ព័ត៌មានជាតិ

ពស់ថ្លាន់ទម្ងន់១៥គីឡូក្រាម ត្រូវពលរដ្ឋចាប់បាន និងប្រគល់អោយមេព្រៃដើម្បីព្រលែងអោយមានសេរីភាព

បានផុស

៥ years មុន

នៅ

ថ្ងៃអង្គារ ២២ ធ្នូ ២០២០

ដោយ

ពស់ថ្លាន់ដ៏ធំមួយក្បាល ត្រូវបានប្រជាពលរដ្ឋប្រគល់ទៅអោយអង្គភាពជំនាញ ដើម្បីយកទៅព្រលែងនៅក្នុងតំបន់អភិរក្ស ក្នុងគោលបំណងអោយសត្វពស់១ក្បាលនេះមានសេរីភាព បន្ទាប់ពីបានប្រទះឃើញនៅក្នុងព្រៃ ដីលំនៅឋានខណៈដែលពួកគាត់ធ្វើការឈូសឆាយព្រៃរបោះនៅក្នុងភូមិ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឈុត ប៊ុនធឿយ អាយុ៥៥ឆ្នាំ រស់នៅភូមិឡឥដ្ឋ សង្កាត់ព្រែកព្រះស្តេច ក្រុងបាត់ដំបង បាននិយាយថា កាលពីវេលាម៉ោង១រសៀល ថ្ងៃទី២២ ខែធ្នូ ឆ្នាំ២០២០នេះ លោកបានឈូសឆាយព្រៃរបោះ ដែលដុះទ្រុបនៅលើដីលំនៅដ្ឋានរបស់លោក ដោយសារតែលោកបានទុកចោលយូរពេក ។

លោកបានបន្តថា ខណៈដែលឈូសព្រៃរាងស្រឡះបន្តិច ក៏ស្រាប់តែឃើញពស់ថ្លាន់១ក្បាលយ៉ាងធំ បើតាមការប៉ាន់ស្មានប្រហែល១៥គីឡូក្រាម គឺត្រូវបានដើមដូងមួយកំណាត់សង្កត់កន្ទុយជាប់ទើបលោកចាប់យកមកដើម្បីទុកប្រគល់ទៅអោយកម្លាំងជំនាញ ក្នុងការយកទៅព្រលែងក្នុងតំបន់អភិរក្ស ដែលជាតំបន់មានសុវត្ថិភាពដល់សត្វពស់ថ្លាន់ដ៏ធំមួយក្បាលនេះ ដោយលោកបានសន្និដ្ឋានថាសត្វនេះភាគច្រើន គឺមានញី មានឈ្មោល ប៉ុន្តែពេលនេះគឺឃើញតែ១ក្បាលប៉ុណ្ណោះ ។

ដោយឡែកលោក ទឹម សេរី នាយរងផ្នែក រដ្ឋបាលព្រៃឈើ បាត់ដំបង បានមានប្រសាសន៍ថា កន្លងមកពស់ថ្លាន់ដែលប្រជាពលរដ្ឋចាប់បាន ហើយបានប្រគល់មកអោយជំនាញ គឺកម្លាំងរបស់លោកតែងតែយកទៅព្រលែង២កន្លែង គឺនៅប្រាង្គ ក្បែប្រាសាទបាណន់ និងនៅភ្នំ១៥០ ក្បែរអាងទឹកកំពីងពួយ ដែលជាតំបន់អភិរក្ស និងមានសុវត្ថិភាពដល់ពួកវា ប៉ុន្តែសម្រាប់ពស់ថ្លាន់ដ៏ធំមួយក្បាលនេះ លោកនឹងនាំយកទៅលែងនៅក្នុងប្រាង្គប្រាសាទបាណន់ ដើម្បីបានជួបជុំគ្នាវា ៕

អត្ថបទ ៖ សោ និយមរ័ត្ន

Related Topics:

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា