ព័ត៌មានជាតិ
ស្ពានឆ្លងស្ទឹងមួយកន្លែងក្នុងស្រុកចុងកាល់ខេត្តឧត្តមានជ័យមានភាពចាស់ទ្រុឌទ្រោម
ប្រជាពលរដ្ឋបានស្នើសុំឱ្យមន្ត្រីជំនាញផ្នែកពាក់ព័ន្ធជួយពិនិត្យមើលស្ពានដែកចាស់ទ្រុឌទ្រោមឆ្លងកាត់ស្ទឹង មួយកន្លែងស្ថិតនៅត្រង់ចំណុចភូមិខ្នារ ឃុំក្រសាំង ស្រុកចុងកាល់ ខេត្តឧត្តរមានជ័យ។
លោកតា មុំ សាត រស់នៅក្បែរទីតាំងស្ពានត្រង់ចំណុចខាងលើបានប្រាប់ដឹងថា ចំពោះស្ពានដែកចាស់នេះផងដែរមានការទ្រុឌទ្រោមខ្លាំងអស់រយៈពេលបីឆ្នាំមកហើយមួយទៀតប្រជាពលរដ្ឋរស់នៅក្នុងភូមិក៏សំណូមពរដល់អាជ្ញាធរពាក់ព័ន្ធជួយធ្វើការជួសជុលស្ពាននេះឡើងវិញដែរ តែពុំឃើញមានមកជួយពិនិត្យធ្វើនោះទេរហូតមកដល់សព្វថ្ងៃនេះ។
ប្រភពពីប្រជាពលរដ្ឋដដែលបានបញ្ជាក់ប្រាប់ថាស្ពានដែកនេះជាក់ស្តែងសព្វថ្ងៃនេះពុំមានឡានធំណាហ៊ានឆ្លងកាត់ដូចមុននោះទេសូម្បីតែជិះកង់ក៏មិនសូវហ៊ានជិះផងព្រោះថា ស្ពានដែកមួយនេះមានស្ថានភាពទ្រុឌទ្រោមរយៈពេលយូឆ្នាំមកហើយបើរដូវវស្សាកាន់តែមិនហ៊ានឆ្លងទៀតព្រោះទឹកហូរមកពីបុកខ្លាំងបើខែប្រាំងវិញអាចមានផ្លូវវាងខាងក្រោមស្ពានបាន។
ដោយឡែកលោក ប៉ៃ បៀង មេឃុំក្រសាំងបានបញ្ជាក់ប្រាប់ឲ្យដឹងនៅថ្ងៃទី០៤ខែមករា ឆ្នាំ២០២៣នេះថា ចំពោះស្ពាននេះដែរខាងអាជ្ញាធរក៏ដូចជាប្រជាពលរដ្ឋបានសំណូមពរទៅអាជ្ញាធរពាក់ព័ន្ធក៏ដូចជាអាជ្ញាធរស្រុកចុងកាល់ជាយូរឆ្នាំមកហើយប៉ុន្តែជាក់ស្ដែងស្ពាននៅមិនទាន់បានជួសជុលធ្វើនៅឡើយហើយស្ថានភាពស្ពានកាន់តែទ្រុឌទ្រោមជាខ្លាំងផងដែរ ហើយជាក់ស្តែងចំពោះឡានធំៗដឹកកសិផលគឺមិនអាចធ្វើដំណើរឆ្លងកាត់បាននោះទេហើយ មួយវិញទៀតសោតចំពោះ ស្ពានខាងលើនេះគឺគេហៅថាស្ពានឆ្លងកាត់ស្ទឹងមួយដែលសារៈសំខាន់ក្នុងការធ្វើដំណើរឆ្លងកាត់ពីស្រុកមួយទៅកាន់ស្រុកមួយផងដែរ។
លោកមេឃុំដដែលបានបញ្ជាក់បន្តទៀតថា ចំពោះស្ពាននេះដែរ បើខែប្រាំង យើងអាចធ្វើដំណើរវាងនៅខាងក្រោមស្ពានឆ្លងកាត់ស្ទឹងទៅបានចំពោះការធ្វើដំណើរលើស្ពាននេះគឺមិនអាចធ្វើដំណើរបានទេដោយសារស្ពាននេះមានស្ថានភាពទ្រុឌទ្រោមជាខ្លាំងអ៊ីចឹងទេក្នុងនាមអាជ្ញាធរដូចជាភាពរដ្ឋសូមសំណូមពរដល់អាជ្ញាធរ គ្រប់លំដាប់ថ្នាក់ មេត្តាជួយធ្វើស្ពាននេះឲ្យបានល្អឡើងវិញ ដើម្បីឲ្យប្រជារដ្ឋឆ្លងកាត់បានស្រួលវិញ។
ជាមួយគ្នានេះលោកមេឃុំបានបញ្ជាក់បន្ថែមថា កាលពីថ្មីនេះលោកបានជួបប្រជុំជាមួយលោកអភិបាលស្រុកចុងកាល់ក៏លោកបានជម្រាបទៅអភិបាលស្រុកដែរតែ លោកអភិបាលស្រុកកំពុងទំនាក់ទំនងទៅអភិបាលខេត្តដើម្បីពន្លឿនសាងសង់ឡើងវិញ៕
អត្ថបទ៖ ចាន់ ធី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ