យោងតាមផេកផ្លូវការរបស់ឯកឧត្តម ហ៊ុន ម៉ាណែត បានបង្ហោះថា មានករណីជនបោកប្រាស់បានបង្កើតគណនីតេលេក្រាមបន្លំប្រើប្រាស់រូបភាព ឧត្តមសេនីយ៍ឯក ហ៊ុន ម៉ាណែត ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក។

ផេកផ្លូវការរបស់ឯកឧត្តម ហ៊ុន ម៉ាណែតបានសរសេរថា៖ «សូមជម្រាបជូនសាធារណៈជនឲ្យបានជ្រាបថា​ មានករណីដែលជនបោកប្រាស់បានបង្កេីតគណនីតេលេក្រាមដោយបន្លំប្រេីប្រាស់រូបភាព​ និងឈ្មោះឯកឧត្តមបណ្ឌិត​ ដេីម្បីផ្ញេីសារ​ ក្នុងគោលដៅបោកប្រាស់​ ឬគោលបំណងផ្សេងៗ។

សូមបងប្អូន​ ពូមីង​ តាយាយមេត្តាជ្រាប​ និងប្រុងប្រយ័ត្នខ្ពស់បំផុត​ និងកុំចាញ់តាមការបោកប្រាស់របស់ក្រុមទាំងនេះ​ នាំឲ្យមានការខាតបង់ផលប្រយោជន៍​ ឬទ្រព្យសម្បត្តិជាដេីម»៕