Connect with us

ព័ត៌មានជាតិ

ប្រមុខការទូតកម្ពុជា សង្ឃឹម សហរដ្ឋអាមេរិក ផ្តល់សុពលភាពប្រព័ន្ធអនុគ្រោះពន្ធទូទៅ GSP ជាថ្មី

បានផុស

នៅ

លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជានេះ សង្ឃឹមថា​​ សហរដ្ឋអមេរិក នឹងផ្តល់សុពលភាពប្រព័ន្ឋអនុគ្រោះពន្ធទូទៅ​​ GSP ​ជាថ្មី​​ដល់​កម្ពុជា​ឡើង​វិញ។​

ការសម្តែងក្តីសសង្ឃឹម​របស់ប្រមុខកាទូតកម្ពុជា លោកឧបនាយករដ្ឋមន្ត្រី ប្រាក់ សុខុន បាន​ធ្វើឡើង​នៅក្នុង​ជំនួប​ពិភាក្សា​ការងារ​​​ជាមួយលោក អេនតូនី ប្លីងខេន (Anthony Blinken) ​រដ្ឋមន្ត្រីការបរទេស​សហរដ្ឋអាមេរិក នៅរដ្ឋធានីវ៉ាស៊ីនតោន ខណៈលោកអមដំណើរសម្តេចអគ្គមហាសេនាបតី​តេជោ ហ៊ុន សែន នាយក​រដ្ឋមន្រ្តី នៃព្រះរាជាណាកចក្រកម្ពុជាអញ្ជើញទៅចូលរួម​​កិច្ចប្រជុំកំពូលពិសេសអាស៊ាន-សហរដ្ឋអាមេរិក​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចពិភាក្សានោះ​ ភាគីទាំងពីរ​បានកត់សម្គាល់​ដោយសេចក្តីពេញចិត្តចំពោះកិច្ចសហប្រតិបត្តិការល្អរវាងកម្ពុជា ​និងសហរដ្ឋអាមេរិក លើវិស័យជាច្រើន ដូចជាការកើនឡើងនូវការផ្លាស់​ប្តូរខាងផ្នែកសេដ្ឋកិច្ច សុខាភិបាល​ អប់រំ​ ​ការបោសសំអាតមីន​ ការប្រឆាំងអំពើភេរវកម្ម​ ការរក្សាសន្តិភាព​ ការការពារបេតិកភណ្ឌវប្បធម៌​ ការរុករកអដ្ឋិធាតុទាហាន ដែលបានបាត់ខ្លួនក្នុងសង្រ្គាម​ និងឈ្លើយសឹកអាមេរិក​ និងការផ្លាស់ប្តូរប្រជាជន​ និងប្រជាជន ជាដើម។ ​

​លោកឧបនាយករដ្ឋមន្រ្តី ប្រាក់ សុខុន ​​បានបញ្ជាក់ថា ពាណិជ្ជកម្ម គឺជាឧទាហរណ៍ នៃកិច្ចសហ​ប្រតិ​បត្តិការវិជ្ជមានដ៏ល្អប្រសើរបំផុតរវាងប្រទេសទាំងពីរ​ ​ហើយបានសម្តែងនូវសេចក្តីសង្ឃឹមថា​ ប្រព័ន្ឋអនុគ្រោះពន្ធទូទៅ​ (GSP) ​សម្រាប់កម្ពុជា ​នឹងត្រូវបានបន្តសុពលភាពជាថ្មីឡើងវិញ ​ដើម្បី​គាំទ្របន្ថែមទៀត​​ដល់ការអភិវឌ្ឍសេដ្ឋកិច្ច ​និងកម្មករកម្ពុជា​ នៅក្នុងវិស័យកាត់ដេរ​សម្លៀកបំពាក់ ​និងស្បែកជើង ​ដែលភាគច្រើនជាស្ត្រី។

លោកឧបនាយករដ្ឋមន្រ្តីបានបញ្ជាក់ទៀតថា កម្ពុជា​​អរគុណ​ចំពោះសហរដ្ឋអាមេរិក ដែលបានបន្តគាំទ្រ​ដល់ការអភិវឌ្ឍន៍របស់កម្ពុជា ក្នុងវិស័យជាច្រើន ដែលថ្មីៗបំផុតនេះ ​គឺការប្រយុទ្ធប្រឆាំងនឹងជំងឺកូវីដ-១៩។

ជាការឆ្លើយតប លោក អេនតូនី ប្លីងខេន បានបង្ហាញពីការត្រៀម​​ខ្លួន​របស់​សហរដ្ឋអាមេរិក ​ក្នុង​ការគាំទ្រ​បន្ថែមទៀត​ដល់ការ​អភិវឌ្ឍរបស់កម្ពុជា និងធ្វើការ​​យ៉ាងសកម្មជាមួយកម្ពុជា ​ដើម្បី​បង្កើនកិច្ចសហប្រតិបត្តិការខាងផ្នែកនយោបាយ-សន្តិសុខ សេដ្ឋកិច្ច និងសង្គម-វប្បធម៌។ ​

សូមរំលឹកថា កម្មវិធីប្រព័ន្ធអនុគ្រោះពន្ធទូទៅ (GSP) របស់សហរដ្ឋអាមេរិកដែលផ្តល់មកកម្ពុជា ត្រូវបានហួសសុពលភាពកាលពីថ្ងៃទី៣១ ខែធ្នូ ឆ្នាំ២០២០ កន្លងទៅ ហើយបញ្ហានេះ​បានធ្វើឱ្យប៉ះពាល់​ទៅ​លើ​អ្នក​បញ្ជា​ទិញដែលតម្រូវឱ្យ​បង់​ពន្ធ​នាំ​ចូល​ទៅ​កាន់​សហរដ្ឋអាមេរិក។​

ទោះជាយ៉ាងណា កាលពីអំឡុងខែវិច្ឆិកា ឆ្នាំ​២០២១​កន្លងទៅ ក្រសួង​រតនាគារ​សហរដ្ឋអាមេរិក ​បាន​អះអាង​តាមរយៈ​សេចក្តី​ប្រកាស​ព័ត៌មានរបស់ខ្លួនថា ​នឹង​ពិចារណា​ឡើងវិញ​ក្នុងការ​ផ្តល់ជូន​នូវ​កម្មវិធី​ប្រព័ន្ធ​អនុគ្រោះពន្ធ (GSP) នេះ មក​ឱ្យ​កម្ពុជា​សារជាថ្មី​ ហើយការ​វាយតម្លៃ​លទ្ធភាព​នេះ នឹង​ពិនិត្យ​ដោយ​តំណាង​ពាណិជ្ជកម្ម​សហរដ្ឋអាមេរិក ដែល​មានការ​យល់ពី​សភាផ្ទាល់​។​

ក្រសួងរតនាគារសហរដ្ឋអាមេរិក​​បាន​អះអាងថា សហរដ្ឋអាមេរិកតាមរយៈតំណាងពាណិជ្ជកម្មរបស់ខ្លួន នឹងធ្វើការវាយតម្លៃនូវ​សិទ្ធទទួលបានសារជាថ្មី នូវប្រព័ន្ធអនុគ្រោះពន្ធទូទៅមកឱ្យកម្ពុជា។ ​បើតាមក្រសួងរតនាគារសហរដ្ឋអាមេរិក ការវាយតម្លៃពីសិទ្ធទទួលបានប្រព័ន្ធអនុគ្រោះទូទៅ (GSP) បានធ្វើឡើងបន្ទាប់ពីសភាអាមេរិក អនុញ្ញាតឱ្យមានការអនុវត្តនូវកម្មវិធីមួយឈ្មោះថា ផលប្រយោជន៍ និងលក្ខណៈវិនិឆ្ឆ័យសិទ្ធទទួលបាននូវកម្មវិធីប្រព័ន្ធអនុគ្រោះពន្ធទូទៅ​៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១០ ម៉ោង មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ១២ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១៣ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ១៤ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ១៤ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានជាតិ១២ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៣ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម