Connect with us

ព័ត៌មានជាតិ

ស្រា​បៀរ វឌ្ឍនៈ ប្រារព្ធ​កម្មវិធី Vattanac Sea Festival អបអរ​បុណ្យ​សមុទ្រ​នៅ​ខេត្ត​សីហនុ ជាមួយ​ការប្រគំ​តន្ត្រី​ដ៏​ធំ បោះតង់​តាម​មាត់​ឆ្នេរ បាញ់​ទឹក​កម្សាន្ត រួមទាំង​កម្មវិធី​ប្លែកៗ​ជាច្រើន

បានផុស

នៅ

​ប្រទេស​កម្ពុជា​បានទទួល​ឈ្មោះ​ជា​ប្រទេស​ដែលមាន​ឆ្នេរសមុទ្រ​ដ៏​ស្រស់ស្អាត និង​ជា​ឆ្នេរ​ដែល​ទាក់ទាញ​ភ្ញៀវ​ទេសចរណ៍​ទាំង​ជាតិ និង​អន្តរជាតិ​។

ដើម្បី​ជា​ផ្នែក​មួយ​ចូលរួម​អបអរសាទរ​ពិធីបុណ្យ​សមុទ្រ ដែលជា​មោទនភាព​មួយ​របស់​ប្រទេស​កម្ពុជា ក្រុមហ៊ុន វឌ្ឍនៈ ប្រ៊ូ​វើ​រី ក៏បាន​រៀបចំ​កម្មវិធី​ដ៏​អស្ចារ្យ Vattanac Sea Festival ជាមួយនឹង​សកម្មភាព​សប្បាយ​ប្លែកៗ​ជាច្រើន​ដូចជា ការបោះ​តង់​នៅតាម​មាត់​ឆ្នេរ​ដ៏​សែន​រ៉ូ​មែន​ទិ​ក ការលេង​ល្បែង​កីឡា​សប្បាយៗ ការប្រគំ​តន្ត្រី​ចង្វាក់ EDM ជាមួយ DJ ដ៏​ល្បី បូករួម​ទាំង​ការបាញ់ទឹក​លេង​កម្សាន្ត ការប្រគំ​តន្ត្រី​នាពេល​រាត្រី​ជាមួយ​កំពូល​តារាចំរៀង​ដ៏​ល្បី​ប្រចាំ​ប្រទេស​ដូចជា កញ្ញា មាស សុខ​សោភា លោក នី​កូ លោក ជី ដេវីត កញ្ញា រ៉ា​ប៊ី កញ្ញា សុខ ពិសី លោក ពូ ឃ្លាំង លោក ខៃ កញ្ញា រ៉េត ស៊ូ​ហ្សា​ណា លោក លឹម តិច​ម៉េង លោក ថុល សុ​ភិ​ទិ លោក ស៊ឹម ច័ន្ទ​ពន្លឺ លោក នាង ដា​វីន ក្រុម​ចំរៀង 2TheMoon កញ្ញា ជេន លោក បាក់​យ៉ុង និង​លោក BOB ហើយ​អ្វីដែល​កាន់តែ​អស្ចារ្យ និង​ធ្វើ​ឲ្យ Vattanac Sea Festival កាន់តែ​មិនអាច​បំភ្លេចបាន​នោះ​គឺ​ការ​ទស្សនា​នូវ​កាំជ្រួច​ដ៏​ស្រស់ស្អាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើស​ពី​សកម្មភាព​កម្សាន្ត​សប្បាយ​ជាច្រើន ក្រុមហ៊ុន វឌ្ឍនៈ ប្រ៊ូ​វើ​រី ក៏​នឹងចូលរួម​ការងារ​ទំ​នួល​ខុសត្រូវ​សង្គម ដោយ​រៀបចំ​សម្អាត​ឆ្នេរ​ជុំគ្នា​ជាមួយនឹង​ក្រុមការងារ ព្រមទាំង​វត្តមាន​របស់​តារា​កិត្តិយស​ជាច្រើនរូប ដើម្បី​ចូលរួម​ថែរក្សា​បរិស្ថាន​នៅតាម​មាត់​ឆ្នេរ​ដ៏​ស្រស់ស្អាត​របស់​យើង និង​ដើម្បី​ជា​គំរូ​ដ៏​ល្អ​ក្នុងសង្គម​។ អ្វីដែល​កាន់តែ​ពិសេស​ជាងនេះទៅទៀត​នោះ វឌ្ឍនៈ ប្រ៊ូ​វើ​រី ចូលរួម​លើកទឹកចិត្ត​អ្នកចូលរួម​ទាំងអស់​ប្រមូល​កាកសំណល់ សំបក​កំប៉ុង និង​ដប​ផលិតផល​របស់​ក្រុមហ៊ុន វឌ្ឍនៈ ប្រ៊ូ​វើ​រី មក​ប្ដូរ​យក​ផលិតផល​ថ្មី​វិញ​ភ្លាមៗ ដែល​សកម្មភាព​នេះ​ធ្វើឡើង​ដើម្បី​កាត់បន្ថយ​ការ​បោះចោល​សម្រាម ហើយ វឌ្ឍនៈ ប្រ៊ូ​វើ​រី នឹង​យក​ថ​រិ​កា​ដែល​បានមកពី​ការលក់​សំណល់​កំប៉ុង និង​ដប​នោះ យកទៅ​បរិច្ចាគ​។

ដូច្នេះ​អ្នក​ដែល​បាន​ចូលរួម​ក្នុង​កម្មវិធី Vattanac Sea Festival ក៏​ជា​ចំណែក​មួយ​ដ៏​ធំ​សម្រាប់​សង្គមជាតិ​ផង​ផែរ​។ រីករាយ និង​អបអរសាទរ​បុណ្យ​សមុទ្រ​ជាមួយ​ស្រា​បៀរ វឌ្ឍនៈ រយៈពេល​៣​ថ្ងៃ គឺ​ថ្ងៃទី​៩ ដល់ ថ្ងៃទី​១១ ខែធ្នូ ឆ្នាំ​២០២២ នៅ​ឆ្នេរ​ពយ​ជំទាវ​ម៉ៅ ក្បែរ​បរិវេណ​ដើមឈើ​ចាំ​ស្នេហ៍ ខេត្ត​ព្រះសីហនុ ចាប់ពី​ម៉ោង ២​រសៀល​តទៅ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម