Connect with us

ព័ត៌មានជាតិ

ក្រសួង​សង្គមកិច្ច​ ជំរុញ​មន្ត្រី​ជំនាញ​ អនុវត្ត​ផែនការ​សកម្មភាព​ ទប់ស្កាត់ និង​ឆ្លើយតប​អំពើ​ហិង្សា​លើ​កុមារ​

បានផុស

នៅ

​តំណាង​ លោក ​វង សូត រដ្ឋមន្ត្រី​ក្រសួង​សង្គមកិច្ច អតីត​យុទ្ធជន និង​យុវ​នីតិសម្បទា ​បាន​ជំរុញ​ឲ្យ​មន្ត្រី​ជំនាញ​ អនុវត្ត​ផែនការ​សកម្មភាព​ ដើម្បី​ទប់ស្កាត់ និង​ឆ្លើយតប​អំពើ​ហិង្សា​លើ​កុមារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែម​ពី​នោះ ​មន្ត្រី​គ្រប់​ថ្នាក់​របស់​ក្រសួង​សង្គមកិច្ច​ បន្ត​ប្រឹងប្រែង​លើ​ការងារ​ជំនាញ​ ដើម្បី​ផ្ត​ល់​អត្ថ​ប្រយោជន៍​ដល់​ជន​ងាយ​រងគ្រោះ​ ពិសេស​កុមារ​តែម្ដង​។

នេះ​ជា​ការ​លើកឡើង​របស់ លោក​ស្រី​ ខៀវ បូរី រដ្ឋលេខាធិការ និង​ជា​អនុប្រធាន​អចិន្ត្រៃយ៍​គណៈ​កម្ម​ការ​ដឹក​នាំ​ការអនុវត្ត​ផែនការ​សកម្មភាព ​ដើម្បី​ទប់ស្កាត់ និង​ឆ្លើយតប​ អំពើ​ហិង្សា​លើ​កុមារ។ ក្នុង​កិច្ច​ប្រជុំ​គណៈកម្មការ ​ដឹកនាំ​ការអនុវត្ត​ផែនការ​សកម្មភាព ដើម្បី​ទប់ស្កាត់ និង​ឆ្លើយតប​អំពើ​ហិង្សា​លើ​កុមារ នា​ថ្ងៃ​ទី​២៧ ខែ​តុលា ឆ្នាំ​២០២០ នៅ​ទីស្ដីការក្រសួង​។​

​តំណាង​ លោក វង សូត បាន​ថ្លែង​នូវ​ការ​ពាំនាំ ​ផ្ដាំផ្ញើ ​សាកសួរ​សុខទុក្ខ​ពី​សំណាក់ សម្ដេច​អគ្គ​មហា​សេនា​បតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធាន​កាកបាទក្រហម​កម្ពុជា ដែល​ជា​និច្ចកាល សម្ដេច​ទាំងទ្វេ​ តែងតែ​មាន​មនោសញ្ចេតនា​ ស្រលាញ់ ​រាប់អាន និង​បាន​យកចិត្ត​ទុក​ដាក់​ខ្ពស់​ដល់​សុខទុក្ខ​របស់​មន្ត្រីរាជកា​រ​នៅ​ទូទាំង​ប្រទេស​ជាធំ​។

លោកស្រី​ថ្លែង​បន្ត​ថា រាជរដ្ឋាភិបាល ក៏ដូចជា​ក្រសួង ជាពិសេស សម្ដេច​តេ​ជោ នាយករដ្ឋមន្ត្រី បាន​គិតគូរ​ខ្ពស់​បំផុត ចំពោះ​សុខភាព និង​ជីវភាព​របស់​ពលរដ្ឋ​ទូទៅ។ ពិសេស​ប្រឆាំង​ដាច់ខាត​ចំពោះ​អំពើ​ហិង្សា​ និង​ការ​ជួញដូរ​លើ​កុមារ​តែម្ដង​។​

​ជា​ការ​ពិត​ណាស់ ​ក្រោម​ការដឹកនាំ​ប្រកបដោយ​គតិ​បណ្ឌិត​របស់​ សម្ដេច​អគ្គ​មហា​សេនា​បតី​តេ​ជោ ហ៊ុន សែន នាយករដ្ឋមន្ត្រី​ បាន​ដឹកនាំ​ប្រទេស​មាន​សុខ​សន្តិភាព និង​បាន​ដាក់​ចេញ​នូវ​វិធានការ​ជា​ច្រើន ក្នុងន័យ​ពង្រឹង និង​ធ្វើ​ឲ្យ​ប្រសើរ​ឡើង​នូវ ភូមិ ឃុំ មាន​សុវត្ថិភាព ក៏ដូចជា គោលនយោបាយ​គាំពារ​សង្គម​ផ្សេងៗ ដើម្បី​ធ្វើ​ឲ្យ​ជីវភាព​រស់នៅ​របស់​ប្រជាពលរដ្ឋ​ក្រីក្រ​ និង​ជន​ងាយ​រងគ្រោះ​ឲ្យ​កាន់​តែ​ប្រសើរឡើង។ ជាពិសេស ការ​ដាក់​ឲ្យ​អនុវត្ត​នូវ​ការផ្តល់​សាច់ប្រាក់​ជូន​ដល់​ប្រជាពលរដ្ឋ ក្រ​១ ក្រ​២ ជន​ពិការភាព​ និង​កុមារ​។​

​ជាក់ស្ដែង​អំឡុង​ពេល​ដែល​មេរោគ​កូ​វីដ-​១៩ បាន​និង​កំពុង​រាតត្បាត​នៅ​លើ​ពិភពលោក ​ដោយមាន​អ្នក​ឆ្លង​ជាង​៤០​លាន​នាក់ ​និង​ស្លាប់​ជាង​១​លាន​ និង​១​សែន​នាក់​។ ដូច្នេះ​ មន្ត្រី​ពាក់ព័ន្ធ​គ្រប់​លំដាប់​ថ្នាក់​ ត្រូវតែ​បន្ត​ចុះ​តាមដាន​ដល់​មូលដ្ឋាន​ផ្ទាល់​ជួយសង្គ្រោះ​បន្ទាន់​ចំពោះ​ពលរដ្ឋ​ដែល​ទីទាល់ក្រ​ ជន​ពិការ​ភាព កុមារ ជន​ងាយ​រងគ្រោះ​ ដើម្បី​ផ្ដល់ជំនួយ​របស់​រាជរដ្ឋាភិបាល​ ក៏​ដូច​ជំនួយ​សប្បុរសធម៌​ជូន​ដល់​ពួកគាត់​ភ្លាមៗ​តែម្ដង។ ​ពីព្រោះ ​រាជរដ្ឋាភិបាល ​មិន​ទុក​ឲ្យ​ពលរដ្ឋ​ណា​ម្នាក់​ស្លាប់​ដោយ​អត់​បាយ​ឡើយ​៕

អត្ថបទ ៖ វិមាន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

ក្រុមប្រឹក្សាសន្តិសុខអង្គការសហប្រជាជាតិទាមទារឱ្យមានបទឈប់បាញ់ជាបន្ទាន់រវាង អ៊ីស្រាអែល និងក្រុមសកម្មប្រយុទ្ធប៉ាឡេស្ទីន

សន្តិសុខសង្គម៤ ម៉ោង មុន

អគ្គ​លេខាធិការដ្ឋាន​នៃ គ.ល.ក. ជូន​ដំណឹង​ដល់​សាធារណជន​កុំ​​ឱ្យ​ចូល​រួម​សកម្មភាព​កាស៊ីណូអនឡាញ​​

ព័ត៌មានជាតិ៤ ម៉ោង មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៦ ម៉ោង មុន

សមត្ថកិច្ចបញ្ជាក់ករណី​​សំណុំ​រឿង​ក្រុមហ៊ុន CIC ខុស​ពីករណី​សំណុំ​រឿង​ក្រុមហ៊ុន ឡេង ចាន់ណា

ព័ត៌មានជាតិ៦ ម៉ោង មុន

ក្រសួង​ការងារ​នាំ​យក​ឱកាស​ការងារ​ជាង ៨០០០ កន្លែង​ដល់ក​ម្មករ​រោងចក្រ អ​.​ជី ហ៊្វូត​វែ​រ

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៦ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម