ព័ត៌មានជាតិ
នាយកសាលាអូរទឹកវិល អំពាវនាវរកសប្បុរសជនជួយឧបត្ថម្ភក្រុមគ្រួសារសពកុមារីលង់ទឹកស្លាប់
បាត់ដំបង ៖ លោកសេង ភិត នាយកសាលាអូរទឹកវិលក្នុងស្រុកសំពៅលូន បានឲ្យដឹងថា នៅថ្ងៃទី២៧ ខែតុលា ឆ្នាំ២០២០ នៅវេលាម៉ោង១០និង១០នាទីព្រឹក មានហេតុការណ៍កុមារីម្នាក់លង់ទឹកស្រះស្លាប់។
កុមារីដែលលង់ទឹកស្លាប់មានឈ្មោះជារី ណា ភេទស្រី អាយុ០៦ឆ្នាំ ជាសិស្សថ្នាក់ទី១(ខ)នៃសាលាបឋមសិក្សាអូរទឹកវិល( ឧបសម្ព័ន្ធអូរយាយតា)ស្រុកសំពៅលូន ខេត្តបាត់ដំបង។ មានឪពុកឈ្មោះជា សុផាត មុខរបរកសិករអាយុ៣៤ឆ្នាំ និងម្តាយឈ្មោះឡុង សាវិន មុខរបរកសិករអាយុ៣៤ឆ្នាំ មានទីលំនៅភូមិអូរកាច់ចំណុចអូរយាយតា ឃុំជ្រៃសីមា ស្រុកសំពៅលូន ជាគ្រួសារកំសត់ជីវភាពខ្វះមុខខ្វះក្រោយ។
តាមការរៀបរាប់របស់គ្រូទទួលបន្ទុកថ្នាក់បានឲ្យដឹងថា មុនកើតហេតុកាលពីម៉ោង០៩និង៣០នាទីពេលចេញលេងកុមារីរងគ្រោះនិងមិត្តភក្តិផ្សេងៗទៀតបានទៅលេងទឹកស្រះគ្រូបានហៅចូលមកក្នុងថ្នាក់វិញម្តងរួចហើយ។ លុះដល់ម៉ោង០៩និង៥០នាទីចន្លោះពេលគ្រូដាក់កិច្ចការផ្ទះឲ្យសិស្សរួចឲ្យសិស្សចេញទៅផ្ទះ ស្រាប់តែបាត់កុមារីរងគ្រោះឃើញតែកាតាប។
ខណៈនោះ គ្រូបានស្រែកឆោឡោសួរសិស្សផ្សេងៗហើយសិស្សផ្សេងៗបានប្រាប់ថា ឃើញកុមារីរងគ្រោះរត់ចេញទៅក្រៅថ្នាក់ស្មានតែទៅបត់ជើងតូចដូចសព្វរាល់ដង។ ដោយសារតែសិស្សផ្សេងៗទៀតមានការសង្ស័យក៏បានប្រាប់គ្រូនិងបានឲ្យអ្នកជិតខាងជួយចុះរាវរកកុមារីក្នុងស្រះ ពេលនោះក៏ស្រាប់តែប្រទះសពកុមារីរងគ្រោះលិចនៅក្នុងទឹកស្រះតែម្តង។ ក្រោយរកឃើញកុមារីរងគ្រោះភ្លាមៗនោះបងប្អូនអ្នកជិតខាងបានដុតភ្លើងកម្តៅហើយគ្រូក៏បានទាក់ទងឪពុកម្តាយដើម្បីយកកុមារីបញ្ជូនទៅសង្គ្រោះនៅមណ្ឌលសុខភាព(ត្រាវជូរ) តែអកុសលកុមារីបានស្លាប់នៅវេលាម៉ោង១០និង០០នាទីមុននឹងបញ្ជូនទៅមណ្ឌលសុខភាពបាត់ទៅហើយ។
បច្ចុប្បន្នសពកុមារីជា រីណា បានតម្កល់ធ្វើបុណ្យតាមប្រពៃណីនៅភូមិអូរកាច់ចំណុចអូរយាយតាក្នុងឃុំជ្រៃសីមា ស្រុកសំពៅលូន ខេត្តបាត់ដំបង ដែលជាទីលំនៅដ៏កំសត់របស់ក្រុមគ្រួសារកុមារីរងគ្រោះ។
ទន្ទឹមនឹងនោះ លោកសេង ភិត នាយកសាលាក៏បានអំពាវនាវដល់សប្បុរសជនជិតឆ្ងាយមេត្តាជួយដល់ក្រុមគ្រួសារសពកុមារីដ៏កំសត់នេះផង ព្រោះឪពុកម្តាយគ្មានលទ្ធភាពធ្វើបុណ្យឲ្យកូននោះទេដោយលោកនាយកថាគ្រាន់តែឃើញលំនៅឋានរបស់ពួកគាត់ក៏ចង់ស្រក់ទឹកភ្នែកដែរ៕
ដោយ ៖ សៅ សារិទ្ធ
ក្រុមកីឡាបាល់បោះ Yuetai Mekongers គ្រងតំណែងជើងឯកលីក “league” ឆ្នាំ២០២០
ព្រះសង្ឃមួយអង្គ យកខ្សែភ្លើងចង.កបញ្ចប់ជីវិត ក្នុងកុដិ
រដ្ឋមន្ត្រីកសិកម្មជំរុញឲ្យសហគមន៍ព្រៃឈើបង្កើនការចិញ្ចឹមសត្វ ត្រី និងដាំបន្លែបន្ថែមដើម្បីបង្កើនប្រភពចំណូល
លោកចម ប្រសិទ្ធ អំពាវនាវឲ្យអ្នកវិនិយោគឥណ្ឌាមកបណ្តាក់ទុននៅកម្ពុជាលើវិស័យអាទិភាពជាច្រើនកំពុងតែរង់ចាំ
អន្ដរក្រសួងបន្តពិនិត្យ និងពិភាក្សាលើមាត្រា១២ និង១៣ នៃសេចក្ដីព្រាងច្បាប់អន្ដោប្រវេសន៍ថ្មី
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានអន្ដរជាតិ6 days agoធ្លាយវីដេអូសម្ងាត់ គ្រូពេទ្យក្រុងអ៊ូហានសារភាពថា ពួកគេត្រូវបានប្រាប់ឲ្យនិយាយកុហកអំពីវីរុសកូរ៉ូណា
-
ព័ត៌មានអន្ដរជាតិ1 week ago១០ ប្រទេសដែលមិនទាន់មានការឆ្លងកូវីដសូម្បីមួយករណី
-
ព័ត៌មានជាតិ1 week agoស្គាល់តាមហ្វេសប៊ុក សង្ឃមួយអង្គលួចរួមភេទជាមួយក្មេងស្រីអាយុ១៥ឆ្នាំ នៅក្នុងបន្ទប់ទឹកវត្ត
-
ព័ត៌មានជាតិ6 days agoមិនធ្លាប់មាន អគាររដ្ឋដំបូងគេមានកម្ពស់ ៣៥ ជាន់ លើផ្លូវព្រះនរោត្តម បានបញ្ចប់ការសាងសង់ទាំងស្រុង
-
ព័ត៌មានជាតិ1 week agoសម្តេច ស ខេង ៖ បញ្ហាធំៗមួយចំនួន នឹងអាចកើតឡើងនាពេលខាងមុខ
-
ព័ត៌មានអន្ដរជាតិ6 days agoថៃបង្ក្រាបទីតាំងផលិតសាប៊ូដុសមុខក្លែងក្លាយ កំពុងលក់ដាច់លើអនឡាញ ដែលប៉ះពាល់ដល់ស្បែក
-
ព័ត៌មានជាតិ1 week agoមកស្គាល់អគារខ្ពស់ៗជាងគេ ទាំង ១០ នៅរាជធានីភ្នំពេញ
-
ព័ត៌មានជាតិ6 days agoសមត្ថកិច្ចចម្រុះដកថយក្រោយពិនិត្យផលិតផលទឹកដោះគោwakodo មានគុណភាពស្តង់ដា
