ព័ត៌មានជាតិ
ខេត្តឧត្តរមានជ័យ ចុះត្រជាក់ខ្លាំងរហូតដល់១១ អង្សាសេ
អាកាសធាតុ នាពេលយប់ ក្នុងថ្ងៃទី១៤ ខែមករា ឆ្នាំ២០២១ នៅក្នុងខេត្តឧត្តរមានជ័យ បានចុះត្រជាក់ខ្លាំង រហូតដល់១១ អង្សាសេ ដែលធ្វើឱ្យពលរដ្ឋក្នុងខេត្តនេះ រងភាពត្រជាក់ស្ទើពុំធ្លាប់មានពីមុនមក។
ប្រជាពលរដ្ឋ និងកងទ័ព រស់នៅ និងឈរជើងនៅតំបន់ជួរភ្នំដងរែក និងខ្ពង់រាបភាគឦសាន កំពុងប្រឈមនឹងបញ្ហាខ្យល់ត្រជាក់ ខណៈបញ្ហានេះ អាចអូសបន្លាយរហូតដល់ថ្ងៃទី១៩ ខែមករា ឆ្នាំ២០២១។
ក្រសួងធនធានទឹក និងឧតុនិយម បានជូនដំណឹងថា ទ្រនុងសម្ពាធខ្ពស់ពីភាគខាងជើង កំពុងធ្លាក់ចុះមកក្រោម គួបផ្សំជាមួយនឹងខ្យល់មូសុងឦសានខ្លាំង។ នៅថ្ងៃ១៣-១៥ ខែមករា ខ្យល់មូសុងឦសានបក់ខ្លាំង ហើយនៅថ្ងៃទី១៦-១៩ ខែមករា ខ្យល់មូសុងឦសាន ថមថយមកក្នុងកម្រិតពីមធ្យម ទៅបង្គួរ។
ស្ថានភាពបែបនេះ នឹងធ្វើឱ្យបណ្តាខេត្ត នៅតំបន់វាលទំនាបកណ្ដាល នៅថ្ងៃទី១៣-១៤ ខែមករា សីតុណ្ហភាពអប្បបរមា មានពី ១៣-១៦ °C និងសីតុណ្ហភាពអតិបរមា មានពី ២៣-២៦ °C។ នៅថ្ងៃទី១៥-១៩ ខែមករា សីតុណ្ហភាពអប្បបរមា មានពី ១៨-២១ °C និងសីតុណ្ហភាពអតិបរមា មានពី២៧-៣០ °C ។
ចំណែកបណ្តាខេត្ត ជាប់ជួរភ្នំដងរែក និងខ្ពង់រាបឦសាន នៅថ្ងៃទី១៣-១៤ ខែមករា សីតុណ្ហភាពអប្បបរមា មានពី ១១-១៤ °C និងសីតុណ្ហភាពអតិបរមា មានពី ២៣-២៦ °C ។ នៅថ្ងៃទី១៥-១៩ ខែមករា សីតុណ្ហភាពអប្បបរមា មានពី ១៦-១៩ °C និងសីតុណ្ហភាពអតិបរមា មានពី ២៧-៣០ °C ។
រីឯតំបន់មាត់សមុទ្រ នៅថ្ងៃទី១៣-១៤ ខែមករា សីតុណ្ហភាពអប្បបរមា មានពី ២២-២៤ °C និងសីតុណ្ហភាពអតិបរមា មានពី ២៩-៣១ °C ហើយនៅលើផ្ទៃសមុទ្រមានខ្យល់ និងរលកសមុទ្រខ្ពស់ៗ នៅថ្ងៃទី១២ ខែមករា។ នៅថ្ងៃទី១៥-១៩ ខែមករា សីតុណ្ហភាពអប្បបរមា មានពី ១៩-២២ °C និងសីតុណ្ហភាពអតិបរមា មានពី ២៧-៣០ °C ៕
អត្ថបទ ៖ ចាន់ ធី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង