ព័ត៌មានជាតិ

សិល្បករ សិល្បការនីនិងប្រជាពលរដ្ឋជាង២០០នាក់ទទួលបានអំណោយពីលោកឧកញ៉ា អ៊ូ ឆាយ

បានផុស

៣ years មុន

នៅ

ថ្ងៃសុក្រ ២៥ ធ្នូ ២០២០

ដោយ

សិល្បករ សិល្បការិនីនិងប្រជាពលរដ្ឋដែលមានជីវភាពខ្វះខាតប្រមាណជាង២០០នាក់ទទួលបានអំណោយឧបត្ថម្ភពីលោកឧកញ៉ា អ៊ូ ឆាយ និងភរិយា។ការចែកអំណោយនេះ បានធ្វើឡើងនៅភូមិគ្រឹះស្ថិតក្នុងសង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងពិធីចែកអំណោយនាថ្ងៃទី២៤ ខែធ្នូ ឆ្នាំ២០២០នេះលោក ឧកញ៉ា អ៊ូ ឆាយបានមានប្រសាសន៍ថាការចែកអំណោយនេះ គឺមិនមានគោលបំណងចង់បានអ្វីឡើយ គឺដោយសារតែមើលឃើញពីភាពខ្វះខាតរបស់ប្រជាពលរដ្ឋនិងសិល្បករដែលជួបការលំបាក ហើយកំពុងមានជំងឺ។ ការចែកនេះទោះបីវាមិនច្រើន តែអាចជាអំណោយជួយដោះទាល់ចំពោះបងប្អូនបានមួយរយៈដែរ ។

លោកឧកញ៉ាបានបន្តរទៀតថា រយៈពេលក្នុងខែនេះ នាឱកាសឆ្នាំចាស់ជិតឆ្លងឆ្នាំសកលនេះ គឺជារដូវការមួយដ៏ត្រជាក់ធ្វើអោយរងារសូមអោយបងប្អូនចេះថែរក្សាការពារខ្លួនដោយពាក់អាវអោយជិតៗ ថែរក្សារសុខភាពទាំងអស់គ្នាដើម្បីកុំឲ្យកើតមានជំងឺផ្សេងៗ ជាដើម។

អំណោយដែលត្រូវបានលោកឧកញ៉ា អ៊ូ ឆាយ ចែកជូនប្រជាពលរដ្ឋនោះគឺក្នុងមួយគ្រួសារៗរួមមាន: អង្ករ៥០គីឡូក្រាម, មី២កេះ, ទឹកត្រី២យួរ,ទឹកស៊ីអ៊ីវ២យួ,ត្រីខ២២កំប៉ុង ,ប៊ីចេង២កញ្ចប់, ស្កសរ២កញ្ចប់,ទឹកដោះគោខាប់៤កំប៉ុង ,នំបុ័ងផ្អែម១ដុំធំ,ថ្នាំពេទ្យ១នាក់២ដុំនិងថវិការម្នាក់១០ម៉ឺនរៀល៕

អត្ថបទ ៖ ចាន់រ៉ា