ក្រសួងកំពុង​​ជួសជុល​អាងស្តុកទឹក​ត្រពាំងថ្ម​បំពេញតម្រូវការស្រោចស្រព​ផ្ទៃដីដំណាំកសិកម្ម​ ៣ ម៉ឺនហិកតា

លោក យឹម ប៊ុនរ៉ុម ប្រធានមន្ទីរធនធានទឹក និងឧតុនិយមខេត្តបន្ទាយមានជ័យ បានឱ្យដឹងថា បច្ចុប្បន្នក្រសួងធនធានទឹកកំពុងជួសជុល​អាងត្រពាំងថ្ម​ប្រវែង ២១ គីឡូម៉ែត្រដែលជាអាងទឹកដ៍ធំ​អាចស្តុកទឹកបាន ២០០ លានម៉ែត្រគូប។

លោកថា ធ្វើយ៉ាងម៉េច​ដើម្បីការស្រោចស្រពគ្រប់គ្រាន់​នៅលើផ្ទៃដី ៣ ម៉ឺនហិកតា។ អញ្ចឹង!​ យើងត្រូវបង្កើន​នូវកម្ពស់​អាងទឹកនេះ ​ដោយបានចាក់ដីដើម្បីឱ្យគ្រប់​ដែលអាចស្តុកទឹកបាន។

លោក យឹម ប៊ុនរ៉ុម «ឥឡូវនេះ​កំពុងដំណើរការ​រដ្ឋមន្ត្រីក្រសួងធនធានទឹក​កែប្រែទៅជា​ខ្នងអាងត្រពាំងថ្មនេះ​ឱ្យបាន ២១ គីឡូម៉ែត្រ ខណៈទំហំការងារ​នៅពេលនេះសម្រេចបាន ៥០ ភាគរយ។ ដូច្នេះ​! ទឹក​ដែលអាច​ស្រោចស្រព​ផ្ទៃដីនៅស្រុកភ្នំស្រុក និងស្រុកព្រះនេត្រព្រះ ​គឺពឹងផ្អែកទៅលើអាងត្រពាំងថ្មទាំងមូល»។

សព្វថ្ងៃអាងស្តុកទឹកត្រពាំងថ្មគឺបានស្រោចស្រពគ្រប់គ្រាន់នៅលើផ្ទៃដីទាំងអស់ ១ ២០០០ ហិកតា ខណៈការធ្វើស្រែរបស់​ប្រជា​ពលរដ្ឋមានតម្រូវការច្រើន ដោយពួកគាត់ធ្វើស្រែចាប់ពី ២ ទៅ ៣ ដងក្នុង១ឆ្នាំ៕

អត្ថបទ៖ ឡេង ដេត