ព័ត៌មានជាតិ
រយៈពេល១៤ថ្ងៃ នៃខែមករា ស្លាប់៧៤នាក់ ដោយសារករណីគ្រោះថ្នាក់ចរាចរណ៍
យោងតាមរបាយការណ៍របស់អគ្គស្នងការនគរបាលជាតិ បានឲ្យដឹងថា រយៈពេល១៤ថ្ងៃ ដោយគិតចាប់ពីថ្ងៃទី០១ ដល់ថ្ងៃទី១៤ ខែមករា ឆ្នាំ២០២១ មានករណីគ្រោះថ្នាក់ចរាចរណ៍ កើតឡើងចំនួន១៣១ លើក ធ្វើឲ្យមនុស្សស្លាប់ចំនួន៧៤ នាក់ របួសចំនួន១៨៥ នាក់ របួសធ្ងន់ចំនួន១១៩ នាក់។
ចំណែកនៅថ្ងៃព្រហស្បតិ៍ ទី១៤ ខែមករា ឆ្នាំ២០២១ម្សិលមិញ មានករណីគ្រោះថ្នាក់ចរាចរណ៍ចំនួន១០ លើក ក្នុងនោះស្លាប់ចំនួន០២ នាក់ របួសចំនួន១៧ នាក់ ក្នុងនោះរបួសធ្ងន់ចំនួន០៩នាក់ ហើយករណីគ្រោះថ្នាក់ចរាចរណ៍នេះ បានកើតឡើងនៅតាមរាជធានី ខេត្ត ចំនួន០៥។
លោកឧត្តមសេនីយ៍ឯក ឆាយ គឹមខៀន បានឲ្យដឹងដែរថា រយៈពេល១៤ថ្ងៃ ដើមខែមករា នេះដែរ មានយានយន្តល្មើសចំនួន១៣៣១៧ គ្រឿង ត្រូវបានពិនិត្យ និងពិន័យ ក្នុងនោះម៉ូតូចំនួន៩៩២៧ គ្រឿង និងរថយន្តគ្រប់ប្រភេទចំនួន៣៣៩០ គ្រឿង ក្នុងនោះរថយន្តតូចចំនួន២៧២៩ និងរថយន្តធំចំនួន៦៦១ គ្រឿង។
សម្រាប់ថ្ងៃទី១៤ ខែមករា នគរបាលចរាចរណ៏ទូទាំងប្រទេសបានត្រួតពិនិត្យ និងផាកពិន័យយានយន្តសរុបចំនួន១០២១ គ្រឿង ក្នុងនោះមានម៉ូតូចំនួន៧៥៨ គ្រឿង និងរថយន្តគ្រប់ប្រភេទចំនួន២៦៣ គ្រឿង។
ក្នុងចំណោមម៉ូតូល្មើសទាំង៧៥៨ គ្រឿងនោះ បើកបរដោយអត់មួកសុវត្ថិភាពចំនួន៦៧៤ នាក់, បើកបរល្មើសសញ្ញាចំនួន៤០គ្រឿង, ស្រវឹងចំនួន៥ នាក់, បើកបរដោយអត់ស្លាកលេខចំនួន១៥ គ្រឿង និងបើកបរប្រើទូរស័ព្ទចំនួន២៤ នាក់។
ចំណែករថយន្តទាំង២៦៣គ្រឿងនោះ មានរថយន្តតូចចំនួន២០៣ គ្រឿង និងរថយន្តធំចំនួន៦០ គ្រឿង ហើយក្នុង ចំណោមយានយន្តទាំងនោះ មានល្មើសល្បឿនចំនួន២៣ គ្រឿង, អត់មានប័ណ្ណបើកបរចំនួន១០ នាក់, ល្មើសញ្ញាចំនួន១៦ គ្រឿង, បើកបរអត់ដាក់ខ្សែក្រវ៉ាត់ចំនួន១៦៤នាក់, លើសចំណុះចំនួន១៧ គ្រឿង, បើកបរក្នុងស្ថានភាពស្រវឹងចំនួន០១ នាក់, អត់ស្លាកលេខចំនួន០៣ គ្រឿង និងបើកបរប្រើទូរសព្ទចំនួន២៩នាក់៕
អត្ថបទ ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង