអង់គ្លេសនេះ ដោយបានចាត់ទុកការសំរេចចិត្តនេះថា ជាការ​ជំរុញ​ និងលើកទឹកចិត្ត​ដល់​រាជ​រដ្ឋាភិបាល​កម្ពុជា ហើយថា ការ​សម្រេចចិត្ត​នេះ គឺពិតជាដំណឹងល្អសំរាប់កម្មករកម្ពុជា នៅពេលដែល​ពួក​គេកំពុងទទួលរងផលប៉ះពាល់ពី​មហន្តរាយ​ នៃ​ជំងឺ​កូវីដ-១៩។  លោកឧបនាយក​រដ្ឋមន្ត្រី បានសង្កត់ធ្ងន់​ថា កម្ពុជាបេ្តជ្ញាយ៉ាងមុតមាំក្នុងការកសាងទំនាក់ទំនងដែលផ្តល់ផល​ប្រយោជន៍​ទៅវិញទៅមកជាមួយ​ចក្រភព​អង់គ្លេស ទាំងលើវិស័យ​ទ្វេភាគី​ និងពហុភាគី៕

អត្ថបទ ៖ កោះកែវ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ27 mins ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

ព័ត៌មានជាតិ1 hour ago

លោកជំទាវ ម៉ែន សំអន ថ្លែងអំណរគុណ លោក ប៉ិច បូឡែន និងលោក ហុង លីម ដែលបានផ្តល់អំណោយក្នុងការចូលរួមប្រយុទ្ធប្រឆាំងនឹងកូវីដ១៩

ព័ត៌មានជាតិ2 hours ago

អតីតយុទ្ធជន​ជាង​៣​ម៉ឺន​៥​ពាន់​នាក់​ ហើយ​ទទួល​បាន​ចាក់​វ៉ាក់សាំង​ការពារ​កូ​វីដ​១៩

ព័ត៌មានជាតិ3 hours ago

អ្នកជំងឺកូវីដ១៩នៅផ្សារអូរឫស្សីបានទៅដើរផ្សារនៅផ្សារម៉ាក្រូសែនសុខ

ព័ត៌មានអន្ដរជាតិ3 hours ago

Breaking News! លោកស្រី អ៊ុងសាន ស៊ូជី រងការចោទប្រកាន់បទឧក្រិដ្ឋថ្មីមួយទៀត សរុបឡើងដល់ ៦ ករណី

Sokha Hotels

ព័ត៌មានពេញនិយម

Helistar Cambodia - Helicopter Charter Services