ព័ត៌មានជាតិ

សាខាកាកបាទក្រហមខេត្តកណ្តាល ចូលរួមរំលែកទុក្ខជាមួយគ្រួសារសពក្មេង៤នាក់ដែលស្លាប់ដោយលង់ទឹកស្រះ

បានផុស

២ ខែ មុន

នៅ

ថ្ងៃព្រហស្បតិ៍ ១ ធ្នូ ២០២២

ដោយ

កណ្តាល ៖ លោក ទៀង សុគន្ធ នាយកសាខាកាកបាទក្រហមកម្ពុជា ខេត្តកណ្ដាល និងសហការី នៅព្រឹកថ្ងៃទី៣០ ខែវិច្ឆិកា ឆ្នាំ២០២២នេះ បាននាំយកបច្ច័យ និងអំណោយមនុស្សធម៌មួយចំនួន ទៅចូលរួមរំលែកទុក្ខ ដល់ក្រុមគ្រួសារសពក្មេង៤នាក់ដែលរងគ្រោះដោយឧបទ្ទវហេតុលង់ទឹកស្រះស្លាប់ នៅភូមិព្រែកសំរោង ឃុំដំណាក់អំពិល ស្រុកអង្គស្នួល ខេត្តកណ្ដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងបរិយាកាសដ៏ក្រៀមក្រំនេះ លោក ទៀង សុគន្ធ ព្រមទាំងក្រុមការងារ បានចូលរួមរំលែកទុក្ខ ដល់ក្រុមគ្រួសារនៃសព ដោយថ្លែងនូវការសោកស្ដាយ ចំពោះមរណភាពនេះ គឺជាការបាត់បង់ បុត្រា បុត្រីជាទីស្រឡាញ់។

ក្នុងឱកាសនោះដែរ លោក ទៀង សុគន្ធ និងក្រុមការងារនៃសាខាកាកបាតក្រហមកម្ពុជាទាំងអស់ បានឧទ្ទិសបួងសួងដល់ដួងវិញ្ញាណក្ខន្ធក្មេងទាំង៤នាក់នេះ សូមឲ្យបានស្ថិតនៅក្នុងឋានសុគតិភព កុំបីឃ្លៀងឃ្លាតឡើយ។

ជាការចូលរួមរំលែកទុក្ខដល់គ្រួសារសព សាខាកាកបាទក្រហមកម្ពុជា ខេត្តកណ្ដាល បានប្រគល់ជូនដល់គ្រួសារសពនូវអំណោយមនុស្សមនុស្សធម៌រួមមានក្នុងមួយសពទទួលបាន ថវិកា ៥០ម៉ឺនរៀល អង្គ១បាវ ស្មើនិង៥០kg ត្រីខ៥យួរ ទឹកស៊ីអ៊ីវ២ យួរ ទឹកសុទ្ធ ២កេស មីជាតិ ២កេស ទឹកអាកុល ២ដប និងម៉ាស ២ប្រអប់ និងអំណោយរបស់អនុសាខាកាកបាទក្រហមកម្ពុជាស្រុកថវិកា ៤០ម៉ឺនរៀលក្នុងមួយសព គណៈកម្មការផ្សារថ្នល់ទទឹង ឧបត្ថម្ភថវិកា ១,៧៥០,០០០៛ ក្នុងមួយសព រោចចក្រ WTH ឧបត្ថម្ភ ២០ម៉ឺនក្នុងមួយសព និងលោកអភិបាលស្រុកអង្គស្នួលបានឧបត្ថម្ភ មឈូស០៤សម្រាប់សពក្មេងទាំង៤ផងដែរ។

គួររំលឹកផងដែរថា ករណីលង់ទឹកនេះ បានកើតឡើងកាលពីថ្ងៃទី២៩ ខែវិច្ឆិកា ឆ្នាំ២០២២ វេលាម៉ោងប្រម៉ាន១១និង០០នាទីថ្ងៃ បណ្តាលអោយស្លាប់ក្មេង ០៤នាក់ ត្រូវជាបងប្អូននិងគ្នា៕

ដោយ ៖ ឆៃ យ៉ា