ព័ត៌មានជាតិ
ឧកញ៉ា សំ សុខនឿន ៖ ការដកកម្ពុជាចេញពីបញ្ជីប្រផេះ ឆ្លុះបញ្ចាំងទៅពិភពលោកថាកម្ពុជា ជាកន្លែងវិនិយោគដ៏បរិសុទ្ធ ពិតប្រាកដ និងត្រឹមត្រូវ
លោកឧកញ៉ា សំ សុខនឿន ប្រធានសមាគមអចលនទ្រព្យសកល និងប្រធានក្រុមហ៊ុន Sam SN Realty បានអបអរសាទរ ដែលកម្ពុជាត្រូវបានដកចេញពីបញ្ជីប្រផេះនៃការលាងលុយកខ្វក់កាលពីពេលថ្មីៗនេះ។
លោកឧកញ៉ាបានបន្ថែមថា ការជាប់ក្នុងបញ្ជីប្រផេះធ្វើឱ្យមានការលំបាកខ្លះៗ ពាក់ព័ន្ធនឹងការទិញ លក់ និងលំហូរសាច់ប្រាក់ពីបរទេសចូលមកប្រទេសកម្ពុជា។ ការដកកម្ពុជាចេញពីបញ្ជីប្រផេះនៅពេលនេះ ជាមោទកភាព និងបានឆ្លុះបញ្ចាំងទៅពិភពលោកថា កម្ពុជាមិនជាប់ពាក់ព័ន្ធនឹងការលាងលុយកង្វក់ទេ ក្នុងនោះរាប់បញ្ចូលទាំងការវិនិយោគលើវិស័យអចលនទ្រព្យផងដែរ។ ការវិនិយោគលើវិស័យអចលនទ្រព្យនាពេលកន្លងមកជាការវិនិយោគដ៏បរិសុទ្ធ ត្រឹមត្រូវ និងពិតប្រាកដ។
លោកឧកញ៉ាបានគូសបញ្ជាក់ថា វិស័យអចលនទ្រព្យនៅតែជាវិស័យដ៏សំខាន់ ក្នុងការទាក់ទាញការវិនិយោគិនពីក្រៅប្រទេសចូលមកកម្ពុជាដដែល ខណៈផលចំណេញនៅតែមានទាំងអ្នកលក់ និងអ្នកទិញ។
“ការដកចេញពីបញ្ជីប្រផេះនឹងធ្វើឱ្យអ្នកវិនិយោគិនបរទេស ដែលមានបំណងវិនិយោគ លែងមានមន្ទិលសង្ស័យទៀតទៅលើតម្លៃអចលនទ្រព្យ ដែលឡើងខ្ពស់ជាតម្លៃបំប៉ោងទៅតាមការលាងលុយអីអញ្ចឹងគឺអត់ទេ។ ដូច្នេះកម្ពុជាគឺជាកន្លែងវិនិយោគពិតប្រាកដ និងទទួលបានផលចំណេញពីអចលនទ្រព្យពិតប្រាកដ ហើយការរីកចម្រើនគឺជាការរីកចម្រើនពិតប្រាកដមែន”។ លោកឧកញ៉ាបន្ថែម។
ប្រទេសកម្ពុជាត្រូវបានដកចេញជាផ្លូវការពី «បញ្ជីប្រផេះនៃការលាងលុយកខ្វក់» នៃក្រុមការងារហិរញ្ញវត្ថុអន្តរជាតិ ប្រឆាំងការសំអាតប្រាក់ (FATF) កាលពីពេលថ្មីៗនេះ ដោយសារកិច្ចខិតខំប្រឹងប្រែងរបស់កម្ពុជាក្នុងការប្រយុទ្ធប្រឆាំងនឹងការលាងលុយកខ្វក់ ហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ។
ថ្លែងនៅក្នុងពិធីបើកសន្និបាតក្រសួងមហាផ្ទៃ កាលពីថ្ងៃទី២២ ខែកុម្ភៈ ឆ្នាំ២០២៣ សម្តេច ស ខេង រដ្ឋមន្ត្រីក្រសួងមហាផ្ទៃ បានគូសបញ្ជាក់ថា កម្ពុជា នឹងដាក់ចេញទិសដៅការងារគន្លឹះបន្តទៀត ដើម្បីការពារនូវលទ្ធផលល្អនេះឱ្យបានជារៀងរហូត ពោលគឺមិនបណ្ដោយឱ្យកម្ពុជា វិលមកធ្លាក់ក្នុងបញ្ជីប្រផេះលើការងារប្រឆាំងការសំអាតប្រាក់ជាថ្មីទៀតឡើយ។
ជាមួយគ្នានេះ សម្តេចក្រឡាហោម ស ខេង ក៏បានក្រើនរម្លឹកដល់ភាគីពាក់ព័ន្ធទាំងអស់ មិនត្រូវមានមោទកភាពជ្រុល រហូតបោះបង់ចោលកិច្ចការងារប្រឆាំងការសម្អាតប្រាក់ និងត្រូវខិតខំប្រឹងប្រែងរួមសាមគ្គីគ្នា បន្តការងារនេះបន្ថែមទៀត។
សូមបញ្ជាក់ថា ប្រទេសចំនួន ៣ នៅតែស្ថិតក្នុងបញ្ជីខ្មៅរបស់ FATF រួមមាន កូរ៉េខាងជើង អ៊ីរ៉ង់ និងមីយ៉ាន់ម៉ា ខណៈដែលប្រទេសជាង២០ នៅតែស្ថិតក្នុងបញ្ជីប្រផេះ។ ដោយឡែក កម្ពុជា និងប្រទេសម៉ារ៉ុក លែងជាកម្មវត្ថុនៃការបង្កើនការត្រួតពិនិត្យដោយ FATF ទៀតហើយ។ នេះបើតាមសេចក្តីថ្លែងការណ៍របស់ FATF៕
លោក ហេង សួរ សំណេះសំណាលជាមួយអង្គបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខណ្ឌចំការមន និងខណ្ឌពោធិ៍សែនជ័យអាណត្តិទី៤ ឆ្នាំ២០២៤
Havertz នឹងក្លាយជាអ្នកគាំទ្រ Spurs ពេញទំហឹងក្នុងសប្ដាហ៍នេះ
ក្រុមគ្រួសារពលការិនីមកពីអារ៉ាប៊ីសាអូឌីតអរគុណរដ្ឋាភិបាលដែលយកចិត្តទុកដាក់និងជួយឲ្យបានត្រឡប់មកស្រុកវិញ
ស្ដេច Charles ជួប David Beckam ក្រោយពាក្យចចាមអារ៉ាមថា ទ្រង់គ្មានពេលឲ្យព្រះអង្គ Harry
ថ្ងៃទី១៥ ខែឧសភា សម្ដេចធិបតី នឹងអញ្ជើញធ្វើទស្សនកិច្ចផ្លូវការទៅកាន់កូរ៉េខាងត្បូង
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
សេដ្ឋកិច្ច១ សប្តាហ៍ agoធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ agoក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៤ ថ្ងៃ agoគម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ១ សប្តាហ៍ agoវិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ជីវិតកម្សាន្ដ១ សប្តាហ៍ agoសារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ២ ថ្ងៃ agoរុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៧ ថ្ងៃ agoព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ១ សប្តាហ៍ agoភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល