ព័ត៌មានជាតិ
លោកជំទាវ ម៉ែន សំអន ផ្តាំផ្ញើឲ្យពលរដ្ឋនិងមន្ត្រីបន្តថែរក្សាឲ្យបានគង់វង្សនូវ«សន្តិភាពតេជោ»
លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រី្ត បានថ្លែងនូវការ ផ្តាំផ្ញើឲ្យប្រជាពលរដ្ឋនិងកងកម្លាំងប្រដាប់អាវុធព្រមទាំងមន្ត្រីរាជការគ្រប់ស្ថាប័នបន្តខិតខំថែរក្សាឲ្យបានគង់វង្សនូវ«សន្តិភាពតេជោ» ដែលរកបានមកដោយកម្រនិងលំបាកលំបិនបំផុតនោះ។
លោកជំទាវកិត្តិសង្គហបណ្ឌិត ម៉ែន សំអន ថ្លែងបែបនេះ ខណៈអញ្ជើញសំណេះសំណាលជាមួយប្រជាពលរដ្ឋ និងអុជធូប ថ្វាយគ្រឿងសក្ការនៅប្រាសាទដូនអន ស្ថិតនៅក្នុងឃុំរំលេច ស្រុកបាកាន ខេត្តពោធិ៍សាត់កាលពីម្សិលមិញនេះ។
លោកជំទាវកិត្តិសង្គហបណ្ឌិត ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ក៏បានពាំនាំនូវការផ្ដាំផ្ញើ សាកសួរសុខទុក្ខពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិត ជូនដល់ប្រជាពលរដ្ឋ និងអង្គពិធីទាំងមូលដោយក្រីនឹករលឹក និងការគិតគូរយកចិត្តទុក្ខដាក់សុខទុក្ខ និងសុខុមាលភាពរបស់ប្រជាពលរដ្ឋនៅទូទាំងប្រទេស។ លោកជំទាវកិត្តិសង្គហបណ្ឌិត បានបន្តទៀតថា តាមរយៈ ភាពជោគជ័យជាប្រវត្តិសាស្ត្រនៃការទទួលបានតំណក់ប្រេងជាលើកដំបូងនេះ គឺជាការចាប់ផ្តើមដ៏សំខាន់បំផុតសម្រាប់ប្រទេសកម្ពុជា ឆ្ពោះទៅបង្កើតបាននូវសមត្ថភាពជាតិ និងខឿនឧស្សាហកម្មប្រេងកាត ឧស្ម័ន និងថាមពល ដែលជាពរជ័យសម្រាប់ប្រជាជាតិ និងប្រជាជនកម្ពុជា ក្រោមម្លប់ដ៏ត្រជាក់ត្រជំនៃ «សន្តិភាព» របស់សម្តេចអគ្គមហាសេនាបតីតេជោនាយករដ្ឋមន្ត្រី បិតាស្ថាបនិក អគ្គមគ្គទេសក៍ និងជាប្រតិបត្តិករនយោបាយ ឈ្នះ ឈ្នះ ដែលបានតស៊ូរំដោះប្រទេសជាតិឲ្យរួចផុតពីរបបប្រល័យពូជសាសន៍ និងបានខិតខំពុះពារកសាងសន្តិភាព ខឿនសេដ្ឋកិច្ច លទ្ធិប្រជាធិបតេយ្យ និងវឌ្ឍនភាពសង្គមដ៏គាប់ប្រសើរ។ លោកជំទាវកិត្តិសង្គហបណ្ឌិតក៏ បានបញ្ជាក់ថា«សន្តិភាព» របស់សម្តេចអគ្គមហាសេនាបតីតេជោនាយករដ្ឋមន្ត្រី គឺជាកត្តាសារវន្តមិនអាចខ្វះបានសម្រាប់ការសម្រេចជោគជ័យលើសមិទ្ធផលជាតិជាបន្តបន្ទាប់ និងការអភិវឌ្ឍលើគ្រប់វិស័យ រួមទាំងសមិទ្ធផលថ្មីក្នុងវិស័យប្រេងកាត ដែលប្រជាពលរដ្ឋខ្មែរទូទាំងប្រទេសទន្ទឹងរង់ចាំជាច្រើនជំនាន់យូរលង់ណាស់មកហើយ។ ដូច្នេះយើងត្រូវរួមគ្នាបន្តខិតខំថែរក្សាឲ្យបានគង់វង្សនូវ«សន្តិភាពតេជោ»ដែលរកបានមកដោយកម្រនោះ។
លោកជំទាវកិត្តិសង្គហបណ្ឌិត ក៏បានក្រើនរំលឹកដល់ប្រជាពលរដ្ឋកម្ពុជាគ្រប់រូបត្រូវគោរព និងអនុវត្តឲ្យបានខ្ជាប់ខ្ជួននូវគោលការណ៍ រក្សាគម្លាតសង្គម និងវិធានការនានាតាមការកំណត់របស់ក្រសួងសុខាភិបាល និង ត្រូវបន្តរក្សាការប្រុងប្រយ័ត្នខ្ពស់ក្នុងការបង្ការ និងការពារនូវការឆ្លងរីករាលដាលនៃជំងឺកូវីដ១៩ នៃការផ្ទុះសារជាថ្មីនៃជំងឺកូវីដទម្រង់ថ្មី និងខណៈពេលដែលពិភពលោកកំពុងប្រឈមមុខនឹងការរាតត្បាតយ៉ាងខ្លាំង ដោយសារជំងឺមួយនេះ។
លោកជំទាវ កិត្តិសង្គហបណ្ឌិត ក៏បានបួងសួងសូមឲ្យប្រទេសជាតិជៀសផុតពីគ្រោះរាំងស្ងួត ជំងឺដង្កាត់ផ្សេង និងបានបួងសួងថ្វាយព្រះពរជ័យថ្វាយព្រះមហាក្សត្រ ព្រះមហាក្សត្រី ជាសម្តេចម៉ែ សម្តេចយាយ សម្តេចយាយទួត មុនីនាថ សីហនុ និង ប្រគេនពរដល់ព្រះសង្ឃគ្រប់ព្រះអង្គ និង ជូនពរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ថ្នាក់ដឹកនាំ សមាជិកសមាជិកា ព្រឹទ្ធសភា រដ្ឋសភា ព្រមទាំងប្រជាពលរដ្ឋ នៅទូទាំងប្រទេស សូមឲ្យជួបសេចក្តីសុខ សន្តិភាព និងសេចក្តីចម្រើនគ្រប់ៗគ្នាជារៀងរហូត។ លោកជំទាវកិត្តិសង្គហបណ្ឌិតក៏បាននាំអំណោយសម្រាប់អ្នកចូលរួមក្នុងថ្ងៃនោះ ក្នុងម្នាក់ៗទទួលបាន សារុង ១ និងថវិកា ៤ម៉ឺនរៀល ផងដែរ៕
អត្ថបទ៖ វិមាន
វិស័យផ្គត់ផ្គង់ទឹកស្អាត ជាវិស័យអាទិភាពខ្ពស់បំផុតរបស់រាជរដ្ឋាភិបាល ដើម្បីឆ្លើយតបតាមតម្រូវការរបស់ពលរដ្ឋ
គ្រួសារក្រីក្រនិងជនងាយរងគ្រោះ អាចបន្តទទួលសាច់ប្រាក់ពីរាជរដ្ឋាភិបាល៣ខែទៀតចាប់ពីថ្ងៃនេះ
ទប់ស្កាត់ភ្លើងឆេះព្រៃនៅរដូវប្រាំងនេះបាន ពលរដ្ឋត្រូវគោរពគោលការណ៍ ៧ ចំណុច
សោភាទេពី សុខចិត្តលះបង់សាច់ខ្ចីដើម្បីសម្រេចបំណងមួយនេះ
សហព័ន្ធវ៉ូវីណាម បើកវគ្គបណ្តុះបណ្តាលអាជ្ញាកណ្តាល ចៅក្រមកម្រិត “ក” ត្រៀមការប្រកួតជើងឯកជាតិ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានអន្ដរជាតិ1 week agoប៉ូលិសថៃ ចាប់រំលោភជនសង្ស័យគ្រឿងញៀនមីយ៉ាន់ម៉ា ក្នុងប៉ុស្តិ៍ប៉ូលិស
-
ព័ត៌មានអន្ដរជាតិ4 days agoធ្លាយវីដេអូសម្ងាត់ គ្រូពេទ្យក្រុងអ៊ូហានសារភាពថា ពួកគេត្រូវបានប្រាប់ឲ្យនិយាយកុហកអំពីវីរុសកូរ៉ូណា
-
ព័ត៌មានអន្ដរជាតិ5 days ago១០ ប្រទេសដែលមិនទាន់មានការឆ្លងកូវីដសូម្បីមួយករណី
-
ព័ត៌មានជាតិ7 days agoដើរកណ្តាលក្រុងព្រះសីហនុ លើកនេះ គេប្រាប់ ១០០ ដង មិនស្មើឃើញផ្ទាល់ភ្នែកម្តង
-
ព័ត៌មានជាតិ5 days agoស្គាល់តាមហ្វេសប៊ុក សង្ឃមួយអង្គលួចរួមភេទជាមួយក្មេងស្រីអាយុ១៥ឆ្នាំ នៅក្នុងបន្ទប់ទឹកវត្ត
-
ព័ត៌មានជាតិ6 days agoត្រៀមខ្លួន! អាកាសធាតុត្រជាក់ខ្លាំង នឹងមកដល់យប់នេះ
-
ព័ត៌មានជាតិ6 days agoសម្ដេចក្រឡាហោម ស ខេង ចេញការព្រមានលើកទី១ ស្នងការរងខេត្តកណ្តាល
-
ព័ត៌មានជាតិ5 days agoមិនធ្លាប់មាន អគាររដ្ឋដំបូងគេមានកម្ពស់ ៣៥ ជាន់ លើផ្លូវព្រះនរោត្តម បានបញ្ចប់ការសាងសង់ទាំងស្រុង