ព័ត៌មានជាតិ

ស្ត្រីគឺជាដៃគូអភិវឌ្ឍន៍ដ៏មានឥទ្ធិពលមិនអាចខ្វះបាន

បានផុស

២ years មុន

នៅ

ថ្ងៃសុក្រ ៣ មីនា ២០២៣

ដោយ

ស្ត្រីនៅតែខិតខំបន្តបង្កើនសមត្ថភាពទាំងចំណេះ ជំនាញរឹង និងទន់ ស្របតាមយុគសម័យឌីជីថល ដើម្បីបន្តការចូលរួមយ៉ាងស្វាហាប់ជាមួយបងប្អូនបុរសក្នុងការបំពេញការងារនានាដោយមិនមានភាពស្ទាក់ស្ទើរឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសាស្ត្រាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែតបានមានប្រសាសន៍ដូច្នេះនៅក្នុងឱកាសទិវានារីអន្តរជាតិទី ១១២ក្រោមមូលបទ «ស្រី្តរួមគ្នា រក្សាសុខសន្តិភាព ដើម្បីកិច្ចអភិវឌ្ឍ ក្នុងយុគសម័យឌីជីថល»។ ដែលមានការចូលពីលោកស្រី អឹង រាដា តំណាងនារីប្រចាំក្រសួងសុខាភិបាលនិងលោកស្រីសាស្ត្រាចារ្យ គ្រុយ លាងស៊ីម ទីប្រឹក្សាបច្ចេកទេសនៃមន្ទីរពេទ្យកាល់ម៉ែតរួមជាមួយសាស្ត្រាចារ្យ វេជ្ជបណ្ឌិត ជារូបផងដែរ។

លោកសាស្ត្រាចារ្យ ឈាង រ៉ា អគ្គនាយកមន្ទីរពេទ្យកាល់ម៉ែតបានមានប្រសាសន៍ថា ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចយ៉ាងជោគជ័យក្នុងវិស័យ សុខាភិបាល ដោយអនុញ្ញាតឱ្យមានការចូលរួមពីស្ត្រីក្នុងការបំពេញការងារគ្រប់តួនាទី។

ជាក់ស្តែងនៅក្នុងមន្ទីរពេទ្យកាល់ម៉ែត ចំនួនស្ត្រីគឺមានរហូតដល់ ១០៦១នាក់ ស្មើនឹង ៥៤.៧១% នៃមន្ត្រី-បុគ្គលិក សរុប១៩៣៩នាក់ ដោយក្នុងនេះមានស្ត្រីកាន់តួនាទីជា៖

– សាស្ត្រាចារ្យមហាបរិញ្ញា ជាអនុរដ្ឋលេខាធិកា និងជាទីប្រឹក្សាបច្ចេកទេស នៃមន្ទីរពេទ្យកាល់ម៉ែត ០១នាក់

– សាស្ត្រាចារ្យមហាបរិញ្ញា និងជាអគ្គនាយករង ០១នាក់

– សាស្ត្រាចារ្យរង និងជាប្រធានផ្នែក ០១នាក់

– វេជ្ជបណ្ឌិតឯកទេស ៩៤នាក់ ស្មើនឹង ២៩.៥៥% នៃវេជ្ជបណ្ឌិតសរុប ៣១៨នាក់

– វេជ្ជបណ្ឌិត ០៤នាក់ ស្មើនឹង ៤០% នៃចំនួនវេជ្ជបណ្ឌិតសរុប១០នាក់

– បណ្ឌិតឱសថឯកទេស ០៥នាក់ ស្មើនឹង១០០% នៃចំនួនឱសថបណ្ឌិតឯកទេស

– ឱសថការី ១០នាក់ ស្មើនឹង 58.82% នៃចំនួនឱសថការីសរុប ១៧នាក់

– អ្នកបច្ចេកទេសមន្ទីរពិសោធន៍ ៣៣នាក់ ស្មើនឹង៤៨.៥២% នៃចំនួនអ្នកបច្ចេកទេសមន្ទីរពិសោធន៍សរុប ៦៨នាក់

– អ្នកបច្ចេកទេសវិទ្យុសាស្ត្រ ០៩នាក់ ស្មើនឹង ៣១.០៣% នៃចំនួនអ្នកបច្ចេកទេសវិទ្យុសាស្ត្រ

– គិលានុបដ្ឋាយិកាចំនួន : ៤៨០នាក់ ស្មើនឹង៥៨.៩៦% នៃចំនួនគិលានុបដ្ឋាក-យិកាសរុប ៨១៤នាក់

– ឆ្មប : សរុប ១៧០នាក់ ស្មើនឹង ១០០% នៃចំនួនឆ្មបសរុប

– មន្ត្រី និងបុគ្គលិក ជំនាញផ្សេងៗ ជានារី ចំនួន២៥៣នាក់ ស្មើនឹង៥៥.២១% ៤៦០នាក់។

លោកអគ្គនាយកមន្ទីរពេទ្យកាល់ម៉ែតបានបន្តថា ការបំពេញតួនាទីនានាខាងលើបានបញ្ជាក់ពីការចូលរួមចំណែកដែលមិនអាចមើលរំលងបានក្នុងកិច្ចការសង្គ្រោះអាយុជីវិតអ្នកជំងឺ ក៏ដូចជារក្សាសុខសន្តិភាព និងអភិវឌ្ឍសង្គមជាតិដោយចីរភាព។ ការបំពេញតួនាទីខាងលើក៏បង្ហាញផងដែរថាស្ត្រីគឺជាដៃគូអភិវឌ្ឍន៍ដ៏មានឥទ្ធិពល ជាអ្នកដឹកនាំ និងជាសហភាតរដ៏ឆ្នើមដែលមិនអាចខ្វះបាន។ ការចូលរួមរបស់ស្ត្រីពិតជានាំមកនូវការអភិវឌ្ឍន៍ដែលពោរពេញទៅដោយភាពសំបូរបែប ភាពច្នៃប្រឌិត ភាពល្អិតល្អន់ម៉ត់ចត់ ប្រកបដោយចីរភាព។

តាងនាមឱ្យស្ត្រី ក្នុងថ្ងៃទិវាសិទ្ធនារី ៨មីនានេះ អាចនិយាយថា ស្ត្រីនឹងនៅតែខិតខំបន្តបង្កើនសមត្ថភាពទាំងចំណេះ ជំនាញរឹង និងទន់ ស្របតាមយុគសម័យឌីជីថល ដើម្បីបន្តការចូលរួមយ៉ាងស្វាហាប់ជាមួយបងប្អូនបុរសក្នុងការបំពេញការងារនានាដោយមិនមានភាពស្ទាក់ស្ទើរឡើយ ស្របជាមួយមូលបទ «ស្រី្តរួមគ្នា រក្សាសុខសន្តិភាព ដើម្បីកិច្ចអភិវឌ្ឍ ក្នុងយុគសម័យឌីជីថល» ៕

ដោយ ៖ អ៊ូច ប៊ុនថា