ព័ត៌មានជាតិ

ពលរដ្ឋក្រីក្រខ្វះខាតពីរគ្រួសារ ទទួលបានអំណោយពីចលនាយុវជនកម្ពុជាក្រុម១៥៧

Published

2 months ago

January 13, 2021

ក្រុមការងារចលនាយុវជនកម្ពុជាក្រុម១៥៧ សាខាខេត្តតាកែវ ចុះសួរសុខទុក្ខ និងនាំយកអំណោយជាសម្ភារៈ និងថវិកាមួយចំនួន ជូនដល់គ្រួសារខ្វះខាតចំនួន០២ គ្រួសារ ក្នុងសង្កាត់បារាយណ៍ ក្រុងដូនកែវ និងក្នុងឃុំលាយបូរ ស្រុកត្រាំកក់ ខេត្តតាកែវ នៅរសៀលថ្ងៃពុធ ទី១៣ ខែមករា ឆ្នាំ២០២១។

គ្រួសារទី១ ឈ្មោះ ម៉ៅ ព្រឹក អាយុ៥៩ឆ្នាំ រស់នៅ ភូមិជ្រោយសំរោង សង្កាត់បារាយណ៍ក្រុងដូនកែវ ខេត្តតាកែវ ប្រពន្ធឈ្មោះ ចឹក ហេង មានជីវភាពខ្វះខាតខ្លាំងគ្មានដីធ្លីទេ រស់នៅក្នុងផ្ទះស្លឹក លើខ្នងប្រឡាយ។ គ្រួសារទី២ លោកយាយ មុំ គុណ អាយុ៨៧ឆ្នាំ ជរាដើរលែងរួច រស់នៅភូមិស្លារ ឃុំលាយបូរ ស្រុកត្រាំកក់ខេត្ត តាកែវ រស់ នៅពីរនាក់កូនស្រីគរថ្លង់ ពិការភ្នែកទាំងសងខាងម្នាក់ មានជីវភាពក្រីក្រខ្វះខាត។ ក្នុងនោះក្នុងមួយគ្រួសារៗ ទទួលបាន អង្ក៥០ គីឡូក្រាម ទឹកត្រី ០១យួ ទឹកស៊ីអ៊ីវ ០១យួរ ប៊ីចេង០១កញ្ចប់ ស្ករស ត្រីខ ទឹកសុទ្ធ០១កេស អំបិល ០១គីឡូ មី០១កេស រួមជានឹងថវិកាក្នុង១គ្រួសារៗ១០០,០០០ ម៉ឺនរៀល ផងដែរ។

ក្នុងឱកាសនោះដែរ លោក អេង ប៉ជាក អនុប្រធានចលនាយុវជនកម្ពុជាក្រុម១៥៧សាខាខេត្តតាកែវ ក៏បានពាំនាំនៅក្តីនឹករលឹក សាកសួរសុខទុក្ខពីចម្ងាយពីរលោក ម៉ឹង ពន្លក ប្រធានក្រុមចលនាយុវជនកម្ពុជាក្រុម១៥៧ និងមានការណែនាំ ចង្អុលបង្ហាញ ផងដែរ ពីរ លោក កែវ វ៉ាន្នី ប្រធានចលនាយុវជនកម្ពុជាក្រុម១៥៧ សាខាខេត្ត តាកែវ មកធ្វើការជម្រាបជូនបងប្អូនទាំង០២គ្រួសារ ផងដែរ។ ជាមួយគ្នានោះដែរ លោកអនុប្រធាន ក៏ផ្ដាំផ្ញើដល់បងប្អូនទាំងពីគ្រួសារ ដែលទទួលបានអំណោយថ្ងៃនេះ សូមឲ្យបន្តអនុវត្តនៅវិធានការអនាម័យខ្លួនប្រាណ ឲ្យបានស្អាតជា ប្រចាំ ពិសេសនោះ ត្រូវលាងដៃជាមួយសាប៊ូឲ្យបានស្អាត ដើម្បីជាចូលរួមទប់ ស្កាត់កុំឲ្យមានការឆ្លងរីករាលដាលនៃជំងឺកូវីដ១៩ នៅក្នុងសហគមន៍យើងរស់នៅ ពិសេសនៅរដូវរងានេះ សូមពាក់អាវ រងាឲ្យបានជាប់លាប់ ដើម្បីកុំឲ្យរងា និងជៀសវាងការកើតនូវជំងឺផ្ដាសាយ ផងដែរ។

អត្ថបទ៖ វីរៈ