Connect with us

ព័ត៌មានជាតិ

បណ្ឌិត ហ៊ុន ម៉ា​ណែ​ត​៖ គណបក្ស​ប្រជាជន​កម្ពុជា មិនល្អ​ឥតខ្ចោះ​ទេ ​ពេលខ្លះ​ក៏​រង​ការ​ប្រតិដ្ឋវាយប្រហារ​

បានផុស

នៅ

ឯកឧត្តម​បណ្ឌិត ហ៊ុន ម៉ា​ណែ​ត បាន​មានប្រសាសន៍ថា គណបក្ស​ប្រជាជន​កម្ពុជា មិនល្អ​ឥតខ្ចោះ​នោះទេ គឺ​ដូច​នឹង​ជីវិត​របស់​មនុស្ស​ម្នាក់ៗ​ផងដែរ ដែល​អាច​ទទួលរង​នូវ​ការរិះគន់​តិះ​ទៀន ហើយ​ពេលខ្លះ​ក៏​ទទួលរង​នូវ​ការ​ប្រឌិត​រឿង​វាយប្រហារ​មក​លើ​យើង​ផង​ដែរ​។ អ្វី​ដែល​សំខាន់ គឺ​ការ​រក្សា​ភាព​អត់ធ្មត់ ដើម្បី​ទុក​ពេលវេលា​បន្ត​ធ្វើ​ការងារ​ដែល​យើង​គិត​ថា​ ត្រឹមត្រូវ ហើយ​ធ្វើ​ដោយ​ការទទួលខុសត្រូវ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំណាង​ដ៏​ខ្ពង់ខ្ពស់​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី និង​សម្តេច​កិ​តិ្ត​ព្រឹទ្ធ​បណ្ឌិត ប៊ុន រ៉ានី ហ៊ុនសែន ថ្លែង​ក្នុងឱកាស​សម្ពោធ​ឆ្លង​សាលា​ពុទ្ធិក​អនុវិទ្យាល័យ​សម្តេចព្រះ​វនរ័ត ណ​យ ច្រឹ​ក ច័ន្ទ​បុរី​វង្ស និង​សមិទ្ធផល​នានា ក្នុង​វត្ត​ច័ន្ទ​បុរី​វង្ស សង្កាត់​សំរោង ខណ្ឌ​ព្រែក​ព្នៅ រាជធានី​ភ្នំពេញ​, ថ្ងៃទី​២៧ ខែតុលា ឆ្នាំ​២០២២ ឯកឧត្តម​បណ្ឌិត​មានប្រសាសន៍​បន្ត​ថា ពិត​ណាស់ ដំណើរ​រីកចម្រើន​របស់​បុគ្គល​ម្នាក់ គឺ​ប្រៀប​បាន​ទៅ​នឹង​ដើមឈើ​ដែល​ដាំ​ក្នុងផ្ទះ​បៃតង និង​ដើមឈើ​ដែល​ដាំ​ក្នុង​បរិយាកាស​ខាងក្រៅ​។ ដើមឈើ​ដែល​ដាំ​ក្នុងផ្ទះ​បៃតង​អាចមាន​កម្រិត​សុវត្ថិភាព​ខ្ពស់​ព្រោះ​មិនមាន​ខ្យល់​បោកបក់ និង​អាច​ទទួល​បាន​នូវ​ការថែទាំ​ដិតដល់ ហើយ​ឫសកែវ​នៃ​ដើមឈើ​នេះ​ក៏​អាច​លូតលាស់​តាម​សម្រួល ប៉ុន្តែ​មិន​ប្រា​ដក​ថា​ អាច​មាន​ជីវិត​រឹងមាំ​យូរអង្វែង​បាន​ឡើយ ជាពិសេស​នៅក្នុង​កាលៈទេសៈ​ដែល​ជួប​បញ្ហា​ធំៗ​មក​ប៉ះ​មក​យាយី​។

ចំណែក​ឯ​ដើមឈើ​ដែល​ដាំ​ក្នុង​បរិយាកាស​ខាងក្រៅ ប្រាកដ​ណាស់ គឺ​តែង​បាន​ជួប​នូវ​ឧបសគ្គ ព្យុះ ភ្លៀង ផ្គរ រ​ន្ទះ ជាប្រចាំ​ដែល​ធ្វើ​ឱ្យ​ឫសកែវ​ធ្វើការ​យ៉ាង​លំបាក​វេទនា​ដើម្បី​ទប់ទល់​ទៅនឹង​ឧបសគ្គ​។ ក្នុងន័យនេះ បញ្ហាលំបាក​លំបិន​នានា​ក្នុង​ដែល​កើតមានទ្បើង​ក្នុង​ជីវិត អាច​នឹង​ជួយ​ជា​បំ​ណិ​ន​ជីវិត​សម្រាប់​បុគ្គល​គ្រប់រូប​ក្នុង​ការកសាង និង​អភិវឌ្ឍ​ខ្លួន ដោយ​ផ្អែកលើ​ភាព​ចាស់ទុំ និង​បទពិសោធន៍​ដែល​បាន​ឆ្លងកាត់​។

ឯកឧត្តម​បាន​អបអរសាទរ​ចំពោះ​ការ​កើត​ឡើងជា​បន្តបន្ទាប់​នូវ​សមិទ្ធផល​ថ្មីៗ នៅក្នុង​វត្ត​ច័ន្ទ​បុរី​វង្ស​ដែលមាន​អាយុកាល​ប្រមាណ​ជាង ៥០០ ឆ្នាំ​មួយ​នេះ ហើយក៏​ជា​សក្ខីភាព​នៃ​កម្លាំង​មហា​សាមគ្គី​ប្រកបដោយ​សទ្ធា​ជ្រះថ្លា​ដ៏​ថ្លៃថ្លា របស់​ពុទ្ធបរិស័ទ​ជិត​ឆ្ងាយ​រួម​ជាមួយនឹង សម្តេច ​ទ្រង់ ​ព្រះ​ថេរានុត្ថេរៈ គ្រប់​ព្រះអង្គ ក្នុង​ការកសាង​អភិវឌ្ឍ​ទី​អារាម​សម្រាប់​បម្រើ​ឱ្យ​សេចក្តី​ត្រូវការ​ជាក់ស្តែង និង​ជា​កេរដំណែល​ដល់​ជំនាន់​ក្រោយៗ​យូរអង្វែង​តទៅ​។ ក្រោម​បរិយាកាស​អំណោយផល​នៃ​សុខសន្តិភាព​ពាសពេញ​ផ្ទៃ​ប្រទេស និង​ការ​ជ្រោមជ្រែង​ឧបត្ថម្ភ​គាំទ្រ​ពី​សំណាក់​រាជរដ្ឋាភិបាល ដែល​ដឹកនាំ​ដោយ សម្តេច​តេ​ជោ នាយករដ្ឋមន្ត្រី វិស័យ​សាសនា​ត្រូវ​បាន​លើកតម្កើង​តាមរយៈ​ការបង្ក​លក្ខណៈ​គ្រប់យ៉ាង​ដល់​ដំណើរ​គោរព​ប្រតិបត្តិ​ជំនឿ ប្រកបដោយ​សិទ្ធ​សេរីភាព​ពេញលេញ ដែលជា​ការរួមចំណែក​យ៉ាងសំខាន់​ដល់​ការរក្សាបាន​នូវ​សុ​ខុ​ដុម​នីយកម្ម​វិស័យ​សាសនា​នៅ​ទូទាំង​ប្រទេស​កម្ពុជា​។

ស្ថានការណ៍​រីក​រាលដាល​នៃ​ជំងឺ​កូ​វីដ​-១៩ បាន​គ្រប​ដណ្តប់​នៅ​ទូទាំង​សាកលលោក ហើយ​ក្នុង​រយៈពេល​ដ៏​ខ្លី ជំងឺ​ដ៏​កាច​សាហាវ​នេះ​បាន​ឆក់យក​អាយុជីវិត​ប្រជាពលរដ្ឋ​យ៉ាងច្រើន និង​បាន​បង្ក​ជា​សោកនាដកម្ម និង​ផលប៉ះពាល់​ធ្ងន់ធ្ងរ​ផ្នែក​សេដ្ឋកិច្ច -​សង្គម​។ ក្នុងនេះ​កម្ពុជា​ក៏​ទទួលផល​ប៉ះពាល់​ផងដែរ ប៉ុន្តែ​ដោយសារតែ​កុសលផល​បុណ្យ​នៃ​ការ​រួបរួម​គ្នា​ជា​ធ្លុង​មួយ​របស់​មន្ត្រីរាជការ កងកម្លាំងប្រដាប់អាវុធ និង​ប្រជាពលរដ្ឋ នៅក្រោម​ការដឹកនាំ​ប្រកបដោយ​យុទ្ធសាស្ត្រ​របស់ សម្តេច​តេ​ជោ ទើប​ធ្វើឱ្យ​ប្រទេសជាតិ​យើង​បានទទួល​ជោគជ័យ​លើ​ការគ្រប់គ្រង​ការ​រាតត្បាត​នៃ​ជំងឺ​កូ​វីដ​-១៩ និង​ព្រម​ទាំងអស់​បើក​ដំណើរការ​ប្រទេស​លើ​គ្រប់​វិស័យ​ឡើងវិញ​យ៉ាង​ឆាប់រហ័ស ហើយក៏​ទទួលបាន​នូវ​ចំណាត់ថ្នាក់​សាកល​ផងដែរ នៅក្នុង​ការវាយតម្លៃ​ពី​មជ្ឈដ្ឋាន​អន្តរជាតិ​។

ទាំងនេះ ក៏បាន​ឆ្លុះបញ្ចាំង​ផងដែរ​អំពី​ជំនឿ​ទុកចិត្ត​របស់​ប្រជាពលរដ្ឋ​មកលើ សម្តេច​តេ​ជោ ជាពិសេស​ដូចដែល​ស្តែងឡើង​តាមរយៈ​ទទួលយក​ការចាក់​វាក់​សាំង​បង្ការ​កូ​វីដ​-១៩ ដោយ​ស្ម័គ្រចិត្ត និង​ដោយ​គ្មាន​ភាព​អល់អែក​។ តាំងពី​ដើម​រៀងមក រាជរដ្ឋាភិបាល​ដែល​ដឹកនាំ​ដោយ សម្តេច​តេ​ជោ តែង​បាន​យកចិត្តទុកដាក់ និង​នៅក្បែរ​ប្រជាពលរដ្ឋ​ជាប់​ជាប្រចាំ ហើយ​ក៏បាន​ខិតខំ​ប្រឹងប្រែង​ឥតឈប់ឈរ​ក្នុងការ​បម្រើ​ប្រជាពលរដ្ឋ ដោយ​ធ្វើការ​កែលម្អ​រាល់​ចំណុច​ខ្វះខាត​នានា​ជាប់​ជាប្រចាំ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៩ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ១២ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ១២ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ១៣ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម