ស្ថាប័នរដ្ឋ​ក្នុង​ខេត្តបាត់ដំបង​ជាច្រើន​ បាន​បំពាក់​ម៉ា​ស៊ីន​បន្សុទ្ធ​ទឹក​ទំនើប​ចុង​ក្រោយពី​ក្រសួងបរិស្ថាន​ដើម្បី​កាត់បន្ថយ​ការប្រើប្រាស់​ដប​ជាតិ​ប្លា​ស្ទីក
Connect with us
Helistar Cambodia - Helicopter Charter Services

ព័ត៌មានជាតិ

ស្ថាប័នរដ្ឋ​ក្នុង​ខេត្តបាត់ដំបង​ជាច្រើន​ បាន​បំពាក់​ម៉ា​ស៊ីន​បន្សុទ្ធ​ទឹក​ទំនើប​ចុង​ក្រោយពី​ក្រសួងបរិស្ថាន​ដើម្បី​កាត់បន្ថយ​ការប្រើប្រាស់​ដប​ជាតិ​ប្លា​ស្ទីក

Published

on

បាត់ដំបង​ ៖ ស្ថាប័នរដ្ឋ​ជាច្រើន​កន្លែង​ក្នុង​ខេត្តបាត់ដំបង​ ត្រូវ​បាន​ក្រសួងបរិស្ថាន​នាំ​យក​ម៉ាស៊ីន​ចម្រោះ​និង​បន្សុទ្ធ​ទឹក​ស្អាត​ក្តៅ​ត្រជាក់​ទំនើប​ផលិត​តាម​បច្ចេកវិទ្យា​ចុងក្រោយ​ជាច្រើន​គ្រឿង​ទៅ​បំពាក់​ឲ្យ​ប្រើ​ប្រស់​ដើម្បី​កាត់បន្ថយ​ការប្រើប្រាស់​ទឹក​ដប​ ដែល​មាន​ជាតិ​ប្លា​ស្ទីក​នាំ​ឲ្យ​ប៉ះពាល់​ដល់​បរិស្ថាន​។

លោក​កត បូរ៉ាន​ ប្រធាន​មន្ទីរ​បរិស្ថាន​ខេត្តបាត់ដំបង​បាន​ប្រាប់​ឲ្យ​ដឹង​នៅ​ថ្ងៃទី​៣០ ​ខែធ្នូ ឆ្នាំ​២០២០​នេះ​ថា ការ​បំពាក់​ម៉ា​ស៊ី​ន​បន្សុទ្ធ​ទឹក​ក្តៅ​ត្រជាក់​ជូន​ដល់​ស្ថាប័នរដ្ឋ​នេះ​ វា​ស្របតាម​គោលការណ៍​របស់​ក្រសួង​បរិ​សា្ថ​ន​ ដើម្បី​កាត់បន្ថយ​ជាតិ​ប្លា​ស្ទីក​ ដែល​ធ្វើ​ឲ្យ​ប៉ះពាល់​ដល់​បរិស្ថាន​សង្គម​តាមរយៈ​រាជរដ្ឋាភិបាល​ បានសម្រេច​ផ្តល់​នូវ​ម៉ាស៊ីន​ចម្រោះ​បន្សុទ្ធ​ទឹក​ស្អាត​ចំនួន​៤​ឈុត និង​បន្ត​ផ្តល់​បន្ថែម​ទៀត​ក្នុង​ជា​បន្តបន្ទាប់ ​សម្រាប់​ស្ថាប័ន​របស់​រដ្ឋ​នៅក្នុង​គោលដៅ​ខេត្តបាត់ដំបង​សំដៅ​ចូលរួម​លើកកម្ពស់​សុខមាលភាព​សាធារណៈ​មន្ត្រីរាជការ​ដោយ​កាត់បន្ថយ​ការប្រើប្រាស់​នូវ​ដប​ទឹក​ជាតិ​ប្លា​ស្ទីក​នាំ​ឲ្យ​មានការ​ប៉ះពាល់​ដល់​វិស័យ​បរិស្ថាន​ផ្សេងៗ ​ក្នុង​ពេល​បច្ចុប្បន្ន​នឹង​ទៅ​ថ្ងៃ​អនាគត​។​

លោក​សុង ស៊ឺង​ ប្រធាន​ការិយាល័យ​សាធារណការ​ដឹកជញ្ជូន​ទទួលបន្ទុក​ការងារ​អនាម័យ​បរិស្ថាន​សាលាក្រុង​បាត់ដំបង​បាន​ឲ្យ​ដឹង​ដែរ​ថា ​ការផ្តល់​នូវ​ម៉ាស៊ីន​និង​ឧបករណ៍​ចម្រោះ​ទឹក​ស្អាត​នៅ​តាម​ស្ថាប័ន​ថ្នាក់ក្រោម​ជាតិ​នេះ ​ជា​បរិបទ​ថ្មី​មួយ​ក្នុងការ​ចូលរួម​ក្នុង​ការ​លើកកម្ពស់​ការ​ថែរក្សា​បរិស្ថាន​នៅក្នុង​មូលដ្ឋាន​ដែល​វា​ជា​ផ្នែក​មួយ​ក្នុង​ការ​កាត់បន្ថយ​ការប្រើប្រាស់​សម្ភារៈ​ដែល​ពោរពេញ​ទៅដោយ​សារធាតុ​ប្លា​ស្ទិ​កនៅ​ក្នុង​ប្រទេស​កម្ពុជា​។

ស្រប​ជាមួយនឹង​ការ​គិតគូរ​ខ្ពស់​ចំពោះ​សុខមាលភាព​និង​បរិស្ថាន​ពី​សំណាក់​រាជរដ្ឋាភិបាល​ក្នុង​ការ​លើ​កម្ពស់​សុខភាព​របស់​បុគ្គលិក​រដ្ឋ​ក៏ដូចជា​ប្រជាពលរដ្ឋ​ទូទាំង​ខេត្ត​ផង​។

ចំណែក​ម៉ាស៊ីន​និង​ឧបករណ៍​ចម្រោះ​ទឹក​ ដែល​ផលិត​តាម​បច្ចេកវិទ្យា​ចុងក្រោយ​នេះ​មាន​គុណភាព​ខ្ពស់​ក្នុង​ការ​កម្ចាត់​មេរោគ​បន្សុទ្ធ​ឲ្យ​ទៅជា​ទឹកបរិសុទ្ធ​ស្អាត​ប្រកបដោយ​គុណភាព​និង​អនាម័យ​កម្រិត​ខ្ពស់​អាច​ប្រើប្រាស់​ជា​ប្រយោជន៍​៣​យ៉ាង​ គឺ​ទឹក​ក្តៅ​បាន​ឆ្អិន​ល្អ​ទឹក​ត្រជាក់​និង​ទឹក​ធម្មតា​សម្រាប់​ផឹក​ស្របតាម​ស្តង់ដារ​អនាម័យ​សុខាភិបាល​។​ កន្លងមក​ម៉ា​ស៊ីន​នេះ​ ក៏បាន​បំពាក់​ដល់​ស្ថាប័ន​អង្គភាព​រដ្ឋ​ក្នុង​ខេត្តបាត់ដំបង​ចំនួន​៤​គ្រឿង​រួច​មក​ហើយ​ដែរ​។ ហើយ​ជំហាន​បន្ទាប់​នេះ​ ត្រូវ​បំពាក់​បន្ត​ដល់​មន្ទីរ​បរិស្ថាន​ខេត្ត​,​ទីបញ្ជាការ​កងរាជអាវុធហត្ថ​ខេត្ត​,​សាលាក្រុង​បាត់ដំបង​និង​អង្គភាព​បរិស្ថាន​អភិរក្ស​តំបន់​រ៉ា​ម​សារ​ព្រែក​ទាល់​បឹង​ទ​ន្លេ​សាប​ក្នុង​ឃុំ​កោះ​ជី​វាំង ​ស្រុក​ឯក​ភ្នំ​ ខេត្តបាត់ដំបង​។

ក្រៅ​ពី​នេះ​ក្រសួង​គ្រោង​នឹង​បំពាក់​បន្ថែម​ជាច្រើន​ទៀត​ ដល់​អង្គភាព​ស្ថាប័ន​របស់​រដ្ឋ​ក្នុង​ខេត្តបាត់ដំបង​ដែល​មិនទាន់​បាន​បំពាក់​ក្នុង​ជំហាន​ជា​បន្តបន្ទាប់​នៅពេល​ក្រោយ​ទៀត​ផង​ដែរ​៕​
ដោយ ៖ សៅ សារិទ្ធ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ29 mins ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ49 mins ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ1 hour ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ3 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ3 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services