ព័ត៌មានជាតិ
ថៃចាប់ពលករខ្មែរ ចំនួន ៥២ នាក់ ដែលបានលបបោះជំរំនៅក្នុងព្រៃ
ពលករខ្មែរប្រុស ស្រី រួមទាំងក្មេងតូចៗ សរុបចំនួន ៥២ នាក់ ត្រូវបានកម្លាំងយោធា ការពារព្រំដែនថៃលេខ ១២១ សហការជាមួយតម្រួតនៅក្នុងតំបន់ ព្រមទាំងកម្លាំងអន្តោប្រវេសន៍ខេត្ត ស្រះកែវ ឃាត់ខ្លួនដើម្បីសាកសួរ បន្ទាប់ពីទទួលបានសេចក្តីរាយការណ៍ថា ពលករខ្មែរទាំងអស់នេះ បានលបឆ្លងដែនតាមច្រករបៀងចូលទៅក្នុងទឹកដីថៃ ដោយគ្មានច្បាប់អនុញ្ញាត ហើយបាននាំគ្នាបោះជំរំនៅក្នុងព្រៃក្បែរខ្សែបន្ទាត់ព្រំដែន ។
ការឃាត់ខ្លួនពលករខ្មែរទាំងនេះ បានធ្វើឡើងកាលពីយប់ថ្ងៃទី ២៣ ខែ ធ្នូ ឆ្នាំ ២០២០ ដោយមានការបញ្ជាផ្ទាល់ពីថ្នាក់ដឹកនាំតម្រួតខេត្ត គឺលោក អម្រឹត បុណ្យសុយ៉ា ក្នុងគោលបំណងអនុវត្តតាមបទបញ្ជារបស់រដ្ឋាភិបាល ក្នុងការការពារ និងទប់ស្កាត់ការរីករាលដាល នៃមេរោគ កូវីដ-១៩ ដែលកំពុងយាយីខ្លាំងនៅក្នុងប្រទេសថៃ ដោយកម្លាំងសហការទាំងនេះ បានចេញប្រតិបត្តិការទៅកាន់ចំណុចភូមិ១៤ ឃុំណងមួយ ស្រុកគោកខ្យូង ខេត្តស្រះកែវ ដើម្បីពិនិត្យមើល ។
ជាក់ស្ដែងនៅពេលកម្លាំងចម្រុះចុះទៅដល់ព្រៃ ដែលជាតំបន់ឧទ្យានជាតិ ប៉ាស្ងួន ក៏បានប្រទះឃើញពលករខ្មែរជាច្រើននាក់ បានបោះជំរំ និងបានសាងសង់ផ្ទះតូចៗ ស្ទើរក្លាយជាកូនភូមិមួយទៅហើយ គឺសរុបមានចំនួន ៥២ នាក់ ក្នុងនោះស្រី ២៤ ប្រុស ២១ និងក្មេងតូចៗ ចំនួន ៧ នាក់ ហើយភ្លាមៗនោះដែរ ក្រុមមន្ត្រីសុខាភិបាលស្រុក បានចុះពិនិត្យ និងវាស់កម្ដៅ តែគ្មាននរណាម្នាក់ មានកម្ដៅខ្ពស់គួរឱ្យព្រួយបារម្ភឡើយ ។
បន្ទាប់ពីបានសាកសួរ ពួកគេបានសារភាពថា គឺមកពីខេត្តសៀមរាបទាំងអស់គ្នា ដោយបានលបឆ្លងដែនចូលតាមច្រករបៀង ព្រមទាំងបានតែងតាំងមនុស្សម្នាក់ដែលជាពលករខ្មែរដូចគ្នាឱ្យធ្វើជាអ្នកគ្រប់គ្រង និងជាអ្នកចាត់ចែងបញ្ជូនពួកគេចូលទៅធ្វើការការងារកសិកម្ម នៅក្នុងស្រុកគោកខ្យូង និងស្រុកក្បែខាង ដោយបានកម្រៃក្នុង ១ ថ្ងៃ ចាប់ពី ២០០ ទៅ ៣០០ បាត ក្នុងមនុស្សម្នាក់ ដោយមិនចាំបាច់ត្រូវធ្វើដំណើរទៅកាន់ទីក្រុងបាងកកឡើយ ។
បច្ចុប្បន្នពលករខ្មែរទាំងនេះ ត្រូវបានអាជ្ញាធរនៅក្នុងតំបន់ ប្រគល់ទៅឱ្យកម្លាំងការិយាល័យ អន្តោប្រវេសន៍ ខេត្តស្រះកែវ ដើម្បីអនុវត្តតាមនីតិវិធី ៕
អត្ថបទ ៖ សោ និយមរ័ត្ន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ