ព័ត៌មានជាតិ
អាជីវករលក់ដូរតាមអនឡាញជាង ១០០ នាក់ស្នើសុំចុះបញ្ជី នៅមន្ទីរពាណិជ្ជកម្មខេត្តកោះកុង
ត្រឹមតែ ២ ថ្ងៃប៉ុណ្ណោះ មន្រ្តីនៃមន្ទីរពាណិជ្ជកម្មខេត្តកោះកុង បានទទួលពាក្យសំណើសុំចុះបញ្ជីតាមប្រព័ន្ធអេឡិចត្រូនិចបជាង ១០០ នាក់ ដោយសន្ទុះការយល់ដឹងអំពីច្បាប់ថ្មីដែលតម្រូវនេះពលរដ្ឋជាអាជីវករហាក់ចូលរួមអនុវត្តច្រើន។
លោក សាលីម ហ្វារីត ប្រធានមន្ទីរពាណិជ្ជកម្មខេត្តកោះកុង ឱ្យដឹងនៅព្រឹកថ្ងៃទី២ ខែកក្កដា ឆ្នាំ២០២២ថា ក្រុមការងារមន្ទីររបស់លោកបម្រើការងារចុះបញ្ជីពាណិជ្ជកម្មលក់ដូរតាមអនឡាញនេះចាប់ពីថ្ងៃទី៣០ មិថុនា ដល់ថ្ងៃទី១កក្កដាម្សិលមិញ តបតាមការណែនាំរបស់ក្រសួងដើម្បីសម្របសម្រួលផ្តល់សេវាជូនប្រជាពលរដ្ឋអាជីវករនិយមធ្វើអាជីវកម្មតាមអេឡិចត្រូនិច។
លោក ហ្វារីត បន្ថែមថា សន្ទុះនៃការចូលរួមរបស់អាជីវករ និងពាណិជ្ជករនៅក្នុងខេត្តកោះកុង ហាក់មានច្រើនតាមការបណ្តាញសារព័ត៌មាន និងផេកក្រសួងពាណិជ្ជកម្ម ទោះបីជាពួកគេពុំមានកាតព្វកិច្ចចុះបញ្ជីក៏ដោយ ក៏ត្រូវប្រមូលទិន្នន័យជាក់លាក់ដាក់ជូនក្រសួងពាណិជ្ជកម្ម។ គ្រាច្បាប់ថ្មីទើបតែប្រកាសឱ្យអនុវត្តធរមាន។
បើតាមលោក ហ្វារីត មន្ទីរពុំមានតួនាទីផ្តល់សេវានេះទេ ប៉ុន្តែយោងតាមការែណនាំរបស់ក្រសួងជំរុញឱ្យមន្ទីរទទួលសម្របសម្រួលលើកិច្ចការនេះ ខណៈនៅរាជធានីភ្នំពេញមានក្រុមអាជីវករ និងពាណិជ្ជករជាច្រើននាក់សម្រុកទៅចុះបញ្ជីច្រើនលើសលុប។
យោងតាមច្បាប់ក្រសួងពាណិជ្ជកម្មនឹងចាប់ផ្ដើមផាកពិន័យ ចំពោះអ្នករកស៊ីធ្វើពាណិជ្ជកម្ម តាមប្រព័ន្ធអេឡិចត្រូនិក (អនឡាញ) ដែលមិនបានចុះបញ្ជីពាណិជ្ជកម្ម ចាប់ពីថ្ងៃទី០១ ខែកក្កដា ឆ្នាំ២០២២តទៅ។ ដោយមើលឃើញពីតម្រូវការ និងការចូលរួមរបស់អាជីវករ ពាណិជ្ជករ គឺក្រសួងក៏សម្រេចពន្យារដល់ក្រុមអាជីវករដល់ថ្ងៃទី៣ ខែកក្កដា មុននឹងឈប់ទទួលពាក្យ។
លោក បញ្ញា និងកញ្ញា សុដា តំណាងអាជីវករនិយមលក់ដូរតាមអនឡាញយល់ថា មូលហេតុការដែលពួកគេស្មោះចិត្តមកចុះបញ្ជីអាជីវករតាមប្រព័ន្ធអេឡិចត្រូនិចនៅមន្ទីរពាណិជ្ជកម្មបែបនេះ ព្រោះដឹងថាច្បាប់កំណត់ឱ្យអនុវត្តដើម្បីធានាបានភាពត្រឹមត្រូវតាមច្បាប់ ធ្វើអាជីកម្មប្រកបដោយសុវត្ថិភាពមិនរងការពិន័យជាទោសទណ្ឌណា។
តំណាងអាជីករបន្ថែមថា ពួកគេដឹងព័ត៌មានតាមរយៈសារព័ត៌មានផ្សព្វផ្សាយ ផេកក្រសួងពាណិជ្ជកម្មជូនដំណឹង និងតាមមិត្តភក្តិប្រាប់តៗគ្នា ទើបប្រញាប់មកបំពេញបែបបទសុំចុះបញ្ជីតាមប្រព័ន្ធអេឡិចត្រូនិចតែម្តង។ លក្ខខណ្ឌតម្រូវមានការថតចម្លងអត្តសញ្ញាណបណ្ណ ផេកហ្វេសប៊ុកលក់ដូរផលិតផល ឬបណ្ណធ្វើអាជីវកម្មផ្សេងៗ។
គួរកត់សម្គាល់ថា អាជីករណាដែលធ្វើប្រតិបត្តិការពាណិជ្ជកម្មតាមប្រព័ន្ធអេឡិចត្រូនិចដោយពុំមានការអនុញ្ញាតពីក្រសួងពាណិជ្ជកម្ម អាជីកម្មនោះនឹងត្រូវទទួលការផាកពិន័យជាទឹកប្រាក់ និងអាចមានការផ្តន្ទាទោសដូចមានចែងក្នុងច្បាប់ពាណិជ្ជកម្មតាមប្រព័ន្ធអេឡិចត្រូនិច៕
អត្តបទ៖ សិរីវឌ្ឍន់)
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore