ព័ត៌មានជាតិ

រដ្ឋាភិបាលហុងគ្រី ផ្ដល់អាហារូបករណ៍ ៣០កន្លែង ដល់និស្សិតកម្ពុជា ឆ្នាំសិក្សា២០២៣-២០២៤

បានផុស

២ ខែ មុន

នៅ

ថ្ងៃសុក្រ ១៨ វិច្ឆិកា ២០២២

ដោយ

រដ្ឋាភិបាល នៃប្រទេសហុងគ្រី នឹងផ្ដល់អាហារូបករណ៍ចំនួន ៣០កន្លែង ដល់សិស្សនិស្សិតកម្ពុជា ដើម្បីទៅបន្តការសិក្សានៅតាម សាកលវិទ្យាល័យនានា ក្រោមកម្មវិធីអាហារូបករណ៍ Stipendium Hungaricum Programme សម្រាប់ឆ្នាំសិក្សា២០២៣-២០២៤ ចាប់ពី ខែកញ្ញា ឆ្នាំ២០២៣ នេះតទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួង អប់រំ យុវជន និងកីឡាបានឱ្យដឹងថា ចំពោះអាហារូបករណ៍ដែលប្រទេសហុងគ្រី នឹងផ្ដល់មកដល់និស្សិតកម្ពុជា ដោយហុងគ្រីនឹងចេញរ៉ាប់រងទៅលើថ្លៃសិក្សា ផ្ដល់ប្រាក់អាហារូបករណ៍ប្រចាំខែសម្រាប់ផ្គត់ផ្គង់ការរស់នៅ ផ្ដល់កន្លែងស្នាក់នៅ រ៉ាប់រងសេវាសុខភាព និងអត្ថប្រយោជន៍ផ្សេងទៀត ហើយសំបុត្រយន្តហោះពេលចេញទៅសិក្សា(តែម្ដងគត់) ជាបន្ទុករបស់រាជរដ្ឋាភិបាលកម្ពុជា។

ប្រភេទអាហារូបករណ៍ដែលខាងហុងគ្រី នឹងផ្ដល់ឱ្យរួមមាន៖

១.ប្រភេទ នៃអាហារូបករណ៍

Agricultural Science (វិទ្យាសាស្ត្រកសិកម្ម)
Arts and Humanity(សិល្បៈ និងមនុស្សធម៌)
Social Science( វិទ្យាសាស្ត្រសង្គម)
Computer Science and Information Technology(វិទ្យាសាស្ត្រកុំព្យូទ័រ និងបច្ចេកវិទ្យាព័ត៌មាន)
Legal Science(វិទ្យាសាស្ត្រច្បាប់)
Economic Science(វិទ្យាសាស្ត្រសេដ្ឋកិច្ច)
Engineering Science( វិទ្យាសាស្ត្រវិស្វកម្ម)
Medical and Health Science(វិទ្យាសាស្ត្រវេជ្ជសាស្ត្រ និងសុខភាព)
Sport Science(វិទ្យាសាស្ត្រកីឡា)
Natural Science(វិទ្យាសាស្ត្រធម្មជាតិ)
Arts(សិល្បៈ)
Art Education(ការអប់រំសិល្បៈ)
Political Science and Public Governance( វិទ្យាសាស្ត្រនយោបាយ និងអភិបាលកិច្ចសាធារណៈ)

២.អាហារូបករណ៍ចំនួន ០៧កន្លែង សម្រាប់ការសិក្សាពេញមួយចប់ដល់កម្រិតម៉ាស្ទ័រ ( one tier-

Master’s “OTM”)

សិក្សាលើមុខជំនាញ៖

Agricultural Science (វិទ្យាសាស្ត្រ កសិកម្ម)
Engineering Science ( វិទ្យាសាស្ត្រវិស្វកម្ម)
Medical and Health Science (វិទ្យាសាស្ត្រវេជ្ជសាស្ត្រ និងសុខភាព)
Teacher Training and Arts (ការបណ្ដុះបណ្ដាលគ្រូ និងសិល្បៈ)

៣. ថ្នាក់ឧត្តមសិក្សា (BA/BSc) ចំនួន ១២កន្លែង

សិក្សាលើមុខជំនាញមួយចំនួនដូចខាងក្រោមនេះ៖

Agricultural Science(វិទ្យាសាស្ត្រកសិកម្ម)
Arts and Humanities(សិល្បៈ និងមនុស្សសាស្ត្រ)
Social Science( វិទ្យាសាស្រ្តសង្គម)
Computer Science and Information Technology(វិទ្យាសាស្ត្រកុំព្យូទ័រ និងបច្ចេកវិទ្យាព័ត៌មាន)
Legal Science( វិទ្យាសាស្ត្រច្បាប់)
Economic Science(វិទ្យាសាស្ត្រសេដ្ឋកិច្ច)
Engineering Science( វិទ្យាសាស្ត្រវិស្វកម្ម)
Health Science(វិទ្យាសាស្ត្រសុខាភិបាល)
Political Science and Public Governance(វិទ្យាសាស្ត្រនយោបាយ និងអភិបាលកិច្ចសាធារណៈ)
Sport Science(វិទ្យាសាស្ត្រកីឡា)
Natural Science(វិទ្យាសាស្រ្តធម្មជាតិ)
Arts and Art Education(សិល្បៈ និងការអប់រំសិល្បៈ)

៤.ការចុះឈ្មោះចូលជាបេក្ខជន

បេក្ខជនដែលមានបំណងចូលរួមក្នុងកម្មវិធីអាហារូបករណ៍ខាងលើ ត្រូវតែដាក់ពាក្យតាមប្រព័ន្ធ Online ឱ្យបានមុនថ្ងៃទី១៦ ខែមករា ឆ្នាំ២០២៣។ ទន្ទឹមនឹងនេះ បេក្ខជនក៏តម្រូវឲ្យមកចុះឈ្មោះនៅការិយាល័យអាហារូបករណ៍ និងកម្ម សិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ អគារលេខ៨០ មហាវិថីព្រះនរោត្ដម (ស្ថិតក្នុងទីស្ដីការ ក្រសួងអប់រំ យុវជន និងកីឡា) ចាប់ពីថ្ងៃផ្សាយដំណឹងនេះ រហូតដល់ ថ្ងៃទី២៥ ខែមករា ឆ្នាំ២០២៣ វេលាម៉ោង ១៦:០០នាទី។

ជាមួយគ្នានោះ ក្រសួងអប់រំ ក៏នឹងរៀបចំធ្វើការប្រឡងក្នុងចំណោមបេក្ខជនទាំងអស់ដែលបានដាក់ពាក្យស្នើសុំទៅលើវិញ្ញាសាមួយចំនួនដូចជា

វិញ្ញាសាភាសាអង់គ្លេស និងវប្បធម៌ទូទៅ សម្រាប់ថ្នាក់ក្រោយឧត្ដមសិក្សា ” PhD/DLA, MA/MSc & OTM”)
វិញ្ញាសាភាសាអង់គ្លេស និងគណិតវិទ្យា សម្រាប់ថ្នាក់ឧត្ដមសិក្សា “BA/BSc”) ដើម្បីជ្រើសរើស និងបញ្ជូន ឈ្មោះបេក្ខជនតាមចំនួនកំណត់ ជាក់ស្ដែងរបស់ភាគីមិត្តហុងគ្រី។ ដោយឡែកចំពោះពេលវេលា និងទីកន្លែងជាក់លាក់ នៃការប្រឡង ក្រសួងនឹងជម្រាបជូននៅពេលក្រោយ៕

ដោយ៖ ថារី