Connect with us

ព័ត៌មានជាតិ

ឯកឧត្ដម ហ៊ុន ម៉ាណែត ៖ ជោគជ័យ​ធំ​ៗក្នុង​គ្រប់​កិច្ចការ គឺ​កើត​ពី​ការ​រួមផ្សំ​នៃ​ជោគជ័យ​តូចៗ​ជាច្រើន​វេញ​បញ្ចូល​គ្នា

បានផុស

នៅ

ថ្លែង​ក្នុង​ពិធី​ប្រគល់​សញ្ញាប័ត្រ​ជូន​និស្សិត​ជ័យលាភី នៃ​សាខា​សាកលវិទ្យាល័យ​គ្រប់គ្រង និង​សេដ្ឋកិច្ច (UME) ខេត្តក្រចេះ នា​ថ្ងៃ​ទី​១៦ ខែឧសភា ឆ្នាំ​២០២៣ ឯកឧត្ដម បណ្ឌិត ហ៊ុន ម៉ា​ណែ​ត ប្រធាន​គណៈកម្មាធិការ​អាហារូបករណ៍​សិស្ស​-​និស្សិត​ក្រីក្រ​សម្តេច​អគ្គមហាសេនាបតី​តេ​ជោ ហ៊ុន សែន និង សម្តេច​កិត្តិ​ព្រឹទ្ធ​បណ្ឌិត បាន​មាន​ប្រសាសន៍​ថា ជា​បទពិសោធន៍​ផ្ទាល់ខ្លួន​, យើង​គួរ​កត់សម្គាល់ថា ជោគជ័យ​ធំ​ក្នុង​គ្រប់​កិច្ចការ គឺ​កើត​ពី​ការ​រួមផ្សំ​នៃ​ជោគជ័យ​តូចៗ​ជាច្រើន​វេញ​បញ្ចូល​គ្នា​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែង ភាពជោគជ័យ​នៃ​ការសិក្សា​នៅ​កម្រិត​ឧ​ត្ត​មសិ​ក្សា បានកើត​ចេញពី​ការ​បូក​ឡើងជា​លំដាប់​នៃ​ជោគជ័យ​នៅ​ខាងក្រោម ចាប់តាំងពី​ថ្នាក់បឋមសិក្សា និង​មធ្យមសិក្សា​ទាំងពីរ​កម្រិត​ជា​បន្តបន្ទាប់​។ ដើម្បី​ទទួលបាន​ជោគជ័យ​ទាំង​តូច​ទាំង​ធំ​, យើង​ចាំបាច់​ត្រូវ ប្រកាន់​នូវ​ទម្លាប់​វិជ្ជមាន ដោយ​ខិតខំ​បំពេញ​រាល់​ភារកិច្ច​ឱ្យមាន​ប្រសិទ្ធភាព​, រស់​រវើក​, ហ្មត់ចត់​, លឿន​រហ័ស និង​ល្អ​ជាប់​ជាប្រចាំ ព្រម​ជាមួយនឹង​ផ្នត់គំនិត​នៃ​ការដាក់​ខ្លួន​ឱ្យទាប​សាមញ្ញ ដោយ​ទទួលយក​ការរៀនសូត្រ​ពី​គ្រប់​មជ្ឈដ្ឋាន​ជុំវិញ ដូច​ទៅនឹង​លក្ខណៈ​ធម្មជាតិ​របស់​រុក្ខជាតិ​ស្មៅ ដែល​តែង​រក្សាបាន​នូវ​ភាព​ធន​រឹងមាំ​ក្នុង​គ្រប់​ស្ថានការណ៍ ហើយ​តស៊ូ​ប្រឹងប្រែង​លូតលាស់​ក្នុង​គ្រប់​ឧបសគ្គ​ដោយ​មិន​បោះបង់​។

ឯកឧត្ដម​បាន​មាន​ប្រសាសន៍ទៀតថា ខ្ញុំ​សូម​ចូលរួម​អបអរសាទរ​ជាមួយ​សមណ​និស្សិត និង​និស្សិត​ជ័យលាភី​ទាំង ៨០០ អង្គ​/​នាក់ ដែល​បានបញ្ចប់​ការសិក្សា​ដោយ​ជោគជ័យ ហើយ​ត្រូវ​ទទួល​សញ្ញាបត្រ​នាពេលនេះ បន្ទាប់ពី​បាន​យកចិត្តទុកដាក់​រៀនសូត្រ និង​ពុះពារ​ជម្នះ​រាល់​ការលំបាក​អស់​រយៈពេល​ជាច្រើន​ឆ្នាំ ហើយ​នេះ​ក៏​ជា​ជំហាន​ថ្មី​មួយទៀត​នៅក្នុង​ជីវិត​ចំពោះ​ការទទួលបាន​នូវ​ការបញ្ជាក់​អំពី​គុណវុឌ្ឍិ​ជា​ផ្លូវការ ក្នុងនាម​ជា​មូលធន​មនុស្ស​ប្រកបដោយ​គុណភាព ដែល​កំពុង​ចូលរួម​យ៉ាងសកម្ម​ក្នុង​កិច្ចការ​សង្គម​-​សាសនា និង​បម្រើ​ការងារ​នៅតាម​ក្រសួង​-​សា្ថ​ប័នរ​ដ្ឋ​, វិស័យ​ឯកជន និង​អង្គការក្រៅរដ្ឋាភិបាល​នានា​។​

ឯកឧត្ដម​បន្ត​ថា ខ្ញុំ​សូម​ចូលរួម​ត្រេកអរ​ជាមួយ​មាតាបិតា អាណាព្យាបាល ដែល​បាន​ខិតខំ​តស៊ូ​ទំនុកបម្រុង​បុត្រ​ធីតា ឱ្យ​សិក្សា​រៀនសូត្រ​បាន​ខ្ពង់ខ្ពស់​ចប់​ចុង​ចប់​ដើម​។ នេះ​ពិតជា​មោទកភាព​ដ៏​ត្រចះត្រចង់​សម្រាប់​ក្រុមគ្រួសារ​ទាំងមូល​, ជាពិសេស​ចំពោះ​គ្រួសារ​មួយចំនួន ដែល​ឪពុកម្តាយ​បងប្អូន​មិនមាន​ឱកាស​សិក្សា​រៀនសូត្រ ក្នុងអំឡុង​ពេលដែល​ប្រទេសជាតិ​យើង​មាន​សង្គ្រាម​បែកបាក់​វឹកវរ ដែល​ធ្វើឱ្យ​បាត់បង់​ឱកាស​គ្រប់យ៉ាង​ទាំងស្រុង ហើយក៏​សូម​អរគុណ​ចំពោះ​គណៈ​គ្រប់គ្រង​, សាស្ត្រាចារ្យ និង​បុគ្គលិក​សិក្សា​ទាំងអស់ នៃ​សាកលវិទ្យាល័យ​គ្រប់គ្រង និង​សេដ្ឋកិច្ច ដែល​បាន​ខិតខំ​រៀបចំ​សម្រប​ម្រួ​ល​ក្នុង​ដំណើរការ​បណ្តុះបណ្តាល និង​បង្ហាត់បង្រៀន​ដល់​និស្សិត​របស់​យើង សំដៅ​ធ្វើយ៉ាងណា​ចែករំលែក​នូវ​ចំណេះដឹង​, ជំនាញ​, បទពិសោធន៍ និង​ដំបូន្មាន​ល្អៗ រហូត​ពួកគាត់​អាច​សម្រេចបាន​នូវ​ជោគជ័យ​ជាទី​មោទនៈ​។

ឯកឧត្ដមបានមានប្រសាសន៍បន្ត​ទៀត​ថា ចំណេះដឹង ជា​អំណាច​។ សម្រាប់​បុគ្គល​ម្នាក់ៗ​, ការអប់រំ​បាន​ផ្តល់ឱ្យ​យើង​នូវ​អំណាច​ដែល​ផ្តល់នូវ​សេរីភាព​, ជម្រើស​, ឥទ្ធិពល​ក្នុងការ​ប្រកួតប្រជែង​, ភាពម្ចាស់ការ​ឯករាជ្យ និង​ឱកាស​គ្រប់បែបយ៉ាង ហើយក៏​ជា​មូលដ្ឋាន​ក្នុងការ​បន្ត​កសាង​អភិវឌ្ឍ​ខ្លួន​ទៅមុខ​បន្ថែមទៀត ទាំង​តាម​ការចាប់យក​ជំនាញ​ថ្មី (Reskilling) និង​ការធ្វើ​ទំនើបកម្ម​លើ​ជំនាញ​ដែលមាន​ស្រាប់ (Upskilling) ដើម្បី​ឆ្លើយតប​ទៅនឹង​ឱកាស​ថ្មីៗ​កាន់តែ​ប្រសើរ ជាពិសេស​ការប្រកួតប្រជែង​យក​ឱកាស​ការងារ​ទាំង​ក្នុង និង​ក្រៅប្រទេស​។

ក្នុង​ឯកឧត្ដម​ក៏​បាន​មាន​ប្រសាសន៍​ទៀត​ថា សូម​និស្សិត​ទាំងអស់ បន្ត​ខិតខំ​រៀនសូត្រ​ដោយ​មិន​ឈប់ឈរ​ពេញ​មួយជីវិត ទាំង​ការ​ដុសខាត់​ជំនាញ ឬ​ការចាប់យក​ជំនាញ​ថ្មីៗ ដើម្បី​ឆ្លើយតបបាន​ទៅនឹង​តម្រូវការ​នៃ​ទីផ្សារពលកម្ម ជាពិសេស ក្នុង​បរិការណ៍​នៃ​បដិវត្តន៍​ឧស្សាហកម្ម​ទី​៤​នេះ ដែល​នឹង​នាំមក​នូវ​កាលានុវត្តភាព​សម្រាប់​កំណើន និង​ការអភិវឌ្ឍ​សង្គម​-​សេដ្ឋកិច្ច៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៨ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៩ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម